Украина Евробиримдиктен дагы миллиард евро алат
Украина экономикасын кубаттап туруш үчүн 2014-жылдан бери Евробиримдиктен 3 млрд еврого жакын жардам алган.
Мурдагы бийлик күч менен кетирилген соң өлкөнүн чыгышында жикчилдер баш көтөрүп, борбордук өкмөт менен согушууда. Крым жарым аралын Орусия каратып алган. Украин экономикасы кризистен чыга албай келет.
"Эгер мурдагы карызыбызды төлөөгө туура келбесе сырттан каражат албайт элек", - деди украин президенти Петр Порошенко 14-сентябрда, Ялта-Европа стратегиясы форуму учурунда.
Порошенконун айтымында, өлкөнүн карызы 2014-жылга чейин 46 млрд долларга жеткен.