Израил Газада ХАМАС кыймылына абадан сокку урду
Газадагы палестиналык булактар учактар ХАМАСтын базасына сокку урганын, бирок курмандыктар жоктугун, кыйроолор болгонун маалымдады.
Израилдин соккусу күйүүчү зат куюлган бөтөлкөлөрдү көтөргөн төрт палестиналык ишембинин кечинде Газа секторунун Киссуфим аймагында чек араны бузгандан кийин жасалганын израилдик "Гаарец" гезити армиянын өкүлдөрүнө таянуу менен билдирди. Палестиналыктар чек арада машинени өрттөөгө аракеттенгенин Израил армиясынын басма сөз катчысы Франс-пресс агенттигине кабарлады.
Израил бул үчүн Газа секторун көзөмөлдөгөн ХАМАС кыймылын күнөөлөп жатат.