Новости за 05.02.2019

Iамеркарчу бакъоларъярхойн Freedom House юкъаралло хаамбарехь, Iамеркан Цхьаьнатоьхначу Штаташкахь шорлуш ду демократин институташ хьешар. Ткъа оцо дерриг а дуьнентIехь эшон тарло политикан бакъонаш а, адамийн маршонаш а, боху хьукмато. Фридом ХIаусо адамийн бакъоннех лаьцна ша шарахь цкъа арахоьцучу артиклехь билгалдоккху 68 пачхьалкхехь демократи лахъелла хилар а, ткъа 50 пачхьалкхо шаьш демократехьа дIагIертийла гойтуш хилар а. Шинарийдийнахь арахецначу оцу документо маршонаш эшначийн могIарахь гойту Оьрсийчоь... Читать дальше...

Нохчийчохь тIом боьдуш а, цул тIаьхьа а республикехь суьдхо болх бина Мурдалов ТIахIир дагахь ву Пятигорскехь аьрзнаш луьстучу кхелахочуьнан меттиг къовса. Цунах лаьцна яздо "Реальное время" зорбанан гIирсо. Болчу хаамца, юкъарчу юрисдикцин аьрзнаш луьстучу кхелийн суьдхой харжа йолаелла оршотан дийнахь Оьрсийчоьнан кхелахойн Лаккхара говзаллан коллеги. Кху кIиранах цара луьстур ду Пятигорскехь суьдхочуьнан болх бан луучу наха чуделла кехаташ. Цу курортан гIалахь болх бан лууш ву Мурдалов а. ... Читать дальше...

Нах бехказбуьйлуьйту Кадыровн практика йолийна Дагестанерчу ЦПЭ Центро

Тохсыров Вадим Хенара бовла некъ карийна хIирашна – чIерий кхиош доккху цара ахча ХIирийчоьнах бакъ-чIеран (форель) мохк олу тIаьххьарчу заманахь. Иза кхиабо дуккха а доьзалша. Еккъа цхьана Ардонан кIоштахь ю чIирий лелош массех кооператив. Кхиийна чIара берриг а санна туьпахь бохка дIахьо Москох. Бекан-ишалшкахь 70 шо хьалха Бекан юьртанна гергахь гидростанци юьллуш баьккхинчу ишална елла изза цIе – Бекан. Тахана а болх беш ю станци, амма тесна лаьттара ишал, аьлча а, ишалийн кочар. Ши шо ду хих пайдаэца болийна ... Читать дальше...

Нохчийчоьнца доза къастош шайга дакъалацийтар доьху Дагестанерчу бахархоша. Шинарин дийнахь цу хьокъехь кхайкхам бина Бабаюьртан кIоштарчу жигархоша. Дагестанан куьйгалхочуьнга Васильев Владимире а, республикан Халкъан Гуламе а шайна бакъо ялар доьхуш кхайкхам бина цара социалан машанашкахула. "БотIлихан а, Казбекан а кIошташкарчу юкъаллаша доьхучунна тIе а хIиттина, оха юкъараллин кхеташо кхуллу. Халкъан Гуламан комиссега доьху оха дозанаш билгалдохуш дакъала тхайна бакъо ялар, меттигерчу юкъараллан векалшца и болха цхьана дIабахьар"... Читать дальше...

Бахьана а доцуш, мехаш хьаладахарна 60 гергга Нохчийчуьра махбархо жоьпе озийна прокуратуро. 2018-чу шарахь прокуратурин белхахошна гучуяьлла, низамаш а дохош, лакхара мехаш хIиттийна иттаннаш меттигаш. Иза бахьана долуш "Роспотребнадзоран" урхалле и нах жоьпе озор доьхуш кечйина 55 материал хьажийна республикан кIоштарчу прокуратураша. Царна тIе а вевжаш, гIуданаш тоьхна цхьа а бахьана а доцуш мехаш хила дезачул а хьаладаьхначу махбархошна. Иштта, Соьлж-ГIалан кIоштахь таллам бича гучудаьлларг... Читать дальше...

Газ а, ток а, хи а дусту ЖКХ-н гIирс нийса хиларна Оьрсийчуьра бахархой жоьпаллехь бечу назамна тIехь хийцамаш байта дагахь ю Росстандарт урхалла. Цара маьрша бохур бу нах цу кепарчу гIирсах жоп даларх. Цунах лаьцна "Российская газетана" интервью луш дIахьедар дина цу урхаллан куьйгалхочо Абрамов Алексейс, хаам бо РИА Новости агенталло. Керла низам тIеэцначул тIаьхьа, бахархоша дан дезарг хир ду шайн хIусамашкахь дIахIоттийначу гIирсана тIекхача говзанчашна бакъо ялар, боху Абрамовс. Росстандартан куьйгалхочунна хетарехь... Читать дальше...

Лазар дукха генадалале молханаш лоьхуш, цунах талламаш бан керла кепаш караерзош, жигара къахьоьгу медицинан Iилманчаша. ХIунда аьлча, лазар хааделлачул тIаьхьа маса дарба доладахь, шансаш мел а алсам ю, цу цамгарх хьалхавала. Онкологехь тIаьххьара баьхначу кхиамех дуьйцу Али-заде Дарияс.

Нохчийн къоман ширачу духаран гайтам схьабиллина Соьлж-ГIаларчу "Вайнах" цIе лелочу концертан хIусамехь, хаам бо ТАСС агенталло, културан министраллана тIе а тевжаш. Гайтам вовшахтоьхначара дийцарехь, цигахь гойтуш ду археологашна карийначу артефактех пайда оьцуш тегна 20 духар. Царна юкъахь ю хIора денна лелош хилла бедарш а, тIеман барзакъ а. Уьш кечдина ду зударийн доьхканашца а, бустамашца а, секха Iедашца а, шаьлтанашца а.

Оьрсийчоьнан Iедало 2019-2022 шерашкахь ГIирмана лур ду 310 млрд сом, хаам бо Nashgorod.ru сайто. Цу ахчано гIо дан дезаш ду ГIирман а, Севастополан а экономика а, социалан сфера а кхио.    2019-чу шарахь царна лур долчу ахчанан барам бу 150 млрд сом. Экономисташ билгалдаккхарехь, ГIирма кхиорца йоьзна программа болх беш ю 2015-чу шарахь дуьйна. Дерриг цу Iалашонна дайа дезаш ду 878 млрд сом. Цу кеппара программаш кхочуш ян Оьрсийчоьнан Iедало хIора шарахь дотацеш ло цхьамогIа регионашна. Царна юкъахь ю Дагестан - 59 млрд сом... Читать дальше...