Қазақстанда төлқұжат алу ережелері өзгерді
Қазақстанда азаматтық алу немесе қалпына келтіру үшін емтихан тапсыруға қойылатын талаптар қайта қаралды. Ғылым және жоғары білім министрі білімді бағалау жүйесін өзгертетін жаңа бұйрыққа қол қойды, - деп хабарлайды Tengrinews.kz тілшісі.
Енді тесттен сәтті өту үшін жинау қажет ұпай саны:
мемлекеттік тіл бойынша – 15 балл (бұрын 36 болатын);
Конституция бойынша – 20 балл (бұрын – 9);Қазақстан тарихы бойынша – 15 балл (өзгеріссіз).
Бұл не үшін жасалды?
Осылайша, басымдық тілден Конституция бойынша білімін тексеруге ауысты. Емтихан міндетті күйінде қалады, бірақ талаптар анағұрлым теңгерімді болды: қазақ тілінен жинайтын ұпай азайды, ал азаматтардың құқықтары мен міндеттерін білуге көбірек мән берілді.
Жаңа ережелер қашан күшіне енеді?Құжат алғаш ресми жарияланғаннан кейін күшіне енеді. Бұйрық Әділет министрлігінде тіркеуге жіберілді және Ғылым және жоғары білім министрлігінің сайтында жарияланады.
Сілтемесіз жаңалық оқисыз ба? Онда Telegram желісінде парақшамызға тіркеліңіз!