ԱՄՆ-ը դեռ փորձում է պարզել «Վագների» հիմնադիր Եվգենի Պրիգոժինի մահվան բոլոր հանգամանքները. ամերիկացի դիվանագետ
Միացյալ Նահանգները դեռ փորձում է պարզել «Վագների» հիմնադիր Եվգենի Պրիգոժինի մահվան բոլոր հանգամանքները։ Այս մասին լրագրողներին ասել է Ամերիկայի Միացյալ Նահանգների հատուկ հանձնարարություններով դեսպան Բեթ Վան Շեքը, որը վերահսկում է ԱՄՆ պետական դեպարտամենտի՝ ռազմական հանցագործությունները ճնշելու և դրանց հետաքննության հետ կապված հարցերը։
«Մենք դեռ փորձում ենք հասկանալ, թե կոնկրետ ինչ է տեղի ունեցել: Ըստ երևույթին, ինքնաթիռում ինչ-որ պայթուցիկ սարք է եղել, ինչի պատճառով ինքնաթիռն ընկել է»,- ասել է Վան Շաքը:
Նա ընդգծել է, որ ԱՄՆ-ը շարունակում է «Վագներ»-ը համարել «չափազանց վտանգավոր» կազմակերպություն, թեև «այն մնացել է առանց առաջնորդի»։
Օգոստոսի 27-ին Ռուսաստանի քննչական կոմիտեն ավարտել էր մոլեկուլային գենետիկական հետազոտությունները Տվերի մարզում ինքնաթիռի կործանումից հետո։ Բոլոր մահացածների ինքնությունը պարզվել է, նրանք համապատասխանում են հայտարարված ցուցակին, որում ներառված է նաև Պրիգոժինը։