Жалал-Абад мэриясы жолду тосуп алган ишкерге эскертүү берди
Буга чейин калаа жетекчилиги унаалар тыгынын жоюу жана жөө атуулдардын коопсуздугун камсыз кылуу максатында борбордук көчөлөрдүн жээгине темир тосмолорду орноткон. Көчө боюнда өзүнүн бизнес-объектиси бар жеке ишкер Ленин көчөсүндөгү тосмолорду өз алдынча жолго карай бир метрге жылдырып салган. Натыйжада шаардын башкы көчөсүндөгү жол кыймылына ыңгайсыздык жаралган.
Жалал-Абад шаардык мэриясы берилген мөөнөттүн ичинде тосмолорду кайра калыбына келтирбесе, шаардык мэрия сотко кайрылганы турат. Бирок ага канча мөөнөт берилгени айтылган жок.
2015-жылы калаа жетекчилиги борбордук көчөлөрдөгү аталган тосмолорду курууга 2 миллион сомдон ашык каражат сарптаган. (ErN)