Новости за 02.02.2018

АКШда республикачыл мыйзам чыгаруучулар даярдаган жашыруун меморандум коомчулукка жарыяланды. “Нью-Йорк Таймз” кабарлагандай, бул документте "ФБР президент Дональд Трамптын шайлоо штабынын өкүлдөрүнүн сүйлөшүүлөрүн тыңшоо үчүн мыйзамсыз өтүнүч келтиргени" айтылат. Президент Трамп Конгресстеги республикачылар жетектеген Чалгын комитетинин төрт барактан турган бул меморандумун ачыкка чыгарууну жактырды. Конгресстеги демократтар жашыруун документти ачык жарыялоо чечимине каршылыгын билдирип, мындай... Читать дальше...

Ооганстандын президенти Ашраф Гани коңшу Пакистанды "талибдердин уюгу" деп атап, Исламабадды "Талибанга" каршы тийиштүү чараларды көрүүгө чакырды. 2-февралда элине жасаган кайрылуусунда Гани анын өлкөсү Пакистан бийлигине согушкерлердин толук тизмесин тапшырганын айтты.  - Биз кандай бир аракеттерди күтүп жатабыз. Сүйлөшүүлөр жана процесстер кагазда гана калууда. Ооган эли так жана чыныгы аракеттердин көрүлүшүн талап кылат, - деди Гани. Ооган президентинин сөздөрү Кабулда бир канча кол салуулар уюштурулгандан кийин жасалды. Читать дальше...

Тажикстандын Сирия жана Ирактагы согуш талааларынан кайтып келген отуз жараны бийлик аларга кечирим берген соң, кайра террордук топторго кошулуу үчүн өлкөдөн чыгып кеткен. Бул тууралуу 2-февралда Согди облусунун Ички иштер башкармалыгынын башчысы Кудратулло Назарзода билдирди. Анын айтымында, соңку жылдары жалпысынан облустун 72 тургуну Сирия жана Ирактан кайтып келип, кылгандары үчүн өкүнүп жатканын билдиришкен. Бийлик аларга кечирим берген соң 38и жай жашоону тандап өз турмушун улантып жатса, калгандары кетип калган. Читать дальше...

Улуттук статистикалык комитеттин маалыматы боюнча, ажырашкан жубайлардын саны жыл сайын өсүүдө. Адистер буга үй-булө куруу жоопкерчилигинин жоктугу, ак никенин касиети менен барк-баасынын жоголушу себеп болууда деп коңгуроо кагышууда.

UFC мушкер кыздарынын таймашын кайсы каналдан канчада көрүүгө мүмкүн экенин Sputnik Кыргызстан агенттигинин материалынан билсеңиз болот

Бишкек жылуулук борборундагы авария үчүн анын директору убактылуу иштен алынды. Премьер-министр Сапар Исаков парламентте сүйлөп жатып "бардык жоопкерчиликти өз мойнума алам" деген. Ушундан улам коомчулукта саясий жоопкерчилик тууралуу маселе көтөрүлүп жатат. Буга байланыштуу коомдук ишмер Эдил Байсалов “Азаттыкка” маек курду.

Кыргызстандын премьер-министри Сапар Исаков, бүгүн, 2-февралда Казакстан Республикасынын Алматы шаарында өткөн Евразия өкмөт аралык кеңешинин кезектеги жыйынынын алкагында Орусиянын өкмөт башчысы Дмитрий Медведев менен жолугушту. Бул тууралуу кыргыз өкмөтүнүн аппараты билдирди.  Жолугушууда өкмөт башчылар эл аралык санариптик күн тартиптин акыркы тенденцияларын, соода-экономикалык, илимий-техникалык жана гуманитардык кызматташтык боюнча кыргыз-орус өкмөт аралык комиссиясынын алкагындагы эки тараптуу... Читать дальше...

Жогорку Кеңештеги "Ата Мекен" фракциясынын депутаты Аида Салянованын иши боюнча Бишкек шаардык сотундагы процесс дүйшөмбү, 5-февралга жылдырылды. Бул тууралуу Салянованын адвокаты Чынара Жакупбекова “Азаттык” үналгысына билдирди. Бүгүн сот саат 10:30дан кечки 20:00гө чейин уланды. Жараяндын башында адвокаттын проектор коюп, слайд көрсөтүү тууралуу өтүнүчүн сот четке каккан. Кийин сот түшкү танаписти бир саатка коюп, Жакупбекова баласын эмизип келүүгө үлгүрбөй калган. Иш убактысы бүткөнүнө карабай... Читать дальше...

Иран полициясы баш кийим кийүүнү талап кылган мыйзамга нааразылыгын билдирип жоолуктарын чечип салган, 30 чакты аялды кармап кетти. Акыркы бир нече жумадан бери буга чейин анда-санда болуп келген нааразылык акциялары күч алды. Аларга эркектер да тилектештигин билдирүүдө. Кийинип жүрүү тартибин бузган аялдар Иранда бир нече жумага камалышы мүмкүн.

Иран полициясы баш кийим кийүүнү талап кылган мыйзамга нааразылыгын билдирип жоолуктарын чечип салган, 30 чакты аялды кармап кетти. Акыркы бир нече жумадан бери буга чейин анда-санда болуп келген нааразылык акциялары күч алды. Аларга эркектер да тилектештигин билдирүүдө. Кийинип жүрүү тартибин бузган аялдар Иранда бир нече жумага камалышы мүмкүн.

Иран полициясы хижаб кийүүгө милдеттендирген мыйзамга каршы демонстрацияга чыккан 29 аялды камакка алганын билдирди. АКШ Латын Америкасындагы мамлекеттерге Кытай менен Орусиядан сак болууга чакырды. Британия-Кытай ишкерлери кеминде 13 млрд долларлык келишимдерге кол коюшту. Казакстан Орусиянын өтүнүчүн аткарып, Байкоңурдан учурулган ракеталардын калдыктары үчүн жаратылыш коругунун аймагын караштырууда. Кубанын маркум лидери Фидель Кастронун тун уулу 68 жашында өз өмүрүнө кол салды. Германияда сыноодон... Читать дальше...

Бишкек жылуулук электр борборунун жетекчиси Нурлан Өмүркул уулу кырсыктын себебин иликтеген тергөө аягына чыкканга чейин кызматынан четтетилди.

“Ата Мекен” партиясынын камактагы лидери Өмүрбек Текебаев өзү кармалып турган камерага видеокамера коюлушун Орусиялык “Дом-2” реалити шоусу менен салыштырды. Бул тууралуу Текебаевдин кызы Айданек Текебаева “Фейсбуктагы” баракчасына жазды. "Бүгүн апам, иним жана сиңдим менен чогуу атам менен жолугуп келдик. Ал жаткан камерада чындап видеокамера илинип турат. “Биз чыгып кеткиче аны жаап турса болобу?” деп сурасам, атам "жаппа" деп аны эскертишкенин айтты. Ушундай учурда да атам тамашакөйлүгүн жоготпоптур. Читать дальше...

Жер ортолук деңизинде мигранттарды мыйзамсыз алып бараткан кайык көмкөрүлүп кетип, ичиндеги токсон киши чөгүп өлдү. Кырсык Ливиянын жээктеринен алыс эмес жерде болгон. Бул тууралуу 2-февралда Миграция боюнча эл аралык уюм кабарларды. Кырсыктан үч киши аман калган. Алар бийлик өкүлдөрүнө кайыктагылардын көбү пакистандыктар болгонун жана алар Италияга баратышканын айтышкан.  Эл аралык уюмдун билдиргенине ылайык, өткөн жылы Жер ортолук деңизинде Африка мамлекеттеринен жана Жакынкы Чыгыш өлкөлөрүнөн... Читать дальше...

Ысык-Көл облусунун прокурору Майрамбек Таалайбеков кызматтан кетүү тууралуу өз ыктыяры менен арыз жазганын "Азаттыкка" билдирди. Таалайбековдун арызын башкы прокурор кечээ канааттандырып, кызматынан алган. Таалайбеков кызматтан кетип жатканынын себебин ачык түшүндүргөн жок.  41 жаштагы Майрамбек Таалайбеков облус прокурору болуп өткөн жылдын июль айында дайындалган. Ага чейин Ысык-Көл районунун прокурору болуп иштеген. (AsM)

Жогорку Сот кримчөйрөнүн мүчөсү деп айтылып жүргөн Самарбек Жолдошевди жатак абакка чыгаруу боюнча Ысык-Ата райондук сотунун чечимин жокко чыгарып, аны кайра абакта калтырды. Бул тууралуу Жаза аткаруу кызматынын маалымат бөлүмү кабарлады. Билдирүүдө айтылгандай, Жолдошев №3 түрмөдөн жатак абакка которула элек болгон. Соттун чечими менен ал ошол жерде жазасын улантып өтөй турган болду. 19-январда Ысык-Ата райондук соту Самарбек Жолдошевди жатак абакка которуу тууралуу чечим кабыл алган. Мындай... Читать дальше...

Бишкектеги Кожомкул атындагы спорт ордосунда Советтер Союзунун Баатыры Дүйшөнкул Шопоковдун элесине арналган бокс боюнча эл аралык мелдеш өтүп жатат. Кыргызстандын бокс федерациясынын баш катчысы Бердалы Алымкуловдун айтымында, 31-январда башталган мелдештер 4-февралга чейин уланат. Анда Кыргызстан, Орусия, Казакстан, Өзбекстан, Тажикстан өлкөлөрүнөн 146 мушкер күч сынашат. Алардын жетөө кыздар. Эркектер арасында 10 салмак категориясында, кыз-келиндер арасында үч салмак категориясында байгелер ойнотулат. Читать дальше...

Премьер-министр Сапар Исаков “Таза коом” улуттук программасын ишке киргизүү менен Кыргызстан санариптешүүдө чоң секирик жасалганын билдирди. Ал мындай билдирүүсүн бүгүн, 2-февралда, Казакстандын Алматы шаарындагы “Ааламдашуу доорундагы санариптик күн тартип” эл аралык форумунда сүйлөп жатып айтты: - Биз биометрикалык маалыматтарды киргизгенибизге байланыштуу секирик жасадык. Кыргызстандын 80% жакын жарандары биометрика тапшырышты. Тийиштүү түрдө бардык мамлекеттик тейлөө ошого байланыштырылып,... Читать дальше...

АКШнын Мамлекеттик катчысы Рекс Тиллерсон Латын Америкасындагы коңшуларын Кытай жана Орусия боюнча эскертти. Бул эки өлкөнүн аймактагы аракеттерин “кооптондурарлык” деп атаган Тиллерсон аларды Кошмо Штаттар менен иштешүүгө үндөдү. АКШнын улуттук коопсуздук боюнча былтыр декабрда жарыяланган стратегиясында Кытай менен Орусия атаандаш державалар деп аталган. Бээжин менен Москва Вашингтондун мындай пикирин сынга алышкан.

Биринчи таймда үстөмдүк кылып жаткан кыргызстандык команда оюн аягында алдырып жиберди

Иран полициясы баш кийим кийүүнү талап кылган мыйзамга нааразылыгын билдирип, жоолуктарын чечип салган 29 аялды кармады. "Тасним" кабар агенттиги 1-февралда маалымдагандай, тартип коргоочулар камаган аялдар чет жакта жашаган ирандыктардын үгүтүнө сугарылып, жоолуктарынан баш тартышкан. Сөз болгон 29 кыз-келин кайда кармалганы так айтылган жок. 1979-жылкы Ислам революциясынан кийин аялдар шарияттын мыйзамдарына ылайык кийинип жүрүшү Иранда милдеттүү болуп калган. Ошондон бери аялзат өкүлдөрүнүн сырткы келбетине такай көз салынат. Читать дальше...

3-февралда түнкүсүн Чүй, Талас, Ош, Жалал-Абад, Баткен облустарынын кээ бир райондорунда кар жаайт. Ысык-Көл, Нарын облустарында жаан-чачын болбойт. 3-февралда күндүз көпчүлүк аймактарда кар жаайт. Жолдор тоңголок, тайгак болот. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет.  Абанын температурасы: Чүй менен Таласта түнкүсүн -2...-7, күндүз -3...+2, Баткен облусунда түнкүсүн -2...-7, күндүз 1...6, Ош менен Жалал-Абадда түнкүсүн -1...-6, күндүз 2...7... Читать дальше...

АКШнын мамлекеттик катчысы Рекс Тиллерсон Латын Америка мамлекеттерин Орусия жана Кытай боюнча эскертти. Ал бул эки өлкөнүн аймактагы аракеттерин "кооптондурарлык" деп атап, Латын Америка мамлекеттерин Кошмо Штаттар менен иштешүүгө чакырды. Тиллерсон бул сөзүн Латын Америка мамлекеттерине барарда айтты. - Кытайдын мамлекеттик өнүгүү модели өткөндү эске салат. Ал бул жарым шардын келечеги болбошу керек. Кытай бүгүн Латын Америкасында орун-очок алууда, мамлекеттик экономикалык машинасын колдонуп, аймакты өз огуна тартып жатат. Читать дальше...

Камактагы оппозициячы саясатчылар Бектур Асановдун, Эрнест Карыбековдун жана Кубанычбек Кадыровдордун ишин карап жаткан Бишкек шаардык сотундагы процесске "Тез жардам" кызматы келди. Бул тууралуу Бектур Асановдун аялы Алтын Эркебаева билдирди: - Алардын иши жабык сотто каралууда. Ачкачылык жарыялап жатканына карабай, алардын үчөөнү тең соттук отурумга алып келип, ишти кароону улантып жатат. Ортодо "Тез жардам" кызматы чакырылып, дарыгерлер сот залына кирип чыгышты. Сыягы, биринин абалы оор окшойт, ошону карап чыгышты. Читать дальше...

Жалал-Абад облусунун Тогуз-Торо районунда айрым жергиликтүү тургундар тоо-кен байытуучу ишкананын курулушуна каршы чыгышты.