შოლცს იმედი აქვს, რომ Leopard-2-ის ტანკები მალე უკრაინაში გაიგზავნება
ჟურნალისტებმა მას ჰკითხეს, დარწმუნებულია თუ არა ამაში, შოლცმა უპასუხა: „იმედი მაქვს, რომ საბოლოო ჯამში წარმატებით დასრულდება“.
თუმცა გერმანიის კანცლერმა ისიც შენიშნა, რომ ამის განხორციელება „ადვილი არ იქნება“. მისივე თქმით, „ბერლინი ამ საკითხის წინ წაწევას ცდილობს, მოკავშირეებთან ერთად“.
იანვრის ბოლოს გერმანიის მთავრობამ მიიღო გადაწყვეტილება, უკრაინის შეიარაღებული ძალებისთვის Leopard-2 საბრძოლო ტანკები მიეწოდებინა.
მოგვიანებით, გერმანიის თავდაცვის მინისტრმა ბორის პისტორიუსმა კიევში ვიზიტისას პირობა დადო, რომ პირველი Leopard-2 უკრაინაში მარტის ბოლოს იქნებოდა.