Алматыда қаржы пирамидасынан зардап шеккендерге 123 миллион теңге қайтарылды
B2B Jewelry қаржылық пирамидасының 197 салымшысына 123 миллион теңге қайтарылды, - деп хабарлайды Tengrinews.kz тілшісі Қаржы мониторингі агентігінің баспасөз қызметіне сілтеме жасап.
Агенттіктің Алматы қаласы бойынша департаменті B2B Jewelry зергерлік дүкендер желісінің атын жамылған қаржы пирамидасының қызметін ұйымдастыруға қатысты соталды тергеуін аяқтаған.
Сот үкімі бойынша, қаржы пирамидасын ұйымдастырушы кінәлі деп танылып, ол 5 жыл мерзімге қаржылық қызметпен айналысу құқығынан айырумен 6 жыл 8 айға бас бостандығынан айырылды.
Ведомство мәліметінше, қылмыстың қалған сыбайластарына қатысты соталды іс жүргізу аяқталуға жақын.
Сілтемесіз жаңалық оқисыз ба? Онда Telegram желісінде парақшамызға тіркеліңіз!