Новости за 24.05.2018

Саруу окуясы боюнча сегиз жылга соттолуп, президенттин ырайымы менен эркиндикке чыккан Наристе Калчаев абакта отурганда саясатчы Садыр Жапаровго каршы көрсөтмө алуу аракеттери болгонун билдирип маалымат жыйын берди. Анын айтымында, Калчаевди 2013-жылдын 7-октябрында Улуттук коопсуздук мамлекеттик комитетинин имаратында башына желим пакет кийгизип, кыйноого алышкан. Ошондой ал Жапаровго каршы көрсөтмө бербегенин кошумчалады. Бул айыптоо боюнча УКМКнын маалымат кызматы комментарий бербей турганын билдирди. Читать дальше...

Бириккен Улуттар Уюмунун (БУУ) баш катчысы Антонио Гутерреш Коопсуздук кеңешине баяндама жөнөттү. Анда ал “Ливан өкмөтү көзөмөлдөбөгөн олуттуу жана татаал аскердик кубатка “Хезболла” ээ болуп жатканына" терең тынчсыздануусун билдирген. Коопсуздук кеңеши Гутеррештин баяндамасын 24-майда талкуулайт. БУУнун баш катчысы шииттердин бул кыймылын куралсызданууга, Ливандын өзүндөгү, Сириядагы жана башка жерлердеги аскердик аракеттерин токтотууга, Коопсуздук кеңешинин 2004-жылдагы резолюциясын сактоого чакырган. Читать дальше...

Ысык-Көл облустук милициясынын басма сөз катчысы Сталбек Усубакуновдун "Азаттыкка" билдиргени боюнча, Түп районунун Корумду айылынын 24 жаштагы тургуну 49 жаштагы атасын сабаган. Атасы алган жаракатынан улам оор абалда 21-май күнү Түп райондук ооруканасынын жандандыруу бөлүмүнө жаткырылган. Ал өзүнө келе албай 23-май күнү көз жумган.  Бул иш боюнча Кылмыш-жаза кодексинин 104-беренеси ("Саламаттыкка атайылап оор залал келтирүү") боюнча кылмыш иши козголуп, кылмышка шектүү баласы убактылуу кармоочу жайга киргизилди. Читать дальше...

Кыргызстанда саламаттык сактоо жана калкты социалдык жактан тейлөө багытында иштеген кызматкерлердин айлыгы эң төмөн. Улуттук статистика комитетинин Эмгек жана иш менен камсыз кылуу статистикасы бөлүмүнүн башчысы Гүлнара Жайлообаева "Азаттыкка" билдиргендей, алардын орточо маянасы 9 867 сомго барабар. Билим берүү тармагында иштегендердики 10 802 сом. Бул 2018-жылдын январь-март айларына карата чыгарылган статистика. Мындай көрсөткүч "республикалык деңгээлден аз айлык" деп аталат.  Маянасы жогору деп эсептелгендер банктарда... Читать дальше...

Алматынын соту Кыргызстандын жарандары: Жогорку Кеңештин мурдагы депутаты Дамирбек Асылбек уулунун, Уланбек Мурадиловдун жана Эмилбек Көчөрбаевдин камак мөөнөтүн 15-июлга чейин узартты. Бул тууралуу Казакстандын маалымат агенттиктери Алматы шаарынын сотуна шилтеме кылып кабарлашты. Алар быйыл 15-16-февралда Казакстандын күч түзүмдөрү Алматы шаарында, Түштүк-Казакстан, Жамбыл облустарында өткөргөн атайын операция учурунда кармалган 35 кишинин арасында болгон. Казак бийлиги кармалгандардан "чек... Читать дальше...

“Колдон колго” реабилитация борборунда аутист балдар жана алардын ата-энелери үчүн “Эс алуу” долбоору 2017-жылдын декабрынан бери иштеп келатат. Бул долбоорду ыктыярчылар ишке ашырып, аутист балдарды бир нече саатка карап туруу милдетин алышкан. “Эс алуу” программасына буга чейин 40 бала тартылды. Аларды ата-энелери бир нече саатка калтырып, өз иштери менен алек болушту. Реабилитациялык борбордун өкүлү Чолпон Узакбаева аутист балдарды бала бакчалар, мектептер албагандыктан, аптасына 2-4 сааттык... Читать дальше...

Жогорку Кеңештин депутаты Курманкул Зулушев "Азаттыктын" "Ыңгайсыз суроолор" берүүсүндө сүйлөп жатып ушундай пикирин билдирди: - Чындыгында Салянова азыр жок жерден соттолуп жатат. Мен кылмыш иши менен тааныштыгым жок, бирок маалымат каражаттарында жазылганына ишенсек, Салянованын күнөөсү жок. Себеби ал милдеттүү түрдө адвокаттык лицензияны узартып берүүгө тийиш эле. Эгер узартпай койсо - анда аны "кызмат абалынан аша чапты" деп кылмыш жоопкерчилигине тартса болот эле. Бул жерде соттордун өзүнүн чечими деп түшүндүм. Читать дальше...

Кошмо Штаттардын Юстиция министрлигинин 23-майда билдиргенине караганда, ал Орусиянын аскердик чалгын кызматына байланышы бар хакерлик топ көзөмөлдөгөн интернет-доменди кармай алды. Маалыматта "ал топ ири кибер чабуул даярдап жаткан, балким чабуул Украинага каршы багытталмак" деп айтылат. Мындан бир  күн мурун Украинанын Коопсуздук кызматы да Орусия “ири масштабдагы” кибер чабуул коюшу ыктымал экенин, бул Чемпиондор лигасынын Киевдеги финалдык оюну сыяктуу ири окуяларга туш келиши мүмкүн болоорун эскерткен. Читать дальше...

Оюндун уюштурулушуна, арбитрдин аракетине жана оюнчунун жоругуна карап комиссия тийиштүү чечимдерин чыгарды.

Кочкор районунун Ак-Кыя айылындагы орто мектептин имараты оор абалда турат. 2006-жылы жер титирөөдө дубалдарынан жарака кеткен имаратта дагы эле окуучулар билим алууда. Ушул тапта мектептин бир жак дубалы ажырап, сыртты көздөй ооп, шып балдардын үстүнө түшүп кетчүдөй болуп турат.

“Кыргызалтын” ААКнын биргелешкен ишканасы болгон “Алтынкен” кен иштетүүчү ишканасынын аймагында стратегиялык объектилерди коргоо жана кымбат баалуу металлдардын сакталышын камсыздоо үчүн террорчулукка каршы туруу боюнча пландалган окутуу-машыгуу иш-чаралары өткөрүлдү. Иш-чара “Кыргызалтын” ААКнын Коопсуздук башкармачылыгынын демилгеси менен уюштурулду. Айтылган имиштерге ылайык, “Алтынкен” ЖЧКнын аймагына өткөрмө пункту аркылуу жардыруучу түзүлүш жашыруун өткөрүлүп, административдик имаратка жардыруучу... Читать дальше...

Жогорку Кеңештин депутаты Канатбек Исаевдин Токмок шаарынын мэри болуп тургандагы иши боюнча отурум 24-майда Бишкек шаардык сотунда уланды. Исаевдин жубайы Жамиля Исаеванын "Азаттыкка" билдиргени боюнча, бүгүнкү соттук жараянда тараптар жарыш сөзгө чыгышты. Айыпталуучу Канатбек Исаев өзүнө тагылып жаткан айыпты четке кагып, базар курулган жер мэриянын менчигинде экенин, ал жерге муниципалдык базар курулмак болгонун айткан. Анын сөзүнө караганда бул базардан мэрия пайда гана көрмөк. "Анткени базар салыш үчүн инвесторго жер берип... Читать дальше...

Орустун ОРТсын көп көрбөйм. Бирок бүгүн Владимир Познер менен АКШнын мурдагы коргоо министри Уильям Перринин маегин толук көрдүм.

Жогорку Кеңештин депутаты Болотбек Ибраимжанов Мамлекеттик каттоо кызматынан өлкөдө канча автоунаага газ жабдыгы орнотулганын сурады. Мамлекеттик каттоо кызматынын жетекчисинин орун басары Айнура Туйбаева жалпы өлкө боюнча 1 млн. 200 миңдей автоунаа каттодон өткөнүн, бирок газ жабдыгы орнотулган машинелердин санын тактап, анан айтаарын билдирди. Эл өкүлү Ибраимжанов акыркы жылдары машинесине газ жабдыктарын орноткондор көп экенин белгилеп, муну жайылтууну сунуш кылды.  - Беш-алты жылдан бери улантылып жатат. Читать дальше...

Социалдык тармактарда жарыяланган кайрылууда жарандык активисттер 23-майда парламент Жогорку соттун судьялыгына өткөрбөй койгон талапкерлердин бири Ирина Воронцованы мөөнөтүнөн мурда кызматын тапшырып берүүгө чакырышты. Кайрылуу ээлери "Воронцова бийликтин камчысын чаап, буйругун аткарган сот катары өзүн көрсөттү, мындан ары сотто иштөөгө моралдык укугу жок" деп белгилешкен. Ирина Воронцованын Жогорку соттун судьялыгына талапкерлигин президент колдогон. Бирок 23-майда Жогорку Кеңештеги 91 депутат анын талапкерлигине каршы добуш берген. Читать дальше...

Илимдер академиясынын Автоматика жана маалымат технологиялары институтунун жамааты имаратты "Жогорку технологиялар паркынын" дирекциясына өткөрүп берүү тууралуу Сапар Исаков премьер-министр кезинде чыккан өкмөттүн токтомун жокко чыгаруу маселесин көтөрүп жатат. Ал эми “Жогорку технологиялар паркы” дирекциясынын өкүлдөрү институттун негизинде IT тармагын бириктирген эко система түзүүнү көздөп жатканын айтышууда.

Жалал-Абад шаарында “Жеңиш” эс алуу багында жаштардын аллеясы ачылды. Жаштар иштери боюнча комитеттин башкы адиси Ороз Абдылдаевдин “Азаттыкка” билдиргени боюнча, аллеяга орнотулган жамгырдан тосмолонгон отургучтарды жана жарыктандыруучу устундарды кесиптик лицейдин окуучулары жасашкан. Былтыр шаардагы жогорку окуу жайларынын студенттеринин арасында “10 тыйын” акциясы уюштурулуп, азыраак каражат чогулган. Шаардык мэриянын жана жеке ишкерлердин колдоосу менен студенттер өздөрү бакты куруп бүтүрүштү. Читать дальше...

Бул тууралуу Мамлекеттик каттоо кызматынын жетекчисинин орун басары Айнура Туйбаева парламентте автоунааларды каттоонун мөөнөтү, баасы боюнча мыйзам долбоору талкууланып жаткан учурда билдирди: - Азыр Экономика министрлиги менен кошо жумушчу топ түзүп, ошону иштеп чыгып атабыз, "автоунаалар техникалык кароодон өтсүн" деп. Машиненин жылына жараша үч жылда бир жолу кылабыз. Буга чейин айрым депутаттар абанын булганышын токтотуш үчүн автоунааларга техникалык кароону тез арада киргизүүнү сунуш кылган. Читать дальше...

Ички иштер министрлиги бүтүрүүчүлөрдүн ата-энелерине кайрылып, "Акыркы коңгуроо" майрамдалып жаткан учурда балдарынын жүргөн жерин, чөйрөсүн көзөмөлгө алууну өтүндү. Милиция ата-энелерди балдарынын спирт ичимдиктерин ичип, баңгизат жана башка баш айландыруучу заттарды колдонуусунун алдын алууга, ошондой эле ар кандай кырсыктан тышкары болушу үчүн машинелерин бербөөгө чакырууда.  ИИМ бул күнү өлкөнүн бардык жеринде коомдук коопсуздукту жана тартипти сактоо максатында күчөтүлгөн режимде иш жүргүзөрүн да маалымдаган. Читать дальше...

Парламент Өзбекстанга өтүүчү “Достук”, Казакстанга өтүүчү “Ак-Жол” өткөрмө бекеттериндеги абалды тез арада чечүүнү өкмөттөн талап кылды. Депутаттардын айтымында, “Достук” чек ара өткөрмө бекетинде тыгын болуп, жарандар тебелендиде калып жатат. Ал эми “Ак-Жолдо” менчик машине менен өтүүдө ар кандай кыйынчылыктар жаралууда. - Кордойдогу “Ак-Жол” өткөрмө бекетинде казак тараптан 5-6 машинени өткөрүп жатса, биз тараптан эки эле машине өткөрүп жатат дейт. Анан атайын тыгын жаратып, кезекте тургандардан... Читать дальше...

“Балама”, “Койчунун ыры”, “Күн чыгышым”, “Ак куулар сени сагынаар” өңдүү обондуу ырлар аркылуу кыргыз үнүн алыска тааныткан, Кыргыз Республикасынын Эмгек сиңирген артисти Гүлмайрам Момушева быйыл жетимишке чыгат. Ал бүгүн карылыгын үй-жайсыз, жупуну жашоодо өткөрүп жатат. Кыргыз филармониясындагы К. Орозов атындагы эл аспаптар оркестринин 60-80 жылдардагы солисти, советтик таланттуу ырчы “Азаттыкка” келип, “сыябан-маек” курду.

Өкмөттүк аппараттын маалыматы боюнча, өкмөт башчы Мухаммедкалый Абылгазиев 24-майда Чүй облусун кыдырат. Сапар учурунда ал учурда оңдолуп жаткан Бишкек - Кара-Балта жолунун курулуш сапаты менен таанышат. Мындан тышкары бир катар социалдык мекемелердин курулуштары, аймактагы көлмөлөрдүн, дыйканчылык жана балык чарбаларынын ишинен кабар алат. Бишкек - Кара-Балта жолу Бишкек-Ош жана Бишкек - Ташкент стратегиялык жолдорунун бир бөлүгүнө кирет. (ZKo)

Өзгөчө кырдаалдар министрлиги өкмөткө тик учак сатып алуу боюнча комиссия түзүүнү сунуш кылды. Бул тууралуу 24-майда Өзгөчө кырдаалдар министрлигинин статс-катчысы Азамат Мамбетов журналисттерге билдирди. Анын айтуусунда, ар кандай чукул кырдаалдарда колдонуш үчүн министрликке тик учак зарыл: - Бизге оор шарттарда жана бийиктикте уча ала турган тик учактар керек. Биз беш типтеги тик учакты карап чыктык, арасында техникалык жактан карап, оңдоп-түзөп туруучу борборлор бизге жакын өлкөлөрдө жайгашкандары да бар. Читать дальше...

"Кыргызстанда Мамлекеттик бажы кызматынын төрагасы жана биринчи орун басары алмашканы тармакта реформа жүргүзүүгө шарт түзөбү?" деген суроолор пайда болду.

"Фейсбук" баракчасындагы төгүндөөнү 23-майда бардык пайдалануучулар көрө ала тургандай макамда жарыялоого аргасыз болгонун жарандык активист Мавлян Аскарбеков "Азаттыкка" билдирди: - Мен буга чейин "Дастан Бекешев Кыргызстандагы дүлөйлөр жана азиздер коомдук бирикмесиндеги мыйзамсыз иштерге аралашкан" деген мазмунда пикир жазгам. Депутат мени сотко берип, 20 миң сом моралдык компенсация жана "Фейсбукка" чыккан билдирүүмдү өчүрүп, төгүндөөнү талап кылган. Бирок моралдык кенемтенин минималдуу көлөмү мыйзамда аныкталган эмес экен... Читать дальше...