მედია: სანქტ-პეტერბურგში, კაფეში აფეთქებას რუსი სამხედრო ბლოგერი ვლადლენ ტატარსკი ემსხვერპლა
რუსული მედიის ცნობით, სანქტ-პეტერბურგში, კაფეში მომხდარ აფეთქებას რუსი სამხედრო ბლოგერი ვლადლენ ტატარსკი ემსხვერპლა. ცნობილი სამხედრო ბლოგერის გარდაცვალებას ადასტურებს რუსეთის შინაგან საქმეთა სამინისტრო. როგორც მედია წერს, ტატარსკი, რომლის ნამდვილი სახელი მაქსიმ ფომინი იყო, 560 000-ზე მეტი გამომწერი ჰყავდა Telegram-ზე. არსებული ინფორმაციით, კაფეში აფეთქების შედეგად, სულ მცირე 15 ადამიანი დაშავდა. სხვა დეტალები ამ დროისთვის უცნობია.