Оставки на четворица регионални гувернери во Русија
Шефовите на регионите Томск, Саратов, Киров и Мари Ел најавија итна оставка, додека шефот на регионот Рјазан изјави дека нема да се кандидира за уште еден мандат, пренесува Ројтерс. Изборите ќе се одржат во сите пет региони во септември годинава.
Неколкумина гувернери во заминување ги претставуваат регионите каде владејачката Единствена Русија освои мал дел од гласовите на минатогодишните парламентарни избори. Непопуларните гувернери редовно се отстрануваат од функцијата, и честопати во пролетните месеци групно поднесуваат оставки, потсетува Ројтерс.
Лидерите на Г7 воведуваат нови санкции за Русија
Илја Грашенков, шеф на Истражувачкиот центар за развој на регионална политика во Москва, вели дека Кремљ ги отстранува слабите гувернери во услови на влошени економски изгледи за земјата, поради санкциите од Западот.
Грашченков рече дека има потреба од преструктуирање на економијата, особено во оние региони каде што западното економско влијание е значајно.
„Овие гувернери треба да бидат заменети со помлади“, вели Грашченков.
Според Министерството за економија, руската економија годинава ќе се намали за 8,8 отсто, пренесува Ројтерс.