Кыргыз-орус өкмөттөрү санарип боюнча кызматташууну талкуулады
Жолугушууда өкмөт башчылар эл аралык санариптик күн тартиптин акыркы тенденцияларын, соода-экономикалык, илимий-техникалык жана гуманитардык кызматташтык боюнча кыргыз-орус өкмөт аралык комиссиясынын алкагындагы эки тараптуу мамилелерди мындан ары өнүктүрүү маселелерин талкуулашты.
Тараптар кыргыз-орус кызматташтыгын чыңдоого багытталган маселелердин бардык тармактары боюнча иштиктүү диалогду улантууга даяр экенин билдиришти.
Бүгүн премьер-министр Сапар Исаков Евразия экономикалык биримдигинин өкмөт аралык жыйынына жана “Ааламдашуу доорундагы санариптик күн тартип” форумуна катышуу үчүн Алматы шаарына барган. Ага бир нече өлкөнүн өкмөт башчылары катышууда. (ErN)