Новости за 22.03.2018

Эртең, 23-мартта Орусиянын Санкт-Петербург шаарындагы Таврия ак сарайында Ысык-Көл өрөөнүнөн чыккан айтылуу даанышман, элчи Тилекмат Жылкайдар уулунун (Тилекмат аке) эстелиги ачылат. Бул тууралуу иш-чарага жөнөп бараткан “Тилекмат аке – элчи” фондунун өкүлдөрү кабарлашты. Ал эми бүгүн Санкт-Петербургда кыргыздын чыгаан уулдарынын бири, саясий жана коомдук ишмер Исхак Раззаковго арналган эки күндүк эл аралык илимий конференция ачылды. Бул эки иш-чараны КМШ мамлекеттеринин Парламент аралык ассамблеясы уюштурду. Читать дальше...

Казак президенти Нурсултан Назарбаев Нооруз майрамын байыркы Самарканд шаарында өзбек президенти Шавкат Мирзиёев менен чогуу белгиледи. Өзбекстандын президентинин сайты Назарбаев “бир тууган өзбек элин Нооруз майрамы менен куттуктаганы келгенин” билдирип, видеосун жарыялады. Коңшу өлкөнүн президенттери бир жума мурда эле Астанадагы Борбор Азия лидерлеринин саммитинде жолугушкан. Назарбаевдин Өзбекстандагы сапары тууралуу алдын-ала маалымат таратылган эмес. Кийинчерээк гана Акорда мамлекет башчы... Читать дальше...

"Дан” мамлекеттик ишканасынын жетекчиси Алга Кылычов жарандык активист Мавлян Аскарбековду “ар-намысыма шек келтирди” деп сотко берип, андан 70 миллион сом айыппул өндүрүп берүүнү өтүнүүдө. Аскарбеков Кылычовдун артында "түрткүлөгөн" күчтөр бар деп эсептейт.

Британ өкмөт башчысы Европа мамлекеттеринин лидерлерин өз аймагынан орусиялык тыңчыларды чыгарып, “Европадагы Кремлдин желесин жоготууга” чакырууга ниеттенүүдө. “Гардиан” гезити билдиргендей, бейшембиде Брюсселде британ премьер-министри Тереза Мэй Батыш өлкөлөрүнө кайрылып, “Владимир Путин тараптан болчу узак мөөнөттүү коркунучтарга” көңүл бурдурат. Мэй Европа өлкөлөрүнүн лидерлерин мурунку орус тыңчысы Скрипал менен анын кызы ууландырылган нервди шал кылчу заттын колдонулушуна жигердүү түрдө каршы турууга үндөйт. Читать дальше...

"Азаттык" Орус православ чиркөөсүнүн ишмердүүлүгү тууралуу анын Кыргызстандагы жетекчиси, епископ Даниил менен маектешти.

Франциянын экс-президенти "шайлоо өнөктүгүнө Ливиянын мурдагы диктатору, маркум Муаммар Каддафиден миллиондогон евро алган" деген дооматтарды “ушак” деп четке кагууда. “Мен эч кандай колго кармаган далили жок эле айыпталуудамын” деген Саркозинин тергөөчүлөргө берген көрсөтмөсүн "Le Figaro" гезити 22-марттагы санына чыгарды. Саркози өз билдирүүсүндө 2011-жылдан бери “ушактын тозогунда” жашап келатканын айтып, айыптоолорду калпка чыгарган. Азырынча экс-президенттин жакын адамдары ал билдирүүнүн чын-төгүнүн ырастай элек. Читать дальше...

Техастын полициясы март айында дембе-дем бомба жардырууга байланыштуу шек саналган кишинин атын атады. 23 жаштагы Марк Энтони Кондитт Остин шаарына жакын жерде жашачу экен. Атайын кызматтар анын телефонунан өз кылганын моюнга алганы жазылган 25 мүнөттүк видео жазманы табышканын маалымдашты. Остин полициясынын башчысы видеодо ал даярдаган алты бомбасы, алардын бири-биринен айырмасы тууралуу айтканын, видеодо терроризм же расалык жек көрүү тууралуу сөз да кылбаганын билдирди. Кондитти кылмышка түрткөн себептер белгисиз. Читать дальше...

Бул жеңиш Кыргызстан курама командасын 2019-жылы Бириккен Араб эмирлигинде өтө турган Азия чемпионатына жолдомо алууга шарт түздү

Кыргызстандын футбол боюнча улуттук курама командасы бүгүн  Түштүк Кореянын Инчхон шаарында өткөн Мьянма курама командасы менен беттеште жеңишке жетип, Азия кубогунун финалдык бөлүгүнө жолдомо алды. Оюн кыргыз футболчуларынын пайдасына 5:1 эсебинде аяктады. Оюндун 1-таймында 2:0 эсебинде кыргыз футболчулары алдыга чыгышкан. 2-таймда үч голду Кыргызстандын футболчулары атаандаш дарбазасына узатса, мьянмалыктар бир гол менен жооп кайтарды. Кыргызстанга тиешелүү голдорду Ислам Шамшиев (2-мүнөт)... Читать дальше...

Санкт-Петербургда бүгүн кыргыздын чыгаан уулдарынын бири, саясий жана коомдук ишмер Исхак Раззаковго арналган эки күндүк эл аралык илимий конференция ачылды. Аны КМШ мамлекеттеринин Парламент аралык ассамблеясы уюштурду. Конференцияга Жогорку Кеңештин Эл аралык иштер, коргоо жана коопсуздук комитетинин төрагасынын орун басары Каныбек Иманалиев, Кыргызстандын биринчи вице-премьер-министри Аскарбек Шадиев баштаган расмий делегация катышууда. Анда Раззаковдун Кыргызстандын 1950-1960-жылдардагы өнөр жайынын өнүгүшүнө... Читать дальше...

Эки жыл мурун 22-мартта Брюсселдин "Завентем" аэропорту менен "Мальбек" метро станциясына жасалган кош чабуулда 32 кишинин өмүрү кыйылып, 300 адам жарадар болгон. Эки кол салууну тең “Ислам мамлекети” экстремисттик тобу мойнуна алган. Былтыр 22-мартта Лондондогу беш киши өлүп, 50 адам жабыркаган кол салууну Халид Масуд жасаган. Ал Лондондун борборундагы көпүрөдө, парламент имаратынын жанында жөө бараткандарды машинасы менен сүзүп, кийин британ парламентинин сыртында нөөмөттө турган полиция кызматкерин бычактаган. Читать дальше...

Таласта Нооруз майрамына карата уюштурулган көкбөрү оюнунда бир улакчы каза тапты. Бул тууралуу "Азаттык" радиосуна иш-чараны уюштурган Кууганды айыл өкмөтүнүн башчысы Адилет Жолдошов билдирди. Талас районунда 21-март күнү болуп өткөн улак тартышта Үч-Эмчек айылынын 32 жаштагы тургуну атты туура эмес буруп алган деп айтылууда. Натыйжада ал эс учун жоготуп, ооруканага жеткирилгенден кийин көз жумган. Артында кош бойлуу келинчеги калды. (AlS)

"Азыркы кыргызстандык" түрмөгүнүн бул жолку коногу - Пермдеги Жүрөк институтунда кардиохирург болуп иштеген Бакытбек Кадыралиев.

Бишкектеги "Караван" соода борборунда орунду ижарага алып сатуучу болуп иштегендер анын имараты сатыкка коюлуп жатканын айтып, нааразылык билдирип чыгышты. Бүгүн алардын өкүлдөрү маалымт жыйын куруп, ай сайын 5,5 миллион сомду ижара акы катары, 1 миллион сомдон ашык каражатты мамлекетке салык катары төлөп жүргөнүн айтышты. Соода борборунда 260 ижарага берилүүчү жай бар. Анда бир миңдей адам эмгектенет. Мурдагы депутат Нариман Түлеевге таандык болуп, кийин мамлекетке алынган “Караван” менчиктештирилерин... Читать дальше...

Жалал-Абаддын Сузак районуна караштуу Багыш айылында чет жакта иштеп жүргөн мигрант жаштардын колдоосу менен жаңы спортзал ачылды. Бул тууралуу “Багыш жаштары” коомдук фондунун төрагасы Марат Жолборсов “Азаттыкка” билдирди. Айыл жаштарынын демилгеси жана жашоочулардын өтүнүчү менен фонддун атынан спортзалдын курулуш иштери 2017-жылдын май айында башталган. Анын ачылыш салтанаты бүгүн өттү. Жалпысынан курулушка 120 миң доллар сарпталды. 500 орунга ылайыкташкан спортзалда кичи футбол, волейбол... Читать дальше...

Күн жылыганына байланыштуу ушул күндөрү тоолуу аймактардагы Бишкек-Ош, Ала-Бука-Каныш-Кыя, Красная Горка-Ак-Таш жолдоруна кар көчкү түшүшү мүмкүн. Кыргызгидромет мындай кырдаал 27-мартка чейин сакталарын эскертти. 23-мартта көпчүлүк аймактарында жамгыр, тоолуу райондордо кар жаайт. Айрым жерлдерде нөшөр болот. Күн күркүрөшү ыктымал.  Батыш тараптан келген шамалдын ылдамдыгы секундуна 4-9, айрым жерлерде 15-20 метрге жетет. Абанын температурасы: Чүй өрөөнүндө түнкүсүн 7...12, күндүз 12...17... Читать дальше...

Дал ушул учурда Түштүк Кореянын Инчхон шаарында футбол боюнча Кыргызстан менен Мьянма өлкөлөрүнүн улуттук курама командалары Азиянын кубогуна тандоо оюндарындагы беттешин өткөрүүдө. Беттештин жүрүшүн «КТРК Спорт» телеканалы түз алып көрсөтүүдө. 1-таймдан кийин 2:0 эсебинде кыргыз футболчулары алдыда келе жатат. Голдорду Ислам Шамшиев жана Антон Землянухин киргизди. Азиянын футбол конфедерациясы эки өлкөнүн командаларынын мурда болбой калган беттешин "Инчхон" стадионунда өткөрүү тууралуу чечим чыгарган. Читать дальше...

Баткенде дээрлик 10 жыл токтоп турган Айдаркен сымап комбинатынын шахтасы жана кен байытуучу фабрикасы кайрадан иштей баштады. 2009-жылы комбинаттын шахтасын суу каптап, кен казуу токтогон. 660 метр тереңдиктеги шахта суусу сордурулуп, кенди алып чыгууга мүмкүнчүлүк ачылды. 2017-жылы кыргызстандык “Северстайл” компаниясы сымап комбинатын иштетүүгө бел байлап, инвестор болгон. Комбинат жетекчиси Толубай Салиевдин “Азаттык” радиосуна билдиргенине караганда, ушул айдын соңуна даяр продукция түрүндө сымап... Читать дальше...

Кыргызстан менен Мьянманын футбол боюнча курама командасы Түштүк Кореяда беттешүүдө

Бүгүн КТРКда “Салам, Кыргызстан!” көрсөтүүсүнүн кезектеги чыгарылышы тартылат. Маалыматты “Азаттык” радиосуна каналдын башкы директору Илим Карыпбеков тастыктады, бирок бул акыркы программалардын бири экенин белгиледи: - Ал долбоор жабылды. Бирок эфирдин планына киргизилип калган эки көрсөтүү бар болчу. Бизде эфир эки жума мурда даярдалат. Көрсөтүүнү тартуу программага кирип калган, коноктору чакырылган. Аларды жокко чыгара албайм. Экөөнү тартышат, ошону менен бүттү. Илим Карыпбеков “Салам, Кыргызстан!”... Читать дальше...

Казакстан оор кылмышка шектүү кыргыз жана түрк жаранын Кыргызстанга өткөрүп берди. Бул тууралуу бүгүн Башкы прокуратура кабарлады. Казакстандын Атырау облусунда кармалган кыргызстандык аял жана түркиялык эркек жаран 16-мартта Бишкектеги №1 Тергөө абагына камалды. Прокуратуранын маалыматына караганда, кылмышка шектүү аял түркиялык жаран менен сүйлөшүп алып өз бир тууганын зөөкүрлүк менен өлтүргөн. Ал адамдын сөөгү 2017-жылы сентябрь айында Ысык-Көл облусунун Жети-Өгүз районуна караштуу Көл-Кечүү айылынан табылган. Читать дальше...

Сузак районундагы Ак-Баш айылында жашы бир кылымдан ашкан эже-сиңди жашайт. Бир туугандардын улуусу Турдукан быйыл 105 жашка чыкса, сиңдиси Даткайым 101ге толду. Алардан тараган балдар бир айылды түзөт.

Сузак районундагы Ак-Баш айылында жашы бир кылымдан ашкан эже-сиңди жашайт. Бир туугандардын улуусу Турдукан быйыл 105 жашка чыкса, сиңдиси Даткайым 101ге толду. Алардан тараган балдар бир айылды түзөт.

Транспорт прокуратурасы Автотранспорт агенттигинин Оштогу башкармалыгында мамлекетке 9 миллион сомдук заян келтирген жемкорлук фактын аныктады. Бул тууралуу бүгүн Башкы прокуратура кабарлады. Мекеменин маалыматына караганда, 2017-жылдын 1-ноябрынан 2018-жылдын 10-январына чейин Жалал-Абад бажысында 3,5 миң тонна мазут “экспорт” процедурасы боюнча каттого алынып, 108 оор жүк ташуучу автоунаа менен Тажикстанга жөнөтүлгөн. Кийин «Жаңы-Арык», «Каратай», «Сары-Таш» жана «Карамык» транспорттук көзөмөл бекеттеринен ал жүктүн салмагы текшерилбей... Читать дальше...

Өзбек-тажик жарандары дээрлик 17 жылдан кийин кайра эки тарапка визасыз каттай башташты. Өзбек президенти Шавкат Мирзиеёвдин Дүйшөмбүдөгү сапарында кол коюлган виза режимин жоюу тууралуу макулдашуу 19-мартта расмий күчүнө кирди.