Кемерово: өрт кырсыгына байланыштуу ӨКМдин облустагы жетекчиси камалды
Тергөөнүн материалдарына караганда, облустук мекеменин башчысы Александр Мамонтов жана Кемерово шаарынын көзөмөл бөлүмүнүн жетекчиси Григорий Терентьев борбордо өрт коопсуздугун планга ылайык текшербей коюшкан. Текшерүү 18-мартка чейин өтүшү керек болчу. Өрт болсо бир жумадан кийин тутанган. Андан тышкары Мамонтов 2 миллион рубль акчаны кымырып алган деп шек саналып жатат.
Расмий маалымат боюнча 25-мартта “Зимняя вишня” борборундагы өрттөн 60 адам көз жумган. Өрт курмандыктарынын 40тан көбү балдар болчу.