Валверденинг йўқлиги «Реал Мадрид» жамоасининг мағлубиятига асосий сабаб бўлди
Испаниянинг «Марcа» нашри таҳлилига кўра, Ла Лиганинг 30-турида «Реал Мадрид» жамоасининг «Малорка»га 1:2 ҳисобида мағлуб бўлишида уругвайлик юлдуз Федерико Валверденинг майдонда йўқлиги асосий сабаблардан бири бўлди. Бу ҳақда Goal.com хабар беради.
Мадридлик журналист Пабло Полонинг фикрича, Валверденинг таъсири фақат голлар ёки ҳужумдаги фаоллик билан чекланмайди. У майдонда етакчилик қобилиятини намойиш этиб, сардорлик вазифасини ҳам бажариб келаётган эди.
«Реал Мадрид» «Малорка»да чемпионлик унвони учун Валвердесиз курашди ва бунинг оқибати барчага маълум бўлди. Жамоанинг ҳимоя чизиғидаги инқироз жиддийлашиб бормоқда, чунки ғалаба қозонишни истаган жамоалар ҳимоядан бошлаб қурилади», — дея қўшимча қилди Поло.
Учрашувнинг иккинчи бўлимида мураббий Алваро Арбелоа томонидан амалга оширилган ўзгаришлар ҳам кутилган натижани бермади. Беллингем, Мастануто ва ҳатто Винисиуснинг майдонга тушиши «қироллик клуби» ўйинида сезиларли бурилиш ясай олмади.
Ҳисоботдаги ягона ижобий ҳолат сифатида Милитаонинг сафга қайтиши кўрсатилган. Ҳимоячи ўзига ажратилган вақт ичида жамоа учун муҳим ўйинчи эканини исботлади.
Ҳозирда «Реал Мадрид» учун Чемпионлар лигаси ягона умид бўлиб қолмоқда.