«Улым, булдырасың» — Салават Фәтхетдинов улы белән горурлана
Салават Фәтхетдиновның улы Рөстәм бозда узышу буенча Россия чемпионатында җиңү яулаган. Ярышлар Тольятти шәһәрендә үткән. Салават Фәтхетдинов инстаграмда Рөстәмнең Татарстан тарихында иң яшь узышчы булуы турында язган. Барлык кешеләргә дә балалар бәхете теләгән. Инстачылар Рөстәмне спорттагы уңышлары белән тәбрикләгәннәр. «Рөстәмнең уңышлары өчен без дә шатбыз», «Без дә карап, Рөстәм өчен борчылып утырдык», «Вәт бәхетле син, Салават абый», «Салаватка игелекләре баласы аша кайта», — дип комментарийлар калдырганнар. Салаватның кадр артында улы белән чын күңелдән горурланганы, «Улым, булдырасың», «Татарстан, алга», — дип әйтүе ишетелеп тора.