Инфантино: Эрон терма жамоасининг мундиалда иштирок этиши аниқ бўлди
Жанни Инфантино Эрон терма жамоасининг 2026 йилги Жаҳон чемпионатида иштирок этиши расман тасдиқланганини маълум қилди. Унинг сўзларига кўра, терма жамоа турнирда иштирок этиш ҳуқуқини сақлаб қолган.
ФИФА раҳбари таъкидлашича, ҳозирги геосиёсий вазиятга қарамай, футбол ўз йўлида давом этиши керак. Унинг фикрича, мусобақа бошлангунига қадар вазият барқарорлашишига умид катта:
“Эрон мундиалда иштирок этади. Бу аниқ. Умид қиламизки, турнир бошлангунига қадар вазият барқарорлашади”, — деди Инфантино.
Инфантино, шунингдек, Эрон терма жамоаси майдонга чиқиб, ўз мамлакатини муносиб тарзда намоён этиши лозимлигини қайд этди. У футболчиларнинг асосий истаги ўйнаш эканини, спорт сиёсатдан юқори туриши кераклигини алоҳида урғулади:
"Терма жамоа келиб, ўз мамлакатини муносиб тарзда намоён этиши керак. Футболчилар ўйнашни истайди. Спорт сиёсатдан ташқари бўлиши лозим”, — деди Инфантино.
Маълумот ўрнида, Эрон терма жамоаси гуруҳ босқичида Бельгия терма жамоаси, Миср терма жамоаси ва Янги Зеландия терма жамоаси билан бир гуруҳдан ўрин олган.
2026 йилги Жаҳон чемпионати 2026 FIFA World Cup 11 июндан 19 июлгача АҚШ, Канада ва Мексика ҳудудида ўтказилади.
Ҳозирча барча эътибор турнирга тайёргарликка қаратилган бўлиб, футбол дунёси яна бир катта спорт байрамини кутмоқда.