Ամերիկացին հանրահայտ մարդկանց դիմանկարները պատկերում է յուրօրինակ տեխնիկայով, որն առաջին հայացքից նկատելի չէ (լուսանկարներ)
Oddity Central-ը ներկայացրել է ամերիկացի նկարիչ Քրեյգ Ալանի պատկերած դիմանկարների դիտարժան շարքը, որն առանձնանում է պատկերման ինքնատիպ տեխնիկայով:
Ամերիկացին հայտնի մարդկանց դիմանկարները պատկերում է բավականին փոքր մարդկային կերպարների համախմբի օգնությամբ: Ինչպես արվեստագետն ինքն է պատմել, նախագիծն սկսելուց առաջ ոգեշնչվել է իր մայրիկի՝ Ալաբամայում գտնվող 6-րդ հարկի բնակարանի պատուհանից նայելով և լուսանկարներ անելով:
Նկատելով, որ լուսանկարներում մարդիկ ասես փոքրիկ կետերի նման լինեն, որոնք տարբեր պատկերների են նմանվում, ամերիկացին որոշել է հենց մարդկանց կերպարանքն օգտագործել կտավի վրա հայտնիներին պատկերելիս՝ Մայքլ Ջեքսոնից մինչև Մերիլին Մոնրո: