Պրոդյուսեր Հարվի Վայնշտեյնը զրկվել է Բրիտանական կինոյի ինստիտուտի անդամակցությունից
Հայտնի հոլիվուդյան պրոդյուսեր Հարվի Վայնշտեյնը զրկվել է Բրիտանիայի կինոյի ինստիտուտի անդամակցությունից, որին արժանացել էր 2002 թվականին:
Ինչպես հայտնում է BBC-ն, Բրիտանական կինոյի ինստիտուտն այդ տիտղոսը շնորհում է անհատ գործիչներին՝ ֆիլմարտադրության և հեռուստատեսային մշակույթի զարգացման գործում ունեցած ավանդի համար:
Այս որոշումն ինստիտուտը կայացրել է կինոպրոդյուսերի դեմ հնչած սեռական ոտնձգությունների մասին մեղադրանքների ֆոնին:
CNN-ի տվյալներով՝ նրա դեմ նման մեղադրանք է ներկայացրել ավելի քան 40 կին, որոնց թվում այնպիսի հայտնի դեմքեր ինչպիսիք են Անջելինա Ջոլին, Կառա Դելեվինը, Գվինեթ Փելթրոուն, Պամելա Անդերսոնը:
Հիշեցնենք, որ ավելի վաղ Ֆրանսիայի նախագահ Էմանուել Մակրոնը որոշում էր կայացրել Վայնշտեյնին «պատվո լեգեոնի» շքանշանից զրկելու մասին: