Башкортстанда шәхси йортта ике кеше тереләй янып үлгән
Башкортстанның Учалы районындагы Баттал авылында 18 декабрьдә кичке алтылар тирәсендә коточкыч янгын була. Бу турыда «Башинформ» хәбәр итте. 18.09 сәгатьтә янгын турында коткаручыларга хәбәр итәләр. Янгын сүндерүчеләр килгән вакытта 56 квадрат метрлы агач йорт тулысынча дөрләп яна торган була. Янгынны 19.40 сәгатьтә генә туктаталар, 20.13 сәгатьтә тулысынча сүндереп бетерәләр. « Башкортстан » телеканалы әлеге фаҗига сурәтләнгән кадрларны күрсәтте.
Кызганычка каршы, йорттагы кешеләр янып үлә. Хәрабәләрне актарганда 1968 елда туган ир-ат һәм 1959 елда туган хатын-кыз мәете табыла. Янгын сәбәпләрен тикшерүчеләр ачыклаячак, диелә бу хәбәрдә. Соңгы арада күрше төбәктә берничә янгын булды:
«Алар беркемгә кирәк түгел иде». Башкортстанда янгында унбер кеше һәлак булды
Башкортстанда зур гаиләдә фаҗига: Унбер яшьлек малай янып үлгән
«Төтенгә буылып үлгәннәрдер». Башкортстанда күп балалы хатын һәм аның ике улы һәлак
«Яхшы гаилә иде». Башкортстанда яшь әти белән әни һәм аларның ике баласы янып үлгән