Новости за 03.10.2018

3-октябрда Конституциялык палата экс-президенттердин кол тийбестигин конституциялык эмес деп таануу боюнча юрист жана укук коргоочу Нурбек Токтакуновдун өтүнүчүн карайт. “Прецедент” өнөктөштүк тобунун жетекчиси Токтакунов “Президенттин ишмердигинин кепилдиктери жөнүндө” мыйзамындагы “экс-президент мамлекетти жетектеп турган учурдагы аракеттери же аракетсиздиги үчүн ага кылмыш иши козголуп, суракка чакыртылып, тинтүүгө алынып, кармалып жана камакка алынышы мүмкүн эмес” деген ченемдин Баш мыйзамга... Читать дальше...

Тажикстанда кайрадан электр энергиясына болгон тариф жогорулап, бир киловаттын баасы дээрлик 20 дирамга жетет. Өкмөттүн тиешелүү токтомуна 25-сентябрда кол коюлду. Документке ылайык, 1-ноябрдан тарта электр энергиясы үчүн жаңы тариф киргизилип, 1 киловаттын баасы 19,37 дирамга чейин жогорулайт. Учурда калк жарыктын бир киловаты үчүн 16,85 дирамдан төлөйт. Тажикстанда электр энергиясынын баасы Дүйнөлүк банктын сунушу менен жылына эки жолудан 20 пайызга жогорулап турат. Электр энергиясына болгон... Читать дальше...

Беларус мурдагы премьер-министр, азыр издөөдө жүргөн Данияр Үсөнов тууралуу Кыргызстандын Башкы прокуратурасына жооп бере элек. Башкы көзөмөл органдын маалымат катчысы Наргиза Куватованын “Азаттык” радиосуна билдиришинче, беларус медиасы 27-июлда Кыргызстандын мурдагы премьер-министри, издөөдө жүргөн Данияр Үсөновго коёндой окшош кишинин сүрөттөрүн жарыялаган. Сүрөттөр “Беларус улуттук биотехнология корпорациясы” (БНБК) жабык акционердик коомуна өндүрүш жайларынын курулушун расмий баштоо аземинде тартылган. Читать дальше...

Бишкек шаарынын мэри Азиз Суракматов азырынча кыргыз тилин билгени боюнча “Кыргызтесттен” сынак тапшырбайт. Бул тууралуу “Азаттыкка” мэриянын аппарат башчысы Балбак Түлөбаев билдирди. Ал учурда калаада чечиле турган маселелер көп болгонуна байланыштуу мэрдин тест тапшырууга убактысы жок болуп жатканын кошумчалады.  - Мэр кыргыз тилин билүү сынагынан өткөн. Шаардык кеңеш бекитип, премьер-министр кол койгон. Баары мыйзамдуу. БШК “"Кыргызтесттен” өтсөңөр да болот, өзүңөр билесиңер" деп сунуш кылган. Читать дальше...

III Дүйнөлүк Көчмөндөр оюндарын уюштуруу, конокторду тосуу жана башка иштерде кол кабыш кылган ыктыярчылар тууралуу даректүү тасма тартылат. Бул тууралуу Дүйнөлүк көчмөндөр оюндарын уюштуруу жана өткөрүү катчылыгынын өкүлү, ыктыярчылар менен иштеген координатор Союзбек Надырбеков “Азаттык” радиосуна билдирди. - Көрүнбөгөн фронттун баатырларынын эмгегин баалоо жана калың журтка көрсөтүү максатында “Көчмөндөрдүн балдары” аттуу даректүү тасма тартылууда. Тасманы катчылыктын сунушу менен “Марк Твейн” компаниясы тартып жатат. Читать дальше...

С-300 зениттик-ракеталык комплекстери Сирияга жеткирилди. Бул тууралуу Орусиянын коргоо министри Сергей Шойгу Коопсуздук кеңешинде сүйлөп жатып билдиргенин ТАСС агенттиги жазды. Маалыматка караганда, төрт комплекс менен бирге негизги аныктоо системалары, локаторлор жана башкаруу автоунаалары жеткирилди. Өткөн аптада Орусиянын Коргоо министрлиги Сириянын аба күчтөрү орустардын аскердик чалгын учагын Жер Ортолук деңизинин үстүнөн жаңылыш атып түшүргөнү үчүн Израилдин аскерлерин айыптаган. Мындан... Читать дальше...

Бүгүн Жогорку Кеңеште билим берүү, саламаттык сактоо, социалдык коргоо жана спорт бөлүгүндө балдардын укуктарын ишке ашыруу жөнүндө өкмөттүк саат өтөт. Бул тууралуу парламенттин басма сөз кызматы билдирди.  Улуттук статистикалык комитеттин маалыматына караганда, Кыргызстанда 18 жашка чейинки 2 миллион 312 бала жашайт. Алардын 51 пайызы эркек бала. Ал эми 7 жашка чейинки балдардын саны 1 миллион 75 миң. 7-14 жаштагылары 946 миң, ал эми 15-17 жаш аралыгындагы 291 миң бала бар. Балдардын 69 пайызы айыл жеринде жашайт. Читать дальше...

Бишкекте Европадагы коопсуздук жана кызматташтык уюмунун Парламенттик ассамблеясынын (ЕККУ ПА) күзгү жыйыны башталат. Анда Борбор Азия жана анын тышындагы аймактардын коопсуздугу талкууланат. Жыйынга Европа, Азия жана Түндүк Американын 57 мамлекетинен 300дөн ашуун парламент өкүлдөрү катышат. 3-октябрда “Ала-Арча” резиденциясында өтө турган ЕККУ ПАнын ачылыш аземине президент Сооронбай Жээнбеков, Жогорку Кеңештин төрагасы Дастанбек Жумабеков, Парламенттик ассамблеянын төрагасы Георгий Церетели катышат. Читать дальше...

Армениянын премьер-министри Никол Пашиняндын тарапкерлери парламенттин имаратынын алдына чогулуп, мөөнөтүнөн мурда шайлоо өткөрүүнү талап кылып жатышат. Пашинян митингде сөз сүйлөп, Улуттук жыйынга барып, парламенттик фракциялар менен сүйлөшө турганын билдирди. Ал кризистен чыгуу үчүн премьер-министрликтен кетерин, ал эми Улуттук жыйын эки жолу өкмөт башчыны шайлай албай калса, Конституция боюнча тарай турганын айтты. Андай болгон учурда мөөнөтүнөн мурда парламенттик шайлоо өтүшү керек. Бул тууралуу "Азатутюн" радиосу кабарлады. Читать дальше...