Новости за 09.04.2020

Ставропол-махкарчу Пятигорскехь шен йиша а, цуьнан доьзал  а закъалте лаьцна цхьана стага, хаамбина «Кавказ.Реалиига» меттигерчу полицица зIе йолчу хьостано. Цо бахарехь, ша диспансеран тергонехь волчу Москвара веана иза Пятигорске дукха хан йоццуш. ТIаьххьара болчу хаамца, шен йиша а, цуьнан бераш а закъалте лаьцна хьийза иза. «Дуккха а ахча доьху. Хууш дац, герз ду цуьнгахь я дац. Полици дийцаршкахь ю цуьнца», - яздина Ставропол-мехкан губернатора Владимиров Владимира Instagram-ехь. Губернатора... Читать дальше...

Нохчийчоь а, коронавирус а, Лулахошкара хьал, Хангошвили политикаша вейтина, Германехьа девнаца дIасакъаьстина нохчийн зуда-майра (Керланаш кечдеш иллюстрацина пайдаоьцу Маршо Радион архивех а, официалан сайташкарчу материалех а).

Шаьш Нохчийчохь тIемаш дIахьочу юкъанна Оьрсийчоьнан эскарша СемаьIашкахь алссам бахархой а бойуш, адамаллина дуьхьал зулам дина даьлла 25 шо.

Сулейманов Ахьмад Шуьнехь Дош  (Дагаев Валиде) «Къонаха мила ву?  И меллалц веха?» -  Хаьттира ахь соьга  Шуьнехь Iаш вай.  - Дерриг а дуьне ду  Къонахчун меха!  ХIар дуьне-м къонахийн  Белшаш тIехь дай!  Ламанца дин лелац,  Ца хилча ленаш,  Уьш кхачаделлачохь  Соцуш бу дин…  Иштта бу къонахий,  ХIар дуьне латтош.  Къонахий дIабевлча –  Духур ду и!  Къонаха – дахаран  Синпхенийн мерз бу!  Къонаха – дуьненан  ГIайгIанийн шад!  Цо ларйо дахаре  Вайн йолу марзо!  Къонаха – пха кхосса  Дуьйлина Iад! Читать дальше...

Дагестанерчу Буйнакскан кIоштарчу Кафыр-Кумухера вахархо бехкево Iедало цIийннана ерна. 2019-чу шеран Iай зудчунна лечу кхаччалц йиттина майрачо, цул тIаьхьа дакъа кертарчу беша а даьхьина, дагийна, боху талламчаша. Массех де даьлча, кхечу юьртахь долу зудчун паспорт лачкъа а дина, иза а дагийна стага. Дагестанерчу Талламан комитетан декъерчу белхахоша дийцарехь, пенсеш дIасадоькъу хьукмат а Iехийна карарчу муьрехь лаьцна латтош волучо – йийначу зудчун кIантанна догIу 9000 сом доладерзийна цо.

Сулейманов Ахьмад ДАХАРАН ГЕНАШ (Поэма) *** ГIала яккха со ца воллу,- Цул чIогIа ду адаман дог... Ирчу дашца ца даккхалахь, Тоьпе-м и ца даккхало!.. * НеIIий, Неккъий ца харжарна, Вайгара дуьйлу гIалаташ. "ГIант" а, "гIаж" а шениг харжахь, Йоцчохь югIу гIаланаш... * Къинхетам бу дахар латтош, Ма го и дIабаьлла де!  Къиза адам Лаьтта дагIахь, Дуьне дагош, ер ю цIе... *** Лулахошкахь тезет делахь, ДIакъовла хьайн цIера той. БIешарахь хьо зовкхехь вахарх, БIе цхьоллагIчо-м велхавой. Читать дальше...

Сулейманов Ахьмад Шовда Ламанан некъахь Схьадеттара шовда, Хьогучу адаме Шех байта къурд. Эххар чухаьрцира, И юкъе Iовдуш, Го бина и лакъош, Мокхазан берд.... Хетара: шовданехь Хир а дац гIора Харцабан, эшабан Цу бердан ницкъ. Бердан юкъ хадийна, Ца хуттуш гора, Баькхира шовдано ТулгIешна некъ. Олхазарш, дийнаташ Ша туьгуш Iаба, Муьлуш го юха а Шовданан хи. Шийлачу шовданах Юзуьйтуш кхаба, Ламанан йоI а го... Лекъар дац кхин!

Сулейманов Ахьмад НЕНЕ Куьг ца кхочче ваьлча гена ХIинцаъ хьоьга ла ца ло. Йоллушехь хьуо гIийла, къена, Охьакхетарх со ларво. Наб ма-кхийтти суна наггахь Дуьхьал догIу хьан амат, Вижо гIерташ, хьостуш доггах, Дуьйцуш туьйра – Iаламат. Набарх дека суна илли, Нана, хийла баьхна ахь. Сан даг чохь и даим хиллий, Хьуна хIинца а хаац-техь? Жимчохь сайна ахьа санна, Ас декор и кхечарна. Баркалла ду хьуна, Нана, И рагI соьга кхачарна.

Жимачу АтагIарчу ГараевгIеран кертахь хIоьттинчу тезета мел бахана нах схьалохуш ду Нохчийчуьра Iедал. И хаам баржийна мехкан парламентан спикеро Даудов Мохьмада ша инстаграм-каналехула йинчу эфирехь. Цо бахарехь, коронавирусан тесташна ун кхетта хилар гайтина веллачун гергарчу ГараевгIеран доьзалерчу веа стагаца. Оцу веангара вирус схьаэцна хила тарло тезета бахарчу иттаннаш наха. Тезетахь мел хиллачу бахархошка ма-хуьллу сиха шаьш довзийта орцан медицинан а, Iедалан а белхахошна, аьлла Даудовс.

Германерчу Котбус гIалин кхеле арздина нохчочо Шохалова Хедас (29 шо), ша марехь Iийначу, ша а санна мухIажир волчу Зарахматов Iисас (48 шо) гIело йо шена, аьлла. Стохка дуккхаза а йиттина цо шена, аьлла, полице латкъамбина а хилла зудчо. Кхел йоьдуш Зарахматовс дийцина, шегахь хилла Хеда, Европехь йолчу маршонех пайда а оьцуш, ша аьлларг дечуьра яьллера, аьлла. Амма кхело безказло ца лерина цо далийна бахьана. Бинчу сацамо доьхку Зарахматовна шайн пхеа беранна тIекхача а, уьш цхьаьнхьа дIасадига а. Читать дальше...

Дагестанехь 13 вахархо ву дийнахь-буса коронавирус гучуяьллачаралахь. Ишта ду меттигерчу Роспотребнадзоран декъо довзуьйту терахь. Верриг а 57 стаг ву ун кхетта, царех 53 виллина дарбан цIийне. Инфекци яьржичхьана схьа товелларг виъ стаг бен вац. 4178 вахархочуьнгара тест эцна, карантинехь ву 3667. Ставропол-махкахь селхана 3 стагца карийна вирус. Губернатора Владимиров Владимира, шайн гIаланашкахь а, ярташкахь а даьржаш ду, аьлла, ун. Цо шен Instagram-каналехь бахарехь, 42 стаг ву махкахь цомгуш. Читать дальше...

Нохчийчоьнан могашаллин министра Сулейманов Элхана довзийтина махкахь коронавирус яржарца долу хьал. «22 стаг ву Нохчийчохь ун кхетта, царех 10 сов товелла, СOVID-19 вирусах цIена ю церан тесташ», - аьлла министра. Кхаарий дийнахь коронавирус карийна Нохчийчохь кхин а 5 стагехь. Делахь а, «дено-дено коронавирусан инфекци лоьцучу нехан терахь тергалдича, цхьана эшшара го сурт, стабилизаци хаало», - боху Сулеймановс. Цомгушберш сов халачу хьолехь а бац, амма цхьа къано ву (82 шо) царалахь лазар тIех хала ловш, хаамбина цо.

Европан Цхьаьнакхетараллин Комиссин президент фон дер Ляйен Урсула (Брюссел) йовзийта дагахь яра Европерчу пачхьалкхех муьлш, маца евр ю карантинан хьелашкара. Амма цкъачунна Еврокомиссино даржонза ду и документ.