Фестываль Абуджаных TUTAKA запрашае!
14-15 ліпеня на Падляшшы трэці год запар адбудзецца найбуйнейшая сустрэча беларусаў свету – Фестываль Абуджаных TUTAKA.
Artykuł Фестываль Абуджаных TUTAKA запрашае! pochodzi z serwisu БЕЛАРУСКАЕ РАДЫЁ РАЦЫЯ.
14-15 ліпеня на Падляшшы трэці год запар адбудзецца найбуйнейшая сустрэча беларусаў свету – Фестываль Абуджаных TUTAKA!
Фестываль TUTAKA – гэта неверагодны шанец пабачыцца, паглядзець, што сёння прэзентуе незалежная беларуская культура, а таксама файна адпачыць і зарадзіць адно аднаго пазітыўнай энергіяй і аптымізмам!
У самы разгар лета і ў маляўнічым лесе з намётавым лагерам, крутымі канцэртамі, зонамі адпачынку, возерам і іншымі забавамі.
Сёлета фестываль наведае лідарка вольных беларусаў Святлана Ціханоўская.
Фестывальная прастора адчыняецца ў пятніцу 14 ліпеня а 13:00.
Наведнікаў чакаюць разнастайныя майстар-класы, супольныя гульні з вольнымі спартоўцамі ды заняткі „Мова Нанова”. Пройдзе таксама супольная акцыя салідарнасці з палітвязнямі ў Беларусі.
У 19:30 Святлана Ціханоўская запрашае беларусаў на асабістую размову.
Не абыдзецца першы дзень і без канцэртаў:
А 21:00 зайграюць DZIECIUKI
За начныя танцы ў лесе будзе адказваць PAPA BO SELEKTAH
У суботу 15 ліпеня ўдзельнікаў чакае шмат разнастайных заняткаў, дыскусій і сустрэч з вядомымі беларусамі – Маргарытай Ляўчук, Крысцінай Дробыш, Маляванычам, Андрэям Саўчанкам, Кацяй Сныцінай і інш.!
А ад 19:00 на вялікай сцэне выступяць:
NOCHY
BOTANIC PROJECT
DLINA VOLNY
ДАЙ ДАРОГУ!
Найбольш трывалыя працягнуць начныя танцы разам з PAPA BO SELEKTAH
Паляна Барык каля вёскі Гарадок на Падляшшы
Час старту: 14 ліпеня
Час заканчэння: 16 ліпеня
УДЗЕЛ У ФЕСТЫВАЛІ ДАРМОВЫ
Таксама будуць арганізаваныя некалькі варыянтаў аўтобусаў да фестывалю з Беластока і назад – замовіць месца можна да 11 ліпеня (усе падрабязнасці па квітках тут https://ko-fi.com/fundacjatutaka/shop)
Усе цікавосткі і анонсы, датычна фестывалю, публікуюцца ў сацсетках: https://tutaka.org/pl/linki/.
Якім будзе Фестываль – залежыць ад кожнага з нас!
Давайце зробім гэта крута!
Паводле прэс-рэліза
Artykuł Фестываль Абуджаных TUTAKA запрашае! pochodzi z serwisu БЕЛАРУСКАЕ РАДЫЁ РАЦЫЯ.