Москва суди Навальнийнинг матбуот котибини 25 кунга қамади
Москва суди ҳибсдаги мухолифат етакчиси Алексей Навальнийнинг матбуот котиби Кира Ярмишни президент Владимир Путинга қарши 5 май куни ўтказилган намойишлардаги роли учун 25 кунга қамади.
Ярмиш бир кун олдин Москвада қўлга олинган эди.
Котиб суд қарори эълон қилинганидан кейин Twitterда:
- Ҳақ эканлигингни билиб турган, сени минглаб одам қўллаб турган пайтда 25 кун – ҳеч нарса эмас/ Ҳаммага омад, апелляцияда кўришамиз.- деб ёзди.
Навальнийнинг YouTube канали бошқарувчиси Руслан Шаведдинов ҳам 22 май куни қўлга олиниб, кейинроқ 30 кунга қамалган эди.
Фаол Тверь суди қарори ортидан Twitterда:
- 30 кун. Мен сизни мамлакатимиз келажаги учун курашда иштирок этишга чақиришда давом этаман, - деб ёзди.
23 май куни Москва шаҳри суди Навальнийнинг шикоят арзини рад этди. Мухолифатчи намойишларни уюштиргани учун 30 кунга қамалган.
15 май куни суд Навальнийни оммавий йиғинлар уюштириш қоидаларини бузишда айбдор деб топди. Мухолифатчи эса унга қўйилган айбловларни “аҳмоқона” дея таърифлади.