Ақтөбе облысында жол апатынан жеті адам мерт болды
Полиция мәліметіне қарағанда, 22 қарашада Ақтөбе - Астрахань автожолының Мұғалжар ауданы Елек кенті тұсында ВАЗ-2114 көлігі негізгі жолға шығып кетіп, Lada Largus көлігімен соғысқан. Соққыдан Lada қарсы жолға өтіп, Kia Sorrento автокөлігімен соқтығысқан.
Lada Largus автокөлігінің жүргізушісі мен алты жолаушы апат болған жерде мерт болған. Kia-дағы төрт жолаушы жараланған.
Ақтөбе - Астрахань автожолының жалпы ұзындығы 897 шақырым. Оның 311 шақырымы Ақтөбе облысы арқылы, 586 шақырымы Атырау облысы арқылы өтеді. Жүк көліктері қозғалысының көбеюіне байланысты жол нашарлаған.