Новости за 21.04.2020

Дийнахь буса 8 велла уьнах кавказхошлахь, БуьритIерачу гуламо беана кхерам, Милашина Кадыровх къайлаяккха

Оьрсийчуьра карантин дIаяхлур ю, тIедогIу Стигалкъекъа-беттан дезденош юкъа а лоцуш. Коронавирусан пандемица йоьзна и сценари, хила мегачех а лоруш, йийцарейо Iедало, боху РБК-агенталло. Стигалкъекъа-баттахь Оьрсийчохь мукъа хуьлу 8 де: 1-ра - 5 гIа а, 9 -11-гIа а. Оцу шина даздаршна юкъахь белхан ларалуш долу денош – уьш кхоъ хуьлу – мукъадита тарло Iедало, яздо агенталло. ШолгIа вариант а ю Iедало йийцарееш: Стигалкъекъа-бутт юккъе кхаччалц карантин дIаяхъяр. Я хила мега карантин Мангал-бутт юккъе кхаччалц, боху РБК-но.

Операн артистна, оппозиционерна, шех юкъаралло «ковид-диссидент» олучу Чельдиев Вадимна «дешан маршо зуламе ерзорна» гIуда тоьхна. 75 эзар сом охьадилла декхаревина иза кхело, цо коронавирусах лаьцна «наханна зуламе йолу информаци яржорна». Ишта хаамбина "Кавказ.Реалиига" артистан адвоката Кульчиев Батраза. Адвокато бахарехь, Охан-беттан 20-чохь БуьритIера гулам бирзича, Пятигорскерчу изоляторе вигина иза. "Ас агIолаьцначо шеконе биллинера Италехь беллачу нехан дукхаллах болу хаам. Тхан даренех ца тешна кхел. Читать дальше...

БIе сов яздархочо, Iилманчас, бакъоларъярхочо, юкъархочо Оьрсийчоьнан Iедал декхаредо «Керлачу газетера» журналист Милашина Елена, Нохчийчоьнан куьйгалхочо Кадыровс цунна туьйсучу кхерамах ларъеш, пачхьалкхан Iуналле эцар. Иштта доьху Кадыров Рамзанна дуьхьал бехктакхаман гIуллакх айдар. "Оьрсийчоьнан Iедало даима а дуьхьалоеш нисделла талламна, бехках хьалха баьхна, бакъбина зуламхой, цундела цо ша а лаьцна хуьлу оцу зуламашкахь дакъа. ХIинца Кадыровс цIершца буьйцу ша байа кхерам туьйсурш – «Керла газета» а... Читать дальше...

Кхин а 268 вахархочо COVID-19 лаьцна хилар билгалдаьлла Къилбаседа Кавказехь. Охан-беттан 21-чу дийнан хаамашкахь коронавирус яржарна дуьхьалоечу Оперативан штабо гайтина тIаьххьарчу дийнахь-буса регионашкахь ун гучудаьллачу нехан терахьаш. ГIалгIайчоь - 46 (354 ерриг а хенахь) Краснодар-мохк - 44 (461 ерриг а хенахь) Дагестан - 40 (371 ерриг а хенахь) Нохчийчоь - 39 (303 ерриг а хенахь) Къилбаседа ХIирийчоь - 32 (211 ерриг а хенахь) Ставропол-мохк - 22 (266 ерриг а хенахь) Кхарачой-Чергазийчоь... Читать дальше...

Оьрсийчохь ах бIе эзарнал сов даьлла ун кхеттачийн терахь, хаамбина коронавирус яржарна дуьхьалоечу Оперативан штабо. Коронавирусах цомгуш хилла пачхьалкхехь 52763 стаг, царех 29 433 ву Москвара. Охан-беттан 21-чу денна дуьнентIехь ун хьакхаделла 2 489 000 стагна, кхелхина цунах 170 552,  товелла 653 000 стаг. COVID-19 дIасаяьржина 210 пачхьалкхехула.

COVID-19 ун коронавирусах Къилбаседа Кавказерчу бахархошлахь тIаьххьарчу дийнахь-буса велла бархI стаг. Падемина духьалоечу Оперативан штабан хаамца, уггаре дукха бу белларш ГIалгIайчохь – 4 стаг. Дагестанехь 2 велла, Ставропол-махкахь а, ГIебарта-Балкхаройчохь а – цхьацца. Къилбаседа Кавказан массо а регионашна юкъара долчу терахьца, коронавирусах, иза яржа йоьлчхьана схьа велларг ву 40 вахархо. Оьрсийчоьнан дукхахйолчу регионашкахь Зазадоккху-беттан тIаьххьарчу деношкахь а, Охан-баттахь а юкъаяьккхина карантин. Читать дальше...

Европарламентан декъашхо (хьалха – Литуван президент хилла) Ландсбергис Витаутас 24 шо хьалха кхелхинчу Нохчийчоьнан президентца Дудаев ЖовхIарца гергарло лелийна а, нохчех даима дог лезна а волу политик ву Маршо Радиоца къамелехь. Видео дуьххьара эфире елира 21.04.2016 шарахь.

Чехехь студенташна бакъо елла консультацеш эца университеташка баха, иштта схьайиллина фермерийн базарш. Германехь юха а болх бан юьйлалуш ю книгаш юхку туьканаш, болх беш ю велосипедаш тоеш йолу меттигаш. Норвегехь схьайиллина берийн бошмаш.

«Коронавирусан катастрофа» эккха тарло оршоьтадийнахь БуьритIехь хиллачу гуламца доьзна, боху Къилбаседа ХIирийчоьнан санитарин коьртачу лоьро Тибилов Алана. «Эзарнийн тоба цхьаьнакхетаро COVID-19 дIаса цаяржайойла дац», - элира цо "Кавказ.Реалиига". Ишта хета республикерчу дуккха а лоьрашна. Масала, ша махкахошка видео чухула къамел деш, БуьритIерачу клиникан коьртачу лоьро Митциев Астана, «ерриг а республиканна кхераме» бу, элира селханлера гулам. "Тоаме ду гулбеллачарна юкъахь цхьа стаг ун кхетта хилар – ерриг а тоба хир ю цомгуш. Читать дальше...