Новости за 17.02.2018

Жүзүмдүн сабактары кургакчылыкта куурап калбас үчүн жалбырактарын курмандыкка чалат. Кишидей кыймылдаган универсалдуу микроробот. Чылымдан жабыркаган өпкөнү спорт дарылайт.

Орусиянын тышкы иштер министри Сергей Лавров 2016-жылы АКШдагы президенттик шайлоого орусиялыктар кийлигишти дегенди "келжирек сөз" катары баалады. "Бардык нерсени жарыялай берсе болот. Далилдерди көрмөйүнчө, калганы келжирек сөз. Дипломатияга туура келбеген сөздү колдогонум үчүн кечирип коюңуздар”, - деди Лавров Мюнхендеги коопсуздук боюнча конференция учурунда. 16-февралда 30 беттен ашык айыптоочу документти АКШ жарыялагандан кийин Орусиянын тышкы иштер министринин өкүлү Мария Захарова АКШ прокурору... Читать дальше...

АКШнын мамлекеттик катчысы Рекс Тиллерсон менен Түркиянын тышкы иштер министри Мевлют Чавушоглу 16-февралда Анкарадагы сүйлөшүүдөн кийин Сирия боюнча кызматташуу тууралуу бир пикирге келгенин жарыялашты. Алар эки тараптуу мамилени татаалдаштырып жаткан маселелерди чечүү үчүн жумушчу топ түзөөрүн билдиришти. Анкара менен Вашингтондун ортосундагы ымала бир нече апта мурда Түркия Сирияга кезектеги аскерий операциясын жасагандан кийин солгундап кеткен. "АКШ бир иш кылса, Түркия башка иш кылган учурдан өттүк... Читать дальше...

Түркияга догдурлардан ылаажы издеп барган кыргызстандык бейтаптарга 23 жаштагы Умида Эгембердиева котормочу болуп иштейт. Беш тилде эркин сүйлөгөн жердешибиз кыргызстандыктарга өзгөчө кам көрүп, иштеген жамаатынын мактоосуна татыган.

Абдылас Малдыбаев атындагы кыргыз улуттук опера жана балет театрында “Ромео жана Жульетта” романтикалык спектакли коюлуп жатат. Бул чыгарма кайсы сахнада коюлбасын бардык убакта Жульеттанын образын жаратуу үчүн өтө жаш артисттер тандалып келген. Спектаклди модерн стилинде даярдаган режиссер Максат Сыдыков да кыргыз балетинин жаш жылдыздарына ишеним артты. Алардын көшөгө артындагы жана сахнадагы бир күндүк жашоосундагы көз ирмемдерди “Азаттык” тасмага түшүрдү.

Айыл чарба министрлигинде иштеген 500дөн ашуун кызматкер кыскартылат. Бул тууралуу премьер-министр Сапар Исаков парламентте депутаттардын суроолоруна жооп берип жатып билдирди. Анын айтымында, министрлик реформаларга муктаж. Буга чейин да бир канча жолу Айыл чарба министрлигин реформалоо же такыр жоюп салуу тууралуу сунуштар айтылган.

Пакистандын соту сегиз жаштагы Зайнап Ансарини зордуктап өлтүрдү делген 24 жаштагы Имран Алини 17-февралда өмүр бою эркинен ажыратты. Сот Имран Али дагы жети баланы өлтүргөн деп тапты. Полиция Зайнап Ансаринин жансыз денесин 9-январда Касур шаарында таштанды кутуларынын биринен тапкан. Секелек кыз зордукталганы аныкталган. Жергиликтүү тургундардын айтымында, Зайнап 4-январда куран сабагынан чыккандан кийин дайынсыз жоголгон. Бул окуя Пакистанда ири нааразылык акцияларына түрткү болуп, миңдеген... Читать дальше...

Кыргызгидромет чукул билдирүү таратып, ушул күндөрү өлкөдө туруксуз аба ырайы сакталып, кар калың жаай турганын эскертти. Тоолуу жолдорго муз тоңуп, калың кар жаайт. Кар көчкү коркунучу бар. 18-февралда айрым жерлерде кар жаашы күтүлөт, Чүй, Талас, Ош, Жалал-Абад, Баткен облустарынын кээ бир райондорунда туман түшүшү күтүлөт. Жолдор тоңголок, тайгак болот. Батыштан соккон шамалдын ылдамдыгы 2-7 м/с. Абанын температурасы: Чүй өрөөнүндө түнкүсүн -8...-13, күндүз -2...-7; Талас жергесинде түнкүсүн -10...-15... Читать дальше...

Абакта ачкачылык кармап жаткан Бектур Асановдун, Кубанычбек Кадыровдун жана Эрнест Карыбековдун ата-энелери жана жакындары саясатчылардын абалы менен таанышып чыгышты. Бул тууралуу Саясий туткундарды коргоо комитетинин төрагасы Сапар Аргынбаев “Азаттыкка” билдирди. Аргынбаевдин айтымында, кармалгандардын жакындары саясатчылардан акцияны токтотууну суранышкан, бирок алар укпай койгон: - Бектурдун апасы, аялы жана эжеси кирди. Биз бул жактан апасына "сиз ачкачылык акциясын токтотууга көндүрүңүз" дедик эле, айтыптыр. Читать дальше...

Касым Каимов чыгармачылык өмүрүн жалаң кара сөз жазууга арнап, бир топ аңгеме, повесть, романдарды жаратты. Ал атпай кыргызга таанымал Атай Огонбаевдин өмүр жолун баяндаган “Атай”, муундар аралык татаал байланышты, адеп-ыймандык маселени козгогон “Акырын күтпө” романдарынан тышкары бир топ аңгеме, повесттерди жазган. Бул жолу Касым Каимовдун “Анарбайдын көпүрөсү” аңгемесинин маани-жайын кеп кылабыз.

Чүй облусундагы Ала-Арча улуттук паркында аскадан кулап кеткен эки альпинисттин бирөө табылып, ооруканага жеткирилди. Бул тууралуу Өзгөчө кырдаалдар министрлигинен кабарлашты. Кырсык 15-февралда болгон. Литванын жарандары Сайкаускас Салиюс менен Кейскас Крупский Алис саякаттап жүрүп, чуңкурга түшүп кеткен. Издөө иштери 16-февралда башталган.  Башкы штабдан тартылган тик учактын жана министрликтин куткаруучуларынын жардамы менен Кейскас Крупский Алис жаракат алган абалда табылган. Адистер аны... Читать дальше...

Президент Сооронбай Жээнбеков “Балык чарбасы жөнүндө” мыйзамга өзгөртүү киргизүү тууралуу” мыйзамга кол койду. Бул тууралуу Президенттик аппараттын маалыматтык саясат бөлүмүнөн кабарлашты. Мыйзамды Жогорку Кеңеш 2018-жылдын 4-январында кабыл алган. Мыйзам Кыргызстандын кайталангыс жаратылыш комплекстерин жана биологиялык ар түрдүүлүктү сактоо, өтө сейрек жана жоголуп кетүү коркунучунда турган айбанаттар жана өсүмдүктөр дүйнөсүнүн түрлөрүн коргоо, өзгөчө кайтарылуучу жаратылыш аймактарынын тармагын кеңейтүү максатын көздөйт. Читать дальше...

Президент Сооронбай Жээнбеков “Балык чарбасы жөнүндө” мыйзамга өзгөртүү киргизүү тууралуу” мыйзамга кол койду. Бул тууралуу Президенттик аппараттын маалыматтык саясат бөлүмүнөн кабарлашты. Мыйзамды Жогорку Кеңеш 2018-жылдын 4-январында кабыл алган. Мыйзам Кыргызстандын кайталангыс жаратылыш комплекстерин жана биологиялык ар түрдүүлүктү сактоо, өтө сейрек жана жоголуп кетүү коркунучунда турган айбанаттар жана өсүмдүктөр дүйнөсүнүн түрлөрүн коргоо, өзгөчө кайтарылуучу жаратылыш аймактарынын тармагын кеңейтүү максатын көздөйт. Читать дальше...

Талас шаарындагы тогуз мектептин жана "Манас Ата-Сапат" билим берүү мекемесинин 9-10-11-класстарынын окуучулары бүгүн англис тилинде уюштурулган дебатта күч сынашууда. Бул тууралуу дебаттын уюштуруучулары билдиришти.  Анда окуучулардын бир өңчөй форма кийүүсү, телефон көтөрүп жүрүү, компьютер колдонуу сыяктуу мектептерде актуалдуу болгон темалар талкууланып жатат. Оюнга жалпысынан 42 команда (126 окуучу) катышууда. Эртең жыйынтыктала турган дебаттын жеңүүчүлөрү атайын дипломдор менен сыйланат. Читать дальше...

Кыргыз-өзбек чек арасындагы “Кадамжай-автожол” өткөрмө бекетинде Өзбекстандын жараны паспортундагы кирди-чыкты штамп жасалма коюлганы аныкталып кармалды. Бул тууралуу Чек ара кызматынын маалымат бөлүмү кабарлады. Маалыматтарга караганда, 23 жаштагы өзбекстандык О.И. Кыргызстанга визасыз жүрүү мөөнөтүн (60 күн) өткөрүп жиберген. Натыйжада ал бир нече убакыт Кыргызстанда мыйзамсыз жүргөн. Мекенине кайра кайткан учурда ал паспортундагы штамп басылган жерге Кыргызстанга кирген датасын өзгөртүп жаздырып алган. Читать дальше...

Украинанын президенти Петро Порошенко Орусияны Европадагы кырдаалды дестабилдештирүүгө, киберчабуулдарга жана гибриддик согушка жол ачып жатканына айыптады. Ал мындай билдирүүсүн Мюнхендеги коопсуздук боюнча конференция маалында Украинадагы кризис талкууланып жаткан учурда жарыялады: - Бүгүн биз Орусия баштаган гибриддик согуш, акырындап глобалдык гибриддик согушка айланып баратканын моюнга алышыбыз керек. Бул согушка деструктивдүү рол жаратып жатканын аңдабай көптөрү кошулуп алды. Бирок ал согуштун артында бир гана Кремль турат. Читать дальше...

Жалал-Абад шаардык мэриясы жол коопсуздугу үчүн көчө четине коюлган тосмолорду унаа өтүүчү жол жакка жылдырып, муниципалдык жерди ээлеп алган жеке ишкерге эскертүү берди. Бул тууралуу шаар мэриясынан билдиришти. Буга чейин калаа жетекчилиги унаалар тыгынын жоюу жана жөө атуулдардын коопсуздугун камсыз кылуу максатында борбордук көчөлөрдүн жээгине темир тосмолорду орноткон. Көчө боюнда өзүнүн бизнес-объектиси бар жеке ишкер Ленин көчөсүндөгү тосмолорду өз алдынча жолго карай бир метрге жылдырып салган. Читать дальше...

Орусиянын Тышкы иштер министрлигинин расмий өкүлү Мария Захарова Вашингтондун 30 баракка жазылган айыптоо документи боюнча пикирин "Фейсбуктагы" баракчасына жарыялады. Захарова “АКШдагы президенттик өнөктүккө Орусиянын 13 жараны таасирин тийгизди деген айып акылга сыйбай турганын” жазды. Орусиянын АКШдагы 2016-жылкы шайлоого киришүүсүн иликтеген атайын прокурор Роберт Мюллер 17-февралда айыптоо документин жарыялап, анда Орусиянын 13 жаранына, үч компанияга кине койгон. Мюллер орусиялыктар аналитикалык... Читать дальше...

Эртең, 18-февралда, Түштүк Кореянын Пхенчхан шаарында өтүп жаткан Олимпиада оюндарынын тоо лыжа жарышында кыргызстандык Евгений Тимофеев күч сынашат.

Кыргызстандын Тышкы иштер министрлиги Казакстанда кармалды делген эки кыргызстандык жаран тууралуу маалыматты тактап берүүнү талап кылган нотаны Бишкектеги казак консулуна тапшырды. Бул тууралуу ТИМдин расмий өкүлү Айымкан Кулукеева “Азаттыкка” билдирди. Нота Казакстандын Кыргызстандагы элчилигинин консулу Ерлан Абишевге чукул берилди. Документтин мазмунунда жалпыга маалымдоо каражаттарында “Казакстанда Кыргызстандын эки жараны кармалганы, анын бири Жогорку Кеңештин депутаты экени" тууралуу маалыматты тактоо же төгүндөө тууралуу жазылган. Читать дальше...

Мамлекеттик миграция кызматынын төрагасынын орун басары Алмаз Асанбаев миграция жаатындагы маселелер тууралуу "Азаттыкка" кеп салды.

Ош облусунун Мырзаке-Кара-Кулжа-Алайкуу жолуна түшкөн кар көчкүнү тазалоо иштери уланууда. Бул тууралуу Өзгөчө кырдаалдар министрлигинин маалымат кызматы кабарлады. Билдирүүдө айтылгандай, аталган жолдун 75-102-чакырым аралыктарындагы Тамчы тилкесинде 15-февраль күнү көлөмү 73000 куб метр кар көчкү түшүп, жол жабылган. Адам өмүрүнө зыян келген эмес. Ошондон бери ӨКМдин жана жол тейлөө башкармалыгынын техникалары көчкүнү тазалоо иштерин жасашууда. Бүгүн эртең менен сегизден баштап көчкү түшкөн... Читать дальше...

2017-жылы чет жакта жүргөн кыргызстандыктар мекенине 2 миллиард 482,2 миллион доллар которду. Бул тууралуу маалымат Улуттук банктын сайтында жарыяланды. Кыргызстанга келген бул сумманын 90% Орусияда жүргөн мигранттар жөнөткөн. Башкача айтканда алар которгон акча 2 миллиард 435 млн доллар болгон. Мигранттар Кыргызстанга которгон каражаттын суммасы 2016-жылы 1 млрд 991 миллион долларды, ал эми 2015-жылы 1 млрд 168 миллион долларды түзгөн. Дүйнөлүк банктын баасы боюнча, мигранттар которгон акча... Читать дальше...

17-февралда Косово Сербиядан бөлүнүп, күнкорсуздугун жарыялаганына 10 жыл толду. Дүйнөнүн 115 мамлекети тааныган Балкандагы бул мамлекеттин төбөлсүздүгүн серб бийликтери четке кагып келет. Эгемендик майрамынан бир күн мурун Германия Сербияга Евробиримдикке мүчө болуунун шартын жарыялады. Расмий Берлиндин жүйөсүндө, Евробиримдикке кошулуу үчүн дал ушул Косовонун көз карандысыздыгын таанышы керек. Азырынча буга расмий Белград эч кандай жообун айта элек.

Талас облусунун Бакай-Ата райондук ички иштер башкармалыгынын кызматкерлерине "жарандарды кыйноого алды" деген айып менен кылмыш иши козголду. Бул тууралуу Башкы прокуратуранын маалымат кызматы кабарлады. Билдирүүдө айтылгандай, аталган РИИБнын кызматкерлери өткөн жылдын 25-декабрь айында М.А. аттуу адамды күч колдонуу менен бөлүмгө алып келишкен. Кармалган адамдан мал уурдоо фактысын моюнга алууну талап кылып, башына полиэтилен пакетин кийгизип, уруп-сабашкан. Ушул жылдын январь айында жасалган... Читать дальше...