იაპონიაში 19-ს მიაღწია ტაიფუნის მსხვერპლთა რიცხვმა
იაპონიაში, სულ მცირე, 19-ს მიაღწია ტაიფუნ "ჰაგიბისის" მსხვერპლთა რიცხვმა, დაკარგულად ითვლება 12-ზე მეტი ადამიანი, - იუწყებიან ოფიციალური პირები 12 ოქტომბერს.
ქვეყნის მასშტაბით მობილიზებულია ვერტმფრენები, გემები და ათასობით სამხედრო, დატბორილი სახლებიდან ადამიანების გადასარჩენად. ადიდებულია 14 მდინარე.
ტაიფუნი ტოკიოს სამხრეთს 12 ოქტომბერს დაატყდა თავს, ცენტრალურ და ჩრდილოეთ იაპონიაში ძლიერი წვიმა და ქარია.
ტაიფუნს 13 ოქტომბერს კვალიფიკაცია შეუმცირეს "ტროპიკულ შტორმამდე".