Новости за 17.01.2018

Жазуучу Чыңгыз Айтматовдун 90 жылдык мааракесине арналган “Дүйнө Айтматовду окуйт” деген акция башталды. Бул тууралуу Билим берүү жана илим министрлиги кабарлады. Акциянын шарты боюнча социалдык тармактардын ар бир колдонуучусу жазуучунун чыгармаларынан үзүндү окуп, аны видеого тартып жарыялашы керек. Иш-чаранын катышуучусу видеонун башында өзүн тааныштырып, мамлекетинин жана окуган шаарынын аталышын айтышы талап кылынат. Ал эми чет мамлекетте билим алып жаткан студенттер кайсы мамлекетте болсо... Читать дальше...

Ат-Башы районунун Ат-Башы айылында эки жүздөн ашык мектеп окуучусу жарандарды жолдо жүрүү эрежесин сактоого чакырган жөө жүрүшкө чыкты. Алар жолдо жүрүү эрежесин сактоого чакырган ураандар жазылган транспаранттарды колдоруна кармап алып, айылдын борбордук көчөсүн бойлой бир чакырым жол басышты.

Түркмөн бийлиги теледен эротиканы жана жаман адаттарды көрсөтүүгө тыюу салынды.

Орусиянын Пермь шаарында мектепке кол салууга шектелген эки окуучу эки айга камакка алынды. "Новая газета" басылмасынын маалыматына караганда, сот жараяны айыпталуучулар жаткырылган ооруканада өткөн. Пермь шаарындагы №127 мектебине 15-январда эки өспүрүм бычак көтөрүп кирип барган. Алардын чабуулунан 15 адам жаракат алган. Мугалим жана эки окуучунун абалы оор делет.    Шектүүлөрдүн бири ушул эле мектептин мурдагы окуучусу, экинчиси азыр да ал жерде жогорку класста окуп жаткан.

Экологиялык жана техникалык коопсуздук боюнча инспекция Бишкек шаарындагы түтүндүн ченемден жогору болушунан улам автоунааларды текшерүүнү баштады. Бул тууралуу аталган мекеменин маалымат катчысы Анара Мамбеталиева “Азаттыкка” билдирди. Анын айтымында, бул органдын адистери жол коопсуздугун көзөмөлдөө башкармалыгы менен биргеликте рейдге чыгып, атайын жабдыктар менен унаалардан чыккан түтүндүн нормасын ченей баштаган. Алдын ала маалыматтарга караганда, унаалардан чыккан түтүндүн зыяндуулугу ченемден кыйла жогору болууда. Читать дальше...

Кошмо Штаттар палестиналык качкындарга жардам көрсөтүүгө жумшалчу каражатты эки эсе азайтты. Быйыл Улуттар Уюмунун Жакынкы Чыгыш боюнча агенттиги мурдагыдай 125 млн. эмес, 60 млн. доллар алат.  Бул тууралуу Мамдепартаменттин басма сөз катчысы Хизер Нойерт 16-декабрда билдирди. Ал калган 65 млн. доллар кандайдыр чечим кабыл алынмайынча эч кайда иштетилбей турарын баса белгиледи. Буга удаа эле АКШнын президенти Доналд Трамп "Твиттердеги" барагына Вашингтон жыл сайын палестиналыктарга миллиондогон... Читать дальше...

Орусиянын Ленинград облустук соту жергиликтүү чиркөө кызматкери Глеб Грозовскийди бачабаздыкка байланыштуу айыптап, 14 жылга эркинен ажыратты. РИА маалымат агенттиги сот жабык өткөнүн жазды.  Тергөө ал 2011-2013-жылдары Ленинграддагы балдардын православ лагеринде жана Грецияда үч өспүрүм кызга сексуалдык зомбулук көрсөткөн деп шек санаган. Грозовский айыптарды мойнуна алган эмес. Ал кылмыш ишин чиркөөгө кайрымдуулук үчүн түшкөн акчанын жаңжалынан улам атайын токулган деп эсептейт. Ал өкүмгө каршы арызданарын билдирди. Читать дальше...

Бишкектин район аралык соту Жогорку Кеңеш кабыл алган Суу кодексине киргизилген өзгөртүүлөрдү четке кагуу боюнча доо арызды карады. Мындай арыз менен жарандык активисттер кайрылган эле. Алар документти кабыл алууда эл өкүлдөрү процедуралык мыйзам бузууга жол бергени үчүн Жогорку Кеңештин “Суу кодексин өзгөртүү жөнүндөгү” токтомун жараксыз деп табууну суранган. Бүгүнкү жараянда парламенттин юристтери катышпаганы үчүн иш 26-январда уланмай болду. Былтыр ноябрда Жогорку Кеңеш "Суу кодексине өзгөртүүлөрдү... Читать дальше...

Шаршембиде таңга жуук Ингушетиянын Назрань шаарындагы "Мемориал" укук коргоо борборунун кеңсесин өрт чалды. Орусиянын Өзгөчө кырдаалдар министрлигинин жергиликтүү башкармалыгы андан эч ким жаракат албаганын, бирок компьютерлер, эмерек жана айрым документтер күйүп кеткенин билдирди.  Борбор өзү кеңсесин белгисиз бирөөлөр атайын өрттөп кеткенин сайтына жазды.  "17-январда түнкү саат 3:35те имаратка бир машине келип, андан канистр кармаган, беткапчан эки киши чыкканы камерага түшүп калган. Алар дубалга шатыны жөлөп... Читать дальше...

Тоң районундагы Кажы-Сай айылында 3-январда өрттөнүп кеткен сыйынуу үйүн жергиликтүү протестант христиандары өздөрү калыбына келтирип жатат. Өрттүн себеби так аныктала элек.

Түштүк Кореянын жардамы менен Бишкекте Инфекциялык оорукананын жаңы имараты салынат. Бул тууралуу Саламаттык сактоо министрлиги маалымдады. Түштүк Кореядан эксперттер тобу келип, бул боюнча эки тараптуу келишимге кол коюлду. Долбоордун үстүнөн кореялыктар иштей баштады. Оорукананын 130 орундук жаңы имараты бир нече бөлүмдөн туруп, заманбап техникалык жабдуу коюлат. Ошондой эле бейтаптардын маалыматтарын электрондук каттоого алуу системасы орнотулат. Азыркы иштеп жаткан клиника 400 кишиге ылайыкташкан. Читать дальше...

Нурсултан Назарбаевдин Кошмо Штаттардагы расмий сапарында ишкер чөйрө менен жолугушуу болуп, анда инвестициялык жана соода-экономикалык 20 келишимге кол коюлду. Анын жалпы суммасы 7 млрд. долларга жакын экенин казак президентинин расмий сайты жазды.  Ак Ордонун билдиргени боюнча, кол коюлган документтер авиация жана космосту изилдөө, нефтехимия жана айыл чарбасы, андан тышкары инфраструктураны өнүктүрүү тармактарын камтыйт.  - Америка казак экономикасына жумшалган түз инвестициялардын көлөмү боюнча экинчи орунда. Читать дальше...

Нурсултан Назарбаевдин Кошмо Штаттардагы иш сапарында ишкер чөйрө менен жолугушуу болуп, анда инвестициялык жана соода-экономикалык 20 келишимге кол коюлду. Анын жалпы суммасы 7 млрд. долларга жакын экенин казак президентинин расмий сайты жазды.  Акорданын билдиргени боюнча, кол коюлган документтер авиация жана космосту изилдөө, нефтехимия жана айыл чарбасы, андан тышкары инфраструктураны өнүктүрүү тармактарын камтыйт.  - Америка казак экономикасына жумшалган түз инвестициялардын көлөмү боюнча экинчи орунда. Читать дальше...

Бишкек шаардык мэриясы өз аймагындагы жана кире бериш тротуардагы карды тазалабаган 302 ишканага жана чарбалык объектиге эскертүү берди. Бул тууралуу мэриянын басма сөз кызматы билдирди. Санитардык-экологиялык инспекция эскертүү берилген ишканалардын 81ине айыппул да салды. Булардын ичинде банктар, соода түйүндөрү, дүкөндөр, дарыканалар, кафе-ресторандар, күйүүчү май куюучу жана башка жайлар бар. Бишкек шаардык кеңешинин 2009-жылдагы токтомунун негизинде кабыл алынган “Бишкек шаарын иретке келтирүү... Читать дальше...

Орусия эмгек мигранттарынын пенсиялык топтомдорун которуу боюнча макулдашууга кол койбой жатат. Бул тууралуу парламентте Социалдык фондун төрагасы Теңизбек Абжапаров билдирди. Анын айтымында, макулдашуу Евразия экономикалык биримдигинин алкагында даярдалган. Бирок орус тарап ага кол коюудан баш тартууда. - Бул мигранттардын пенсиясын Орусияга төлөшү керек болот. Макулдашуу ЕАЭБдин алкагында даярдалган. Бирок маселе Орусия менен гана калып жатат. Эми бул маселе Евразия экономикалык кеңешинде көтөрүлөт, - деди Абжапаров. Читать дальше...

"Бишкек шаарынын четиндеги Кой-Таш айылындагы Коргоо иштери боюнча комитетке таандык аскердик бөлүктөн 2012-жылы танк радиаторлорун уурдап сатып жиберген" деп айыпталган беш аскер кызматкери беш жылга кесилди. Бул ишке байланыштуу Аламүдүн райондук соту былтыр 14-декабрда айыпталгандарды сот залынан камакка алуу, үй-мүлкүн конфискациялоо, материалдык зыяндын ордун толтуруу тууралуу өкүм чыгарды. Айыпталуучулардын адвокаты Мурат Ирискулов алар күнөөсүз соттолгонун айтып Чүй облустук сотуна кайрылды. Читать дальше...

Кадамжай районунун Өзбекстан менен чектеш Чечме айылынын тургундары чек араны тактоо боюнча комиссиянын ишине нааразы. Буга айылды суу менен камсыз кылып турган жалгыз булактын Өзбекстандын карамагына толук өтөт деген маалымат себеп болууда. Айылдагылар анда суудан куру калып, жашоо оорлойт деп чочулап жатышат.

Бишкек-Ош жолунун Көчкүлү-Булак тилкесинде кар көчкүсүн артиллериялык курал менен атып түшүрүү иш-чаралары башталды. Бул тууралуу Өзгөчө кырдаалдар министрлигинин басма сөз кызматы билдирди. Бул тилке Ош-Бишкек жолунун 246-чакырымына туура келет. Карды атып түшүрүү иштери 22-январга чейин уланат. Бул күндөрү кан жолдун 132-137, 198-255-чакырымдары да көчкүдөн тазаланат. Буга Кыргызстандын куралдуу күчтөрүнүн Генералдык штабынын бир артиллериялык командасы жумушка тартылган. Аларга Өзгөчө кырдаалдар министрлигинин ыкчам тобу көмөктөшүүдө. Читать дальше...

2016-жылдын 16-январындагы учак кырсыгынан Сагынбек Абдрахманов өзү, кош бойлуу жубайы Венера жана эки баласы каза тапкан. Маркумдардын баарынын сөөгү Ноокен районунда жерге берилген. Балдарынын күйүтүн тарткан эне - Айтбү Исабаева бул жоготууну материалдык байлык аркылуу толуктоо мүмкүн эмес дейт.

Биринчи Дүйнөлүк көчмөндөр оюндарында Чолпон-Ата шаарындагы ипподромду оңдоодон өткөргөн “Темир Канат” ишканасынын жетекчиси Эркин Мергенбаев алты жылга кесилди. Мындай чечимди Бишкек шаардык соту кабыл алганын Жогорку соттун басма сөз кызматы кабарлады. Маалыматка ылайык, Мергенбаев "аткезчилик менен алектенип, өлкө сыртынан товар ташып келген жана бажы төлөмдөрүн төлөөдөн качкан" деген айыптар боюнча күнөөлүү деп табылды. 2014-жылы Бүткүл дүйнөлүк "Көчмөндөр оюндарын" өткөрүш үчүн Чолпон-Атадагы... Читать дальше...

Сулайман-Тоо музей комплексинин мурунку кызматкери Аширали Маразыков "музейдин жертөлөсүн оңдоо учурунда туу таштанды топтош үчүн жерге төшөлдү" деп, бир нече сүрөттү Интернетке илди. Ал Кыргызстандын башкы символдорунун бири тепселиши үчүн Сулайман-Тоо архитектуралык музейинин жетекчиси Абдыкайым Кангелдиевди айыптады. Мындан тышкары ал мындай иш мыйзамга каршы келээрин айтып, музей жетекчилигин жазага тартууну талап кылды.  Ал эми Сулайман-Тоо архитектуралык музейинин жетекчиси Абдыкайым Кангелдиев... Читать дальше...

Калысбек Шадыканов Саламаттык сактоо министрлигинин статс-катчылыгына дайындалды. Бул тууралуу министрликтин маалымат кызматынан кабарлашты. Маалыматка ылайык, Шадыканов бүгүн министрликтин жамаатына тааныштырылды. Калысбек Шадыканов буга чейин Билим берүү жана илим министрлигинин статс-катчысы болуп эмгектенип келген болчу. Былтыр Шадыкановго байланыштуу Венгрияга кыргызстандык абитуриенттерди жөнөтүү маселеси боюнча талкуу жаралган эле. (BkA)

Калысбек Шадыканов Саламаттык сактоо министрлигинин статс-катчылыгына дайындалды. Бул тууралуу министрликтин маалымат кызматынан кабарлашты. Маалыматка ылайык, Шадыканов бүгүн министрликтин жамаатына тааныштырылды. Калысбек Шадыканов буга чейин Билим берүү жана илим министрлигинин статс-катчысы болуп эмгектенип келген болчу. Былтыр Шадыкановго байланыштуу Венгрияга кыргызстандык абитуриенттерди жөнөтүү маселеси боюнча талкуу жаралган эле. (BkA)

Олимпиадага Кыргызстандын атынан лыжачы Евгений Тимофеев менен биатлончу Тариэл Жаркымбаев катышат

Жогорку Кеңештин депутаттары юстиция министри Уран Ахметов менен анын орун басары Равшан Абдуллаевдин жоопкерчилигин кароону сунуш кылышты. Мындай демилгени “Бир бол” фракциясынын лидери Алтынбек Сулайманов көтөрүп чыкты. Ал өкмөттөгү юридикалык экспертизаларды жүргүзчү негизги министрлик мыйзамдарга шалаакы мамиле кылып жатканын айтып, анын жетекчилерине чара көрүүгө үндөдү.  - Юстиция министри да комитетте депутаттардын суроолоруна жооп бере албай отурат. Министрдин орун басарынын деңгээли ушул. Читать дальше...