პაატა სალია განცხადებას დღეს აღარ გააკეთებს
ტელეკომპანია რუსთავი 2-ის გენერალური დირექტორი, პაატა სალია საღამოს 9 საათისთვის დაგეგმილ განცხადებას აღარ გააკეთებს.
ამის შესახებ მან ჟურნალისტებს სატელეფონი გზავნილით შეატყობინა.
მისი თქმით, ტელეკომპანიის სამომავლო გეგმებსა და შექმნილ ვითარებაზე განცხადებას ის ხვალ, 22 აგვისტოს, დღის განმავლობაში გააკეთებს.
21 აგვისტოს ტელეკომპანია საინფორმაციო გადაცემა „კურიერის“ ძირითადმა გუნდმა დატოვა.
20 აგვისტოს რუსთავის 2-ის გენერალურმა დირექტორმა პაატა სალიამ ტელეკომპანიიდან გაათავისუფლა რამდენიმე ჟურნალისტი. მათ შორის, საინფორმაციო გამოშვების ხელმღვანელი ნოდარ მელაძე. შვებულებიდან დაბრუნების შემდეგ კი გათავისუფლდებიან საზოგადოებრივი და პოლიტიკური ტოქ-შოუს მთავარი პროდიუსერი გიორგი ლაფერაშვილი; პოლიტიკური გადაცემების წამყვანი გიორგი გაბუნია და ეკა კვესიტაძე და ასევე „ნანუკას შოუს“ წამყვანი, ნანუკა ჟორჟოლიანი. მათი გათავისუფლების მიზეზად "ინტერესთა კონფლიქტი" დასახელდა.
20 აგვისტოს, პირდაპირ ეთერში, პროტესტის ნიშნად დატოვეს არხი მთავარი საინფორმაციო გამოშვების წამყვანებმა დიანა ჯოჯუამ და მიხეილ სესიაშვილმა.
რუსთავი 2-ზე 21 აგვისტოს არ გასულა არცერთი საინფორმაციო გამოშვება.