Аляксандр Дабравольскі: Паводле Канстытуцыі беларусы не могуць адвольна пазбаўляцца грамадзянства
Палата прадстаўнікоў Рэспублікі Беларусь адразу ў двух чытаннях ухваліла закон, які дазваляе пазбаўляць беларусаў грамадзянства за «экстрэмізм». Страта грамадзянства, пасля прыняцца закона, можа адбыцца ў сувязі з наяўнасцю выраку суду Рэспублікі Беларусі, які пацвярджае ўдзел асобы ў экстрэмісцкай дзейнасці або прычыненне ёю цяжкай шкоды інтарэсам Рэспублікі Беларусі, нават калі такая асоба – за мяжой.
Сітуацыю камэнтуе дарадца і кіраўнік аддзела ўнутранай палітыкі ў офісе Святланы Ціханоўскай Аляксандр Дабравольскі:
– Адбываецца падмена паняццяў. Калі гаворыцца, што нейкая шкода інтарэсам Беларусі, то на самой справе маецца на ўвазе інтарэсы не Беларусі і не беларускага народа, а інтарэсы Лукашэнкі і тых асобаў, якія пры ім. Яны лічаць, што гэта яны Беларусь. Гэтыя людзі карыстаюцца рэсурсамі дзяржавы для таго, каб утрымліваць сваю ўладу незаконным шляхам. Усе гэтыя рашэнні, якія былі прынятыя пасля таго, як Лукашэнка правёў незаконную інаўгурацыю, пасля таго, як ён прайграў выбары, яны будуць перагледжаны.
Па словах Аляксандра Дабравольскага, за сітуацыя з імавертным пазбаўленнем беларусаў грамадзянства за «экстрэмісцкую дзейнасць» сочыць Аб’яднаны Пераходны Кабінет, а з мажлівымі алгарытмамі вырашэння праблемы будзе працаваць група юрыстаў.
Беларускае Радыё Рацыя
Artykuł Аляксандр Дабравольскі: Паводле Канстытуцыі беларусы не могуць адвольна пазбаўляцца грамадзянства pochodzi z serwisu БЕЛАРУСКАЕ РАДЫЁ РАЦЫЯ.