ՔՊ-ին չքննադատելու որոշում չունենք, բայց քննադատելու անհրաժեշտություն չկա․ Դավիթ Խաժակյան (տեսանյութ)
ՔՊ-ին չքննադատելու որոշում չունենք, բայց քննադատելու անհրաժեշտություն չկա։
«Կիզակետում Արկադի Գրիգորյանի հետ» հաղորդման ժամանակ ասել է ԼՀԿ կառավարման խորհրդի անդամ Դավիթ Խաժակյանը․
«Իշխանափոխությունը Երևանում գերնպատակ չենք համարում։ Ավագանու անդամ լինելն էլ գործիք է քաղաքի խնդիրները լուծելու համար։ Վաղաժամ է գալիք ավագանիում կոալիցիայի մասին խոսելը, սակայն ի տարբերություն Հայկ Մարությանի, քաղաքի ներկայիս իշխանություններին չենք քննադատում, քանի որ մեր առաջարկները կյանքի են կոչվում։ Դրա համար էլ կա համագործակցությունը, որը եկող ավագանիում էլ կշարունակվի։
Մենք իշխանության արբանյակը չենք, անկախ ենք, չենք քննադատում, քանի որ մեր ծրագրերին համահունչ են գործում։ Իշխանության բարիքներից չենք օգտվում»,-նշել է Խաժակյանը։
Նրա կարծիքով, երաշխիք չկա, որ Ադրբեջանը դուրս կգա օկուպացված տարածքներից, բայց էսկալացիան չի բխում ՀՀ շահերից։ Էսկալացիայի ու նոր կորուստների պատասխանատուն կլինի իշխանությունը։ ԼՀԿ-ն չի համարում, որ իշխանությունը կգնա դավաճանության, իսկ իրենց կարմիր գիծը ՀՀ տարածքային ամբողջականությունն է ու ինքնիշխանությունը։
Հարցազրույցն ամբողջությամբ՝ տեսանյութում․