Новости за 08.10.2018

Европа Биримдиги орус бийлигин түрмөдө отурган украин режиссеру Олег Сенцовду бошотуп, ал ачкачылыкты токтоткондон кийин зарыл медициналык жардамды көрсөтүүгө үндөдү. Режиссер абакта 145 күн ачкачылык кармады. Евробиримдиктин тышкы иштер мекемеси өз билдирүүдө аннексияланган Крымдын аймагында мыйзамсыз кармалган украин жарандарын бошотууга чакырган.  Билдирүүдө украин режиссеру абактагы нааразылык акциясында «кайраттуулугун жана өз өмүрүн өлүмгө сайып койгон каармандыгын» көрсөтө алганы айтылат. Читать дальше...

Румынияда бир жыныстагылардын никесин мыйзамдаштырууга каршы референдум эл келбей койгонуна байланыштуу өтпөй калды. Алдын-ала эсептөөгө караганда, 7-октябрда өткөн добуш берүүгө шайлоого катышууга укуктуу жарандардын 20% азы гана катышкан. Өлкөнүн Баш мыйзамында нике “эки адамдын ортосундагы өнөктөштүк” деп гана белгиленген. “Үй-бүлө үчүн коалиция” баштаган бир катар топтор муну “эркек менен аялдын ортосундагы өнөктөштүк” деп өзгөртүүнү талап кылып, үч миллион адамдын колун топтоп, маселени референдумга алып чыгышкан. Читать дальше...

Адамга бычак сайды деп кылмыш иши козголгон Токмок шаардык кеңешинин депутаты Тынай Жансеитовго эл аралык издөө жарыяланды. Бул тууралуу Чүй облустук милициясынан кабарлашты. Маалыматка ылайык, кылмышка шектүү жергиликтүү депутатка карата Кылмыш кодексинин “Адам өмүрүнө кол салуу” беренеси боюнча иш козголгон. Учурда анын кайда экени белгисиз. 26-августта Токмок шаарынын мал базарынан Ж.Т. аттуу жаран бычакталып, ооруканага түшкөн. Бул факт боюнча Кылмыш-жаза кодексинин "Адам өмүрүнө кол салуу" беренеси менен кылмыш иши козголгон. Читать дальше...

Бразилиядагы президенттик шайлоонун биринчи айлампасында ашынган оңчул көз караштагы Жаир Болсонару алдыга чыкты. Ал добуштардын 46,3% алды. Анын негизги атаандашы, солчул Эмгекчилдер партиясынын талапкери Фернанду Аддад 29% добуш топтоду. Талапкерлердин бири да 50% ашуун добуш жыйнай албаганына байланыштуу 28-октябрда шайлоонун экинчи айлампасы өтөт. Анда президенттик кызмат үчүн аталган эки негизги талапкерлер ат салышат. Аддад өлкөдө "демократия коркунучта" экенин белгилеп, бразилиялыктарды солчулдарга жан тартууга үгүттөп жатат. Читать дальше...

Жабырлануучу Лас-Вегастын полициясына кайрылганы жатат.

Президенттик аппараттын соттук реформа жана мыйзамдуулук бөлүмүнүн мурдагы башчысы Манасбек Арабаевге карата кылмыш иши козголгону боюнча маалымат чындыкка дал келбейт. Бул тууралуу Улуттук коопсуздук боюнча мамлекеттик комитеттин (УКМК) расмий өкүлү Рахат Сулайманов “Азаттыкка” кабарлады. Анын айтымында, социалдык тармактарда тараган 200 миң долларга пара алуу боюнча документ көчүрмөсүнүн Арабаевге тиешеси жок. - Бул Башкы прокуратуранын бөлүм башчысы Улан Чалбаев өтө көп өлчөмдө пара алып жатканда... Читать дальше...

"Азаттыктын" журналисти, маркум Уланбек Эгизбаев "Улут абийири" наамына ылайык деп табылды.

Маданият, маалымат жана туризм министри Султан Жумагулов менен коштошуу зыйнаты 10-октябрда саат 10.00дө Токтоболот Абдумомунов атындагы Кыргыз улуттук драма театрында өтөт. Учурда өкмөттө Жумагуловду акыркы сапарга узатуу боюнча комиссия түзүлдү. Комиссияны биринчи вице-премьер-министр Кубатбек Боронов жетектөөдө. Белгилүү журналист, акыркы кезде маданият министри болуп иштеп келген Султан Жумагулов өткөн түнү көз жумган. 59 жаштагы Жумагулов акыркы убакта онкологиялык дарттан жабыркап жүргөн. Читать дальше...

АКШнын Ооганстан боюнча атайын чабарманы Залмай Халилзад Кабулга келип, “Талибан” кыймылы менен тил табышып, тынчтыкка жетишүүнүн жолун талкуулайт.     67 жаштагы Халилзад - теги оогандык америкалык элчи, Кабулда жана Иракта АКШнын элчиси болгон. Сентябрда Мамлекеттик  департаменттин «Талибан» менен тынчтык сүйлөшүүлөрүн жүргүзүү жана элдештирүү тобун жетектөөгө дайындалган.  Ооган президентинин басма сөз катчысы Халилзад Кабулга келээри менен Ашраф Ганиге кезиккенин билдирди. Бүгүн ал ооган... Читать дальше...

Падышалык бийликти сындап жүргөн, мекенинен бозгон журналист Жамал Хашоггинин дайны чыкпай жатат. Ал өткөн шейшембиде Сауд Арабиясынын Түркиядагы консулдугуна кирген, бирок кайра чыккан эмес. "Журналистти өлтүрүп коюшту" деген пикир басымдуулук кылууда.

Кыргызстанда биринчи ирет марафондук 42,2 чакырым аралыкка чуркоо боюнча мелдеш болду.

"Ош шаардык прокуратурасынын мурдагы кызматкери Канжар Кадыралиевден жабыркадым" деген Ош шаарынын тургуну Мирлан Жолдошевдин үй-бүлөсү президенттик администрациянын алдына пикетке чыкты. Алар Кадыралиевдин үстүнөн жүрүп жаткан соттун создугуп жатканына нааразы. Жолдошевдин айтымында, сот төрт жылдан бери созулуп, ишке чекит коюлбай келе жатат.  - Азыр биринчи инстанция да ишти карап бүтө элек. Октябрь райондук сотунда турат. Өкүм чыга турган мезгилде сотту жылдырып жатышат. Бир туруп "Ошко которобуз" дейт... Читать дальше...

Кыргызстандын Улуттук банкы “Росинбанктын” буга чейин күрөөгө коюлган акцияларын кайра каттоодон өткөрдү. Анын жыйынтыгында бул банктын 71,66 пайыз акциясы Улуттук банктын карамагына өттү. Улуттук банктын тараткан маалыматы боюнча, “Росинбанк” 2018-жылдын башынан бери ликвиддүүлүк менен байланышкан көйгөйлөргө туш болгон.  Мындан сырткары Улуттук банк активдердин сакталышын камсыз кылуу жана операцияларды көзөмөлдөө үчүн быйыл июнь айында тике көзөмөл киргизген. Бирок банктын жетекчилиги финансылык... Читать дальше...

Социалдык өнүгүү министри Таалайкүл Исакунова 2017-жылы премьер-министрден уруксат албай, дипломатиялык паспортту колдонуу менен АКШга барганы аныкталды. Бул тууралуу Башкы прокуратура өз текшерүүсүнүн жыйынтыгына таянып билдирүү таратты. Маалыматка ылайык, Исакунова былтыр 6-9-ноябрда эмгек өргүүсүндө болуп, алгач АКШга, андан соң Аргентинага сапар менен барган. Мындан сырткары өкмөттүн каршылыгына карабай Таалайкүл Исакунова былтыр Санкт-Петербургдагы жыйынга катышып келген. Ошондой эле Башкы... Читать дальше...

Жалал-Абад шаарында жеке ишкерден 200 миң сом пара талап кылган салык кызматкери кармалды. Бул тууралуу Экономикалык кылмыштарга каршы күрөш кызматынан кабарлашты. Маалыматка ылайык, Жалал-Абадда иштеген ишкер салыкчы андан 200 миң сом талап кылып жатканын айтып кайрылган. Бул арыз боюнча Кылмыш кодексинин 313-беренеси ("Пара талап кылуу") боюнча иш козголуп, ыкчам аракеттер көрүлгөн. Анын алкагында салык кызматкери ишкерден 80 миң сом алып жаткан маалда колго түшүрүлдү. 5-октябрда соттун чечими... Читать дальше...

Атасы Абдулманап Нурмагомедов баласынын жүрүм-туруму спортчу үчүн жат көрүнүш деп эсептейт.

Баткен облусунун аймагындагы кыргыз-өзбек чек арасында жаңы тозот ишке берилди. Бул тууралуу Чек ара кызматынан кабарлашты. Маалыматка ылайык, “Газпром” деп аталган тозотто чек арачылар үчүн казарма баш болгон бардык шарттар түзүлгөн. Аталган тозот Кыргызстандын Евразия экономикалык биримдигинин шарттарына ыңгайлашуу максатында Орусия берген каражаттын эсебинен жаңыланды. Кыргызстан менен Өзбекстандын чек арасы 2005-жылы март жана Анжиян окуяларынан кийин жабылып, ары-бери өткөндөр бир топ кыйналган. Читать дальше...

Баткендин Бүргөндү өрөөнүндө совет мезгилинен калган авиабомбаларды издеп, зыянсыздандыруу иштери аяктады. Үч ай бою адистер айдоо аянттарынан, арыктардан, турак жайлар жайгашкан аянттардан табылган жардыргыч заттарды зыянсыздандырып чыгышты.

Жогорку Кеңештин депутаты Акылбек Жаманкулов мамлекеттик бюджеттен каржылана турган маараке, иш-чараларга беш жыл мораторий киргизүү демилгесин көтөрдү.

"Сөз дайра" берүүсүндө нуска деген сөздүн маанисин чечмелейбиз.

Келерки мелдеш япониялык атаандаштар менен 20-ноябрь күнү болмокчу.

6-октябрь күнү кечинде Болгариянын Русе шаарында аймактык TVN каналынын административдик директору жана алып баруучусу, иликтөөчү журналист Виктория Маринова мыкаачылык менен өлтүрүлдү. Ал 30 жашта болчу. Кыздын денеси паркта табылган. Журналист зордукталып, андан соң тумчуктурулуп өлтүрүлгөнү кабарланууда. Полиция Маринованын өлүмүн кесиптик ишмердүүлүгү менен байланыштырган жок. "Politico" басылмасы билдиргендей, ал Евробиримдик инфраструктураны жакшыртуу үчүн берген акчанын коромжуга учурашы боюнча иликтөө жүргүзүп жаткан. Читать дальше...

Жекшембиде Бразилияда президентти, парламентти жана губернаторлорду жалпы шайлоо өттү. Мамлекет башчылыкка ат салышып жаткан 13 талапкердин арасында өлкөдөгү саясий абалга радикалдуу өзгөртүүлөрдү сунуш кылган Жаир Болсонару да бар. 63 жаштагы Болсонару - мурдагы аскер кызматкери жана оңчул консервативдүү конгрессмен. Аны элдин көбү колдоору алдын-ала божомолдонгон. Аскерлерге ыктаган Болсонарунун кумсаларды педофилдерге теңеп, аял-конгрессмендердин дарегине бейчеки сөздөрдү айткан жайы бар. ... Читать дальше...

Маданият, маалымат жана туризм министри Султан Жумагулов 8-октябрга караган түнү дүйнө салды. Бул тууралуу министрликтен кабарлашты. Анын буга чейин ооруп жүргөнү кабарланган. Султан Жумагулов 1959-жылы Нарын облусунун Ат-Башы районунда туулган. Жогорку билимдүү. Кыргыз мамлекеттик университетин журналист адистигин бүтүргөн. Эмгек жолун республикалык басылмаларда баштап, кийин "Би-Би-Си", "Азаттык", ЭлТР, КТРКда жетекчилик кызматтарда эмгектенген. Акыркы кезде президенттик аппаратта кеңешчи болуп иштеп турган. Читать дальше...

Улуттук статистикалык комитеттин маалыматына ылайык, 2017-жылы чет элдиктер инвестиция салган 3107 компания катталган. Алардын эки миңден ашыгы (83%) Бишкек шаарында жайгашкан. Чүй облусунда 286 чет өлкөлүк ишкана болсо, Ош шаарында 71 компания иштеп жатат. Баткен облусунда 12 чет өлкөлүк компания каттоодон өткөн. (TSh)