Խաղաղություն չի լինի, քանի դեռ չենք ճանաչել միմյանց տարածքը թղթի վրա. ԱԺ պատգամավոր
«Կարծում եմ՝ այդքան էլ իրատեսական չէ այս տարվա ընթացքում խաղաղության պայմանագրի կնքումը, բայց ունեմ զգուշավոր լավատեսություն, որ հաջորդ տարի հնարավոր է տեղի ունենա»,-ԳԱԼԱ-ի «Առանցքում» հաղորդման ընթացքում նման տեսակետ հայտնեց ԱԺ «Քաղաքացիական պայմանագիր» խմբակցության պատգամավոր Գևորգ Պապոյանը:
Պատգամավորի խոսքով՝ խաղաղության պայմանագրին հնարավոր է հասնել այն դեպքում, եթե Ադրբեջանը ճանաչի Հայաստանի տարածքային ամբողջականությունը, ընդ որում՝ թղթի վրա:
«Քանի թղթի վրա չի ճանաչվել միմյանց տարածքային ամբողջականությունը, խաղաղություն չի կարող լինել»,-ընդգծեց պատգամավորը:
Այդ դեպքում ի՞նչ նկատի ուներ Նիկոլ Փաշինյանը, երբ հայտարարում էր, թե խաղաղության պայմանագրի հիմնական սկզբունքները համաձայնեցված են:
Հարցին ի պատասխան, Պապոյանը նշեց. «Համաձայնեցված լինել սկզբունքները, դեռ չի նշանակում թղթի վրա արձանագրել, կարող ենք բանավոր պայմանավորվել, բայց թղթի վրա չարձանագրել»:
The post Խաղաղություն չի լինի, քանի դեռ չենք ճանաչել միմյանց տարածքը թղթի վրա. ԱԺ պատգամավոր appeared first on ԳԱԼԱ.