Түркия президенти мамлекеттик сапар менен Германияга келди
Ошондой эле Берлин Анкаранын тыюу салынган Күрт жумушучу партиясына (ПКК) жана Гүлендин кыймылына каршы күрөшүн колдойт деп күтөрүн да жазат.
Ага катар немис өкмөтүн Гүлендин кыймылын “террористтик” уюм деп таанууга да чакырган.
Анкара АКШда жашаган диниятчы Фетхуллах Гүленди жана анын кыймылын 2016-жылкы аскерий төңкөрүш аракетинин артында турган деп күнөөлөп жүрөт.
Эрдоган иш- апары учурунда Германия жана Евробиримдиктин башка мамлекеттери карым-катышты кайра чыңдоого умтулат деп айтылууда.
Берлин менен Анкаранын мамилеси акыркы жылдары негизинен Эрдогандын авторитардык башкаруусу күчөгөнүнө жана Түркиянын 2016-жылдагы аскерий төңкөрүш аракетинен кийинки масштабдуу жазалоо чараларынан улам бузулган. Германия Түркиядагы укук бузууларды сынга алган.
Түркия президентинин Германияга мамлекеттик сапары Анкаранын АКШ менен мамилеси бузулуп, өлкө валюта кризисине кабылгандан кийинки учурга туш келүүдө. (UE)