Մալինովսկին ներողություն է խնդրել Գոլովինի հետ գրկախառնության համար
«Մարսելի» ուկրաինացի կիսապաշտպան Ռուսլան Մալինովսկին ներողություն է խնդրել «Մոնակոյի» ռուս կիսապաշտպան Ալեքսանդր Գոլովինի հետ Լիգա 1-ի 20-րդ տուրի հանդիպումից հետո (1:1) գրկախառնության համար։
«Ցանկանում եմ ներողություն խնդրել ուկրաինացիներից «Մոնակոյի» խաղացողի ժեստին արձագանքելու համար։ Ես հասկանում եմ, որ ավելի լավ կլիներ շրջանցել նրան, բայց այնպես եղավ, որ նա մոտեցավ ինձ և ողջունեց։ Խաղից հետո բոլոր խաղացողները սեղմում են միմյանց ձեռքերը, իսկ ես դա արեցի զուտ մեխանիկորեն։
Ես հասկանում եմ, թե որքան կարևոր է սա ձեզ համար այս պահին, բայց այս ատելությունը վայրկյանական սխալի համար ինձ մոտ տհաճ զգացողություններ է առաջացնում և կասկածներ՝ անկեղծության վերաբերյալ, երբ դուք ինձ աջակցության խոսքեր եք գրում։ Անհատական սպորտում ես նույնիսկ դուրս չէի գա ռուս մարզիկի դեմ խաղալու, քանի որ լիովին աջակցում եմ ռուսների հեռացմանը միջազգային մրցումներից»,- գրել է Մալինովսկին սոցցանցի իր էջում։