Բեռլինաբնակ նկարիչ, արվեստագետ Միշա Բադասյանը ակցիա է իրականացրել Ցյուրիխում՝ Արցախում տիրող իրավիճակի հետ կապված: Նա հացերով քանդակ է պատրաստել։
Այս մասին Միշա Բադասյանը Instagram-ի իր էջում հրապարակված լուսանկարներին կից գրել է.
«Ես 3 օր հավաքել եմ խնայված հացը՝ այս ինստալացիան ստեղծելու և մարդկանց տեղեկացնելու Լեռնային Ղարաբաղում տիրող սարսափելի իրավիճակի մասին, որտեղ մարդիկ այս պահին մահանում են սովից։
Սա իմ առաջին հրապարակային ակցիան է Ցյուրիխ տեղափոխվելուց ի վեր: Դա մեծ փորձ է, և նման նախագծերի մեծ կարիք կա, քանի որ շվեյցարացիները նույնիսկ չգիտեն, թե որտեղ է գտնվում Հայաստանը։ Ես զրուցում եմ մարդկանց հետ և կարող եմ պատմել իմ պատմությունը:
Ես շատ շնորհակալ եմ Կիրիլին, Սոֆյային և Սաշային օգնության և աջակցության համար։ Հատուկ շնորհակալություն Կև դը Սկանյանին»:
The post Միշա Բադասյանը Ցյուրիխում բողոքի ակցիա է անցկացրել՝ հանրությանը տեղեկացնելով Արցախի շրջափակման մասին appeared first on ԳԱԼԱ.