Новости за 23.03.2018

Еврошаркеттин лидерлери Солсберидеги кол салуу үчүн жоопкерчилик Орусияга жүктөлөт деген “мүмкүнчүлүк өтө жогору” экенин билдирген Британия өкмөтү менен макул болуп, Москвадагы өкүлүн чакыртып алууну чечишти. Брюсселдеги саммитте жетекчилер түн ортосуна чейин сүйлөшүү жүргүзүп, ушундай жыйынтыкка келишти. Британиянын премьер-министри Тереза Мэй экс-тыңчы Сергей Скрипал менен кызы Юлияга 4-мартта кол салуу “Орусиянын Европага каршы уланып жаткан агрессиясынын үлгүсү” экенин айткан. Москва ал окуяга эч кандай тиешеси жоктугун билдирип келатат. Читать дальше...

"Ата Мекен" партиясынын камактагы лидери, парламенттин мурдагы депутаты Өмүрбек Текебаев саламаттыгына байланыштуу ооруканага жатышы керек экенин бул партиянын юристи Канатбек Азиз "Азаттыкка" билдирди. Анын айтымында, адвокаттар жана Текебаев Жаза аткаруу кызматынын жетекчилигинен ооруканада жатып дарыланууга уруксат берүүнү суранган, бирок ал өтүнүчкө көңүл бурулбай жатат.  - Венага кетерден мурун Текебаев жүрөгү ооруп, ооруканага жатып чыкканын баары билет. Азыр таза абага чыкпай атат. "Кычкылтектин жетишсиздиги" деп коет. Читать дальше...

"Настоящее время" телеканалынын журналисти Ренат Давлетгилдеев ЛДПР фракциясынын лидери Владимир Жириновскийди жыныстык асылуу үчүн айыптады. Журналист башка эркектерди да саясатчылардын ушул өңдүү жоруктарын ачык айтууга чакырды. Давлетгилдеевдин айтымында, Жириновский 2006-жылы «Орусия сулуусу» конкурсунун финалы маалында чакан интервью берип жатып өзүн адеп-ахлакка жатпаган түрдө алып барган. Журналист ал кезде өзүнүн кумсалыгын ачык айта элек болчу, аныктан уялып, окуя жөнүндө эч кимге айткан эмес. Читать дальше...

Кытайдын Соода министрлиги АКШнын кадамына жооп кайтарып, бажы төлөмдөрү киргизиле турган америкалык товарлардын тизмесин жарыялады. Ага ылайык чочко этине 25 пайыз, жер-жемишке, шарапка жана болоттон жасалган түтүктөргө 15 пайыз өлчөмүндө төлөм киргизүү каралууда. Айрым маалымат булактары кабарлашкандай, Кытай бюджетине бул 3 миллиард доллар киреше алып келмекчи. Кечээ АКШнын президенти Доналд Трамп кытайлык товарларга бажы салыктарын киргизүү тууралуу буйрукка кол койгон. Товарлардын тизмеси 2 жумадан кийин белгилүү болмокчу. Читать дальше...

Кыргыз өкмөтү Башкы прокуратурага 250 миллион сом бөлүнгөн деген маалыматтарга түшүндүрмө берди. Өкмөт аппаратынын коомчулук жана маалымат каражаттары менен байланыш бөлүмү 23-мартта тараткан билдирүүдө Башкы прокуратура 2017-жылы «Альфа-Телеком»  жана «Brasfortlimited» компаниясынын ортосунда түзүлгөн насыялык келишимдеги мыйзам бузууну аныктап, анын жыйынтыгында мамлекетке келтирилген 5 миллиард 416 миллион сомдук зыяндын орду толтурулганы айтылат.   «Кыргыз Республикасынын прокуратурасы жөнүндө» мыйзамдын 63-беренесинин 3-бөлүгүнө ылайык... Читать дальше...

"Бийликти күч менен басып алууга аракеттенген" деген айып менен абакта отурган оппозициялык саясатчы Бектур Асанов 20-мартта Жаза аткаруу кызматынын төрагасы Таалайбек Жапаров менен баш прокурор Индира Жолдубаеванын дарегине ачык кат жолдоду. Бул тууралуу Асановдун туугандары "Азаттык" радиосуна билдиришти. Бектур Асановдун катын жарандык активисттер интернеттеги социалдык тармактарга да жарыялады.  Анда саясатчы "27-февралда №27 абакка которулгам жана бул жайда №5 отрядга бөлүнгөм. Бирок ушул күнгө чейин өз отрядыма кошпой... Читать дальше...

Түркиянын Стамбул шаарындагы Зейтинбурну райондук акимиаты алдында ачылган коомдук жалпы ашкана иштейт. Ал илгертеден келе жаткан коомдук ашкана маданиятын уланткан жай. Ашканада түркүн тамактар бышырылып муктаж болгон үй-бүлөлөргө бекер таратылат. Андан тышкары коомдук ашканадан миңдеген карапайым адам тамактанат.

Балбан 27-февралдан 4-мартка чейин Бишкекте өткөн Азия чемпионатында грек-рим күрөшү боюнча алтын медаль тагынган.

Түштүк Кореянын мурдагы президенти Ли Мен Бак жума күнгө оогон түнү кармалды. Ал бир нече уюмдардан жана адамдардан жалпысы 10 млн доллардан ашык пара алган деп шектелүүдө. Марттын башында прокуратура Лиге 20 айып таккан. Далилдерди жоготуп салбасын деп сот 22-мартта камоого уруксат берген. Түштүк Кореяны 2008-2013-жылдары башкарган ишмер бардык айыптоолорду четке кагууда. Ли жемкорлукка айыпталып кармалган түштүк кореялык мамлекет башчылардын төртүнчүсү. Андан кийинки президент Пак Кын Хе да азыр абакта.

Талас райондук соту 23-мартта жергиликтүү тургун Автандил Тынышевди "кыйноого алган" деп айыпталган мурдагы милиция кызматкерлери Фархат Исмаилов, Талгат Тотобаев жана Канат Алымбаевди актады. Чечимди судья Ниязбек Калматов чыгарды. Жабырлануучу Автандил Тынышев соттун чечимине макул эместигин айтып, облустук сотко даттанарын билдирди. Тынышев боюнча кылмыш иши төрт жыл мурда Кылмыш-жаза кодексинин 305-беренеси ("Кыйноо") менен козголгон. Аны кыйноого шектүү катары Талас райондук ички иштер бөлүмүнүн үч кызматкери айыпталып... Читать дальше...

КСДП партиясынын төрагасынын орун басары Фарид Ниязов "Азаттык" радиосуна Кытайдын Компартиясынын техникалык жардамы КСДПга эмес, Жогорку Кеңешке берилгенин билдирди:  - Мен силер чалгандан кийин эмне үчүн баланста жоктугун тактадым. Көрсө, катчылык экен. Алар баары "алдык, алдык" дешкен. Биз да алганбыз деп эсептегенбиз. Жардам Жогорку Кеңештин алкагында алынган, ошого ал биздин баланста жок. Жардамды парламент, анын ичинде КСДП фракциясы алыптыр.  Фарид Ниязов буга чейин "Азаттыктын" чет мамлекеттик... Читать дальше...

Бишкек шаардык соту мамлекеттик жөлөк пул тууралуу мыйзамдын күчүнө киришин 1-апрелге чейин токтотуу тууралуу өкмөттүн чечимине каршы жарандык активист жана юрист Нурбек Токтакуновдун арызын карай баштады.

Кыргызстан социал-демократтар партиясынын төрагасынын орун басары Фарид Ниязов Кытайдын Компартиясы тарабынан берилген жардам тууралуу "Азаттыкка" комментарий берди. Анын айтымында, Кытай тарап акчалай эмес, техникалык жардам көрсөткөн, бирок ал КСДПнын балансына өткөрүлө элек:  - Техникалык жардам. Былтыр күзүндө келген. Аны баланска кое элекпиз. Азырынча колдоно элекпиз.  Жогорку Кеңештеги КСДП фракциясынын депутаты Рыскелди Момбеков  22-мартта "Кытайдын Коммунисттик партиясы Кыргызстан социал-демократтар... Читать дальше...

Мурдагы жана азыркы президенттердин мамилеси жөнүндө коомчулукта кайчы пикирлер көбөйдү.

Улуттук коопсуздук комитетинин атайын өкүлү Рахат Сулайманов биринчи вице-премьер-министр Аскарбек Шадиевдин суракка чакырылганын "Азаттык" радиосуна ырастады.  - Буга чейин козголгон кылмыш ишинин алкагында биринчи вице-премьер-министр Аскарбек Шадиев эки ирет сурак берип кеткен. Учурда тергөө иштери уланып жатат.   Өткөн аптада Шадиев Жогорку Кеңештен 30 миң доллардын уурдалышына байланыштуу козголгон кылмыш иш боюнча атайын кызматка сурак берип чыкканын жергиликтүү маалымат сайттар жазып чыккан. Читать дальше...

Орусияда бир катар маалымат каражаттары өлкөнүн башкы мыйзам чыгаруу органына бойкот жарыялашты. Этика боюнча комиссия "аялдарга асылган" деп айыпталып жаткан депутат Леонид Слуцкийди "күнөөсү жок" жарыялоодон баш тарткандан кийин журналисттер парламенттин төмөнкү палатасынын ишин чагылдырууну толугу менен же жарым-жартылай токтотушаарын билдиришти.

Мээрбек Мискенбаев, “Айкөл Ала-Тоо” коомдук кыймылынын төрагасы: – Мээрбек мырза, борбор калаа Бишкек шаарындагы көчөлөрдүн бирин 7-апрель көчөсү деп атоо керектигин айтып чыктыңыз, бул ойду эмне себептен айттыңыз? – Бул ойду көптөн бери ойлоп жүргөм. Бишкекте ансыз деле көчөлөргө ар кандай адамдардын аттары коюлуп жатат. 7-апрель бул тарыхый күн. Ошондуктан борбор калаадагы чоң көчөлөрдүн бирин […]

Беттеш 27-март күнү шаардык стадиондо өтөт

Кытайдын Коммунисттик партиясы Кыргызстан социал-демократтар партиясына жардам иретинде 1 млн. сом бөлдү. Бул тууралуу аталган партиянын мүчөсү, Жогорку Кеңештин депутаты Рыскелди Момбеков “Азаттык” радиосундагы “Арай көз чарай” талкуусу учурунда билдирди.  Анын айтымында, КСДПнын Орусиядагы “Единая Россия”, Казакстандагы “Нур отан”, Кытайдын Компартиясы менен да жакшы байланышы бар. Ал гранттык негизде берилген каражат партиянын ишмердүүлүгүнө, кеңселерин каржылоого, залын оңдоого жумшалышы ыктымалдыгын айтты. Читать дальше...

Түрк ырчысы жана актриса Зухал Олчай 2016-жылда жазылган ыры үчүн президент Режеп Тайип Эрдоганды шылдыңдоого айыпталып 10 айга абакка кесилди. Бул тууралуу «Хюрриет» басылмасы жазды. Олчай өзүнүн ырындагы сөздөрдү өзгөртүп алган. Анын жаңы версиясында:  «Режеп Тайип Эрдоган, булардын бардыгы боштук, мунун баары калп, жашоо бир күнү бүтөт жана сиз «Менин кыялым бар эле» деп айтасыз» деген саптар бар. Ырчы көрсөтмө берген учурда күнөөнү мойнуна алган эмес, ал Эрдогандын аты ырдын ыргагына туура келгендиктен гана колдонгонун айткан. Читать дальше...

Сирия оппозиция топторунун бири Чыгыш Гутадан чыгып кетти жана аймактын бир бөлүгүн бийликтин армиясына тапшырды. Бул тууралуу Reuters агенттиги кабарлады. Чыгыш Гутадан жалпысынан 30дай автобус чыккан. Сириялык ЖМКлардын маалыматына караганда, анда 1,5 миңдей киши болгон. Алардын 400дөйү "Ахрар аш-Шам" тобунун согушкерлери. Жалпысынан 1,5 миңдей козголоңчу жана алардын алты миңдей үй-бүлөсү Чыгыш Гутадан чыгып кетүүнү пландап жатышат. Аларды өкмөттүн автобустары менен Идлиб провинциясына көчүрүү болжолдонууда. Читать дальше...

Кыргызстан социал-демократтар партиясы тазаланууга, люстрацияга муктаж. Бул тууралуу аталган партиянын мүчөсү, Жогорку Кеңештин депутаты Рыскелди Момбеков “Азаттык” радиосундагы “Арай көз чарай” талкуусунда билдирди. - Чындыгында партия дагы люстрация, тазаланууга муктаж. Партиянын аброюна көлөкө түшүргөн кишилер, партиядан алысташы керек. Коомчулукта активдүү иш-аракеттери, жаңы кадамдары бар адамдарды алып келиш керек, - деди Момбеков. Кыргызстан социал-демократтар партиясынын (КСДП) кезектеги жыйыны 31-мартка белгиленген. Читать дальше...

Бишкек шаардык соту мамлекеттик жөлөк пулга байланыштуу жарандык активист жана адвокат Нурбек Токтакуновдун арызын карап, чечимди 26-мартта чыгара турганын билдирди. Бул тууралуу Токтакунов «Азаттыкка» кабарлады. Активист мыйзам кабыл алып, кайра анын аткарылышын үч айга жылдыруу боюнча жаңы мыйзам долбоорун сунуш кылуу менен элдин укугу жана мыйзам бузулуп жатканын жүйө келтирип, өкмөттү сотко берген. Ал мыйзам кабыл алынганга чейин коомдук угуулар өтпөгөнүн сындап жатат. Шаардык сот активисттин арызын 22-мартта караган. Читать дальше...

Билим берүү жана илим министрлиги билдиргендей, олимпиаданын төртүнчү, финалдык этабына республика боюнча 300дөн ашуун окуучу катышат. Буга чейин олимпиаданын 3-этабы 26-27-февраль күндөрү Бишкек жана Ош шаарларында, Жалал-Абад, Баткен, Нарын, Ысык-Көл, Талас, Чүй облустарында болгон. Быйыл биринчи жолу олимпиадага көз карандысыз уюмдар тартылууда. Бул жолу ал Кыргыз-түрк "Манас" университетинде өтүп, анын жүрүшү түз көрсөтүлүп турат. Олимпиаданын тапшырмаларын иштеп чыгуу боюнча тендерде Билимди... Читать дальше...

Бүгүн Бишкекте биринчи жолу массаж боюнча мелдеш өтөт. Бул тууралуу Саламаттык сактоо министрлиги кабарлады. Анын максаты - Кыргызстанда укалоочулук өнөрдүн деңгээлин жогорулатуу. “Мындай иш-чаралар кыргызстандык укалоочулардын эл аралык мелдештерге катышуусуна шарт түзөт”, - деп белгиленген билдирүүдө. Массаж боюнча чемпионат Орусия, Украина, Беларус, Молдова, Болгария, Казакстан, Израил, Италия сыяктуу өлкөлөрдө жыл сайын өтүп турат. Мында тажрыйба алмашуу, укалоонун ар кандай түрлөрүн жайылтуу же тааныштырууга мүмкүнчүлүк берет. Читать дальше...