Новости за 08.02.2019

Дахначу шинаридийнахь Дагестанан парламентан спикер Шихсаидов Хизир Нохчийчу ваханера шина республикана юкъара дозанаш билгалдахаран хьокъехь дийцарш дIадахьа. Делахь а, къаьстина хIуммаъ дац хIетте а.

Дагестанера нохчо ю Садылханова Мадина. Мисаран яхархо а ю иза. КъахIирехь оьрсийн маттахь къамел дечу массарна а евза иза. Таксхочун болх бина ю, йа юург еш, юхкуш яра аьлла, гоьяьлла яц иза. Мисарахь бехачу кавказхошна гIо эшначу меттахь дIахIуттуш ю аьлла, евзаш ю Мадина. Жигараллийца хьийзира иза Мисарахь яхначу аьхка байна ГIалгIайчуьра студенташ лоьхуш а. "Кавказ.Реалии" порталан корреспонденте дийцира цо, ша къайлах бохург санна, бечу волонтеран балхах. "Уьш хьан гергара бу?" Шера буьйцу Мадинас Iарбойн мотт. Читать дальше...

Полицин белхахоша талламан рейд йина ХIинжа-ГIалахь Омаровн урамерчу маьждигехь. Цара лецна шайн декъе дIабигна рузбане баьхкина бусалбанаш. Царна юкъахь хилла "Керла гIуллакх" (Новое дело) газетан корреспондент Юсупов Идрис, хаам Кавказ.Реалиино. Журналисто дийцарехь, иза дIалацаран бахьана хилла цо полисхоша лелориг шен телефона тIе дIаяздеш хилар. Юсуповс дечу тоьшаллица, цуьнца цхьаьна Советан кIоштан полицин декъе дIакхачийна кхин а маситта стаг, билггала терахь хууш дац.  Журналистана хетарехь, верриг а лаьцнарг хилла 6 стаг. Читать дальше...

40 шо хьалха Мухьаммад Iелих тасавелла боксер Любберс Руди ийшира хIиттийначу баллашкахь. Дуккха а шераш хилла иза корта кIел бахьа тхов боцуш, Болгари мел ю ваьлла лела. ХIолландерчу телехьожийло чемпион лаьттинчу цунах лаьцна филм гайтинчул тIаьхьа, Любберсан фанаташа ахча вовшахтоьхна цунна гIоьнна

Оьрсийчоьно кхаа артиклца бехкзуламан гIуллакх ду диллина Витаев Саламна дуьхьал. Тоаме дац иза бехкехиларан тоьшаллаш аьлла, немцойн юстицино дуьхьало йина цунна депортаци ян.

Кхин а кхо де даьлча, Чиллан-беттан 11-чохь, Нохчийчохь болх бечура соцур ю Советан пачхьалкхехь дуьйна лелош хилла аналоган телесигнал. Цуьнан меттан болх бан йолалур ю терахьийн телевизион (digital television, цифровое телевидение). Карарчу хенахь оьшург дерриг а дина республикехь телесигнал керлачу кепана тIеяккха, хаам бина Нохчийчуьрчу телесигнал яржочу центран куьйгалхочо Яременко Сергейс, дуьйцу "Нохчийчоь тахана" агенталло. Терахьийн форматехь мехаза хьажа аьтто хир болчу каналашна юкъахь ду... Читать дальше...

Москох велла Оьрсийчоьнан халкъан артист Юрский Сергей. Цунах лаьцна хаам бина Моссоветан цIарахчу театран зорбанан сервисо. Юрский вара Советан пачхьалкхан а, Оьрсийчоьнан а театран а, кинон а актер. Иза винера Денинградехь 1935 шарахь. Юрскийс ролаш ловзийна Советан пачхьалкхехь евзаш хиллачу «Королев», «Выбор цели», «Республика ШКИД», «Ищите женщину», «Любовь и голуби», «Золотой теленок» исбаьхьаллин филмашкахь.

Гуьмсан кIоштан кхело стохка гурахь, 3 шо хан а тоьхна, чувоьллира меттигера вахархо Минкаилов Адам. Иза бехке вина 2017-чу шеран аьхка дуьйна 2018-чу шеран Чиллан-батте кхаччалц тIемалойх дIакхета дагахь маситтоза Шема кхача гIортарна. Цу сацамна латкъам бинера прокуратуран векало, Минкаиловс талламан изоляторехь яьккхина хан чоьте ца эцна кIоштан кхело аьлла. Иза тидаме а эцна, Нохчийчоьнан Лаккхарчу кхело 6 баттана лахйина цу стагана тоьхна хан.

Куршлойн а, Теркайистан а кIошташкахь талламаш беш Узбекистанера 3 вахархо лаьцна Нохчийчоьнан ницкъаллин структурийн белхахоша. Уьш, бакъа а йоцуш, цхьацца белхаш беш хилла Нохчийчохь. Къайлаха баьхкинчу мигрантех хIоранна а 2000 сом барамехь гIуда тоьхна кхело. Суьдан пустоьпаша уьш дIакхачийна Москох "Внуково" аэропорте. Цигара Узбекистанан махкахой цIахьовсийна Ташкенте доьдучу кеманца. Нохчийчоьнан чоьхьарчу гIуллакхийн министралло далочу терахьашца, хIара шо доладелчхьана нохчийн пурстоьпаша... Читать дальше...

Саки гIалахь полицино лаьцна Нохчийчоьнан куьйгалхочуьнан ГIирмерчу векалан когаметта Саидов Мурад, хаам бо "Нохчийчоь тахана" агенталло. Болчу хаамца, бахьана ду иза цхьана бизнесхочух латар. Саидовгара даьккхина герз а, хIоъ-молха а. Нохчийчоьнан куьйгалхочо Кадыров Рамзана хилларг къасто декхарелахь вина Пачхьалкхан Думан депутат Делимханов Адам а, ГIирмера шен векал Хачукаев Iийса а. Хиллачунна Кадыровс йинчу комментарийца а догIуш, цу девнехь дакъалаьцнарг ши а нохчо ву. Цу шинан дов даьлла бизнес бахьана долуш... Читать дальше...