4-мартка карата аба ырайы тууралуу маалымат
4-мартта түнкүсүн кээ бир тоолуу райондордо бир аз кар жаайт. Күндүз тоо этектерине кар түшөт, айрым аймактарда кыска мөөнөттүү жамгыр жаашы мүмкүн. Батыштан соккон шамалдын ылдамдыгы 4-9, күндүз тоолорго жакын жерлерде 20 метрге чейин жетет.
Абанын табы:
Чүй өрөөнүндө түнкүсүн -4...+1, күндүз +6...+11;
Талас жергесинде түнкүсүн -4...+1, күндүз +6...+11;
Баткен, Ош, Жалал-Абад аймактарында түнкүсүн 0...+5, күндүз +9...+14;
Ысык-Көл дубанында түнкүсүн -3...-8, күндүз +3...+8;
Нарын обулсунда түнкүсүн -8...-13, күндүз -1...+4;
Бийик тоолуу райондордо түнкүсүн -21...-26, күндүз -4...-9;
Бишкекте күндүз бир аз жамгыр жаашы мүмкүн. Түнкүсүн -1…+1° суук, күндүзгү жогорку температурасы +9…+11°.