Республика қаһармандары: Археология деген басыңды бір сұқсаң, шыға алмайтын өте қызықты сала
ӨСКЕМЕН. ҚазАқпарат – Қаһармандықтың өлшемі ерлік жасаумен, адам құтқарумен ғана шектелмейді. Ерен еңбегімен елге пайдасын тигізген, өз ісінің хас шеберлері де қаһарман атануға лайық. Осы тізімге Зейнолла Самашевті жатқызғанымыз әбден орынды. Себебі ол Қазақстан тұрмақ Орта Азиядағы археология саласының дамуына елеулі үлес қосып, әлем халқын таңдандырған сенсациялық жаңалықтар ашқан. Археолог, тарих ғылымдарының докторы осы уақытқа дейін 400-ден астам ғылыми мақала жазыпты. «ҚазАқпарат» халықаралық ақпарат агенттігінің «Республика қаһармандары» жобасы аясында 55 жыл ғұмырын археологияға арнаған жанмен тілші сұхбат құрған еді.