Euromonitor: რუსეთი გვერდს უვლის სანქციებს ყოფილი საბჭოთა კავშირის ქვეყნებში იმპორტის გზით
ევროკავშირის მიერ მოსკოვისთვის უკრაინაში შეჭრის გამო სანქციების დაწესების შემდეგ ევროპის ბევრი ქვეყნიდან არათუ არ შეჩერდა რუსეთისთვის საქონლის მიწოდება, არამედ გაიზარდა ყოფილი საბჭოთა კავშირის - მეზობელ ქვეყნებში რეექსპორტის გზით და ის თვიურად 700 მილიონ ევროს საქონელს იღებს.
ამის შესახებ წერს RBC-ი კვლევითი კომპანია Euromonitor International-ის ანგარიშზე დაყრდნობით. ევროსტატის მონაცემებით, რომელსაც ანგარიშის ავტორები ეყრდნობიან, 2022 წლის მარტიდან ნოემბრამდე სანქციების დაწესების შემდეგ ევროპიდან რუსეთში ექსპორტი 47%-ით შემცირდა 2021 წლის ანალოგიურ პერიოდთან შედარებით და 36,3 მილიარდი ევრო შეადგინა.
ამავდროულად, ევროპიდან საქონლის ექსპორტი რუსეთის მეზობელ ქვეყნებში, როგორიცაა ბელორუსია, სომხეთი, ყაზახეთი, საქართველო, უზბეკეთი და ყირგიზეთი, 2022 წლის ანალოგიურ პერიოდთან შედარებით იგივე 48%-ით გაიზარდა და 20,3 მილიარდი ევრო შეადგინა.