Путин Сириядан 1140 жоокер чыгарылганын билдирди
Орусия Сириядагы аскердик операцияларын расмий түрдө 2015-жылы күзүндө баштаган. Орусиялык аскерлер Сирия чатагында президент Башар Асад тарапта болушту. Былтыр декабрда Кремль Сирияда тирешүү басаңдап калгандыктан аскерлеринин негизги тобун чыгара баштай турганын жарыялаган.
Расмий маалыматтарга караганда, Сирияда 2015-жылдан бери 90 орусиялык жоокер курман болду. Бул орус армиясынын өзүндөгү гана жолготуулар. Мындан тышкары, жеке аскердик компаниялар аркылуу барып согушкан орусиялыктар да бар экени айтылып жүрөт.