Новости за 26.10.2018

Бишкек Жылуулук электр борборундагы (ЖЭБ) авария боюнча козголгон кылмыш иштерин кароо Биринчи май райондук сотунда бүгүн, 26-октябрда уланып жатат.  "Азаттыктын" кабарчысы билдиргендей, жараянга "Улуттук энергохолдингдин" мурдагы башчысы Айбек Калиев, “Электр станциялары” ишканасынын экс-директору Узак Кыдырбаев, ЖЭБди модернизациялоо долбоорунун аткаруучу директору Темирлан Бримкулов, "Электр станциялары" ачык акционердик коомунун жетекчисинин мурдагы орун басары Бердибек Боркоев жеткирилди.... Читать дальше...

Орусиянын түштүк-батышындагы Краснодар крайында катуу нөшөрдөн улам жергиликтүү дарыялар нугунан ашып, аймакты суу каптады. Кеминде алты киши каза таап, жүздөгөн адамдар жабыркаганын Өзгөчө кырдаалдар министрлигинин облустук башкармалыгы кабарлады. Мекеменин жетекчиси Сергей Капустиндин айтымында, курман болгондордун сөөктөрү Туапсинск жана Апшеронск райондорунда табылган. Туапсе жана Сочи шаарларында жана алардын жака-белиндеги отуздай айыл-кыштактарда миңдеген турак жай керектен чыкты. Поезд жана автобус каттамдары токтотулуп... Читать дальше...

Орусиянын “Роснефть” мамлекеттик компаниясынын башчысы "Иран менен Венесуэлага каршы АКШ киргизген санкциялар мунайдын кымбаттатып, кара май рыногунда тең салмакты бузат" деп эскертти.  Игорь Сечин 25-октябрда Веронадагы экономикалык форумда чыгып сүйлөгөндө "мунай кымбаттап, мунай өндүрүү глобалдык алкакта азаят" деген божомолун ортого салды. АКШнын расмий адамдары Ирандын мунай секторун бутага алган санкциялар анын кара май экспортун “нөлгө” жеткирүүнү көздөп жатканын билдиришкен. Вашингтон... Читать дальше...

Кыргызстан социал-демократтар партиясы саясий биримдиктин айланасында болуп жаткан акыркы окуялар боюнча комментарий берди.

Улуу жана дүйнөгө кыргызды тааныткан жазуучунун апасы Нагима Хамзеевна Абдувалиеванын (Айтматованын) түпкү теги татарлардын Ишман шаджарасы (санжыра) боюнча Казан ханы Утямыш Гирейге (1546-1566-ж.ж) барып такалат экен.

Кыргыз гидрометеорология агенттигинин маалыматына караганда, 27-октябрда Кыргызстанда жаан-чачын күтүлбөйт. Тоолуу жолдор тайгак болот. Түндүк-батыштан соккон шамалдын ылдамдыгы секундасына 4-9 метрге жетет. Абанын температурасы:   Чүй өрөөнүндө түнкүсүн 5…10,  күндүз 23…28; Суусамырда түнкүсүн -4…-9, күндүз 11…16; Таласта түнкүсүн 3…8, күндүз 22…27; Баткенде түнкүсүн 5…10, күндүз 23…28; Ош жана Жалал-Абад облустарында түнкүсүн 5…10, күндүз 23…28; Нарын облусунда түнкүсүн -1…-6, күндүз 14…19; Ысык-Көлдө түнкүсүн 1…6... Читать дальше...

Советтик жана орусиялык белгилүү актер Николай Караченцов Москвадагы онкологиялык клиникада көз жумду. Маркум 73 жашта болчу. 2017-жылы актерго "өпкөнүн өсмөсү (рагы)" деген диагноз коюлган. Жакындары анын Израилде дарыланганы натыйжа бербегенин айтышат. Орусия Федерациясынын эл артисти 40 жылдай "Ленком" театрында эмгектенген. Калың көрүүчүлөргө кинодогу мыкты ролдору менен таанылган. 2005-жылы автокырсыкка учурап, оор жараат алгандан кийин актердук карьерасы менен кош айтышкан.

Бишкек Жылуулук электр борборунда (ЖЭБ) жаӊы химиялык цехтин курулушу 1-октябрда бүткөрүлүп, 18-октябрда ишке киргизилди. Бул тууралуу биринчи вице-премьер-министр Кубатбек Боронов 25-октябрда парламент жыйынында билдирди. “Электр станциялары” ишканасы буга чейин тараткан маалыматка караганда, жаңы цехтин кубаттуулугу саатына 144 куб метрге жетет. Химиялык цехтеги жаңы жабдуулар бардык экологиялык нормаларга туура келип, автоматтык режимде иштейт. Жаңы цехтин курулуш иштерин ЖЭБди модернизациялаган кытайлык ТВЕА компаниясы ишке ашырды. Читать дальше...

Жергиликтүү тургундар Шамбесай кенинин ачылышына бир нече себептен улам каршы чыгып жатканын билдиришүүдө.

Бейшебай Усубалиев - психологиялык прозанын чебери, адам сезиминин тээ тереңде катылган сырларын көркөм иликтөөгө кызыккан жазуучу. Анын бул багытта ийгиликтүү чыккан бир топ чыгармалары бар.

Бүгүн, 26-октябрда Талас шаардык кеңеши тогуз айдын жыйынтыгы тууралуу мэрдин баяндамасын угууну күн тартибине киргизген. Бирок сессия белгиленген мөөнөттөн бир саат кеч башталганына карабай, мэр Айдар Жузупбеков келген жок.  Шаардык кеңештин депутаты Аскар Шабданов муну "саботаж" деп атады. Мэрдин ишин ал жок эле баалоо тууралуу сунуш түшүп, Айдарбек Жузупбековдун иши "канааттандыраарлык эмес" деп табылды. 24-октябрда өкмөттүн Таластагы өкүлү Марат Мураталиев облустук коллегияда Жузупбековдун ишин сынга алган. Читать дальше...

БУУнун инспекторлору АКШнын аскердик кемеси августтун аягында Йемендин жээгинде колго түшүргөн курал-жарактын Ирандан же Сомалиден келатканын текшерип жатышат. Америкалык бийлик өкүлдөрү "Иран Йемендин өкмөтүнө каршы күрөшүп жаткан шиит хуситтерди курал менен тымызын камсыз кылып жатат" деп көптөн бери шектенишүүдө. Тегеран бул дооматты четке кагып келатат. БУУнун резолюциясы 4 жылдан бери уланып келаткан жарандык согуштагы тараптардын бири - хусит козголоңчуларын куралдандырууга тыюу салат. ... Читать дальше...

Медициналык коллеждин 20 жаштагы студенти Бурулай Турдаалы кызынын өлүмү боюнча иш 25-октябрда Бишкектин Свердлов райондук сотунда каралды. Күбө катары бүгүнкү жараянга Бурулайдын коңшулары жана анын жаназасын окуган молдо Ислам Мадиев келди. Бурулайдын жакындары молдо кыздын көкүрөгүндөгу тактарды көрсөтпөө үчүн сөөктү жуубай көмүүнү буйругандыгын айтышты.

Жогорку Кеңештеги КСДП фракциясынын депутаты Төрөбай Зулпукаров бул партияда өз ара тиреш бар экенин «Азаттыкка» билдирди: - Партия менен фракциянын ортосунда ажырым жок. Партиянын ичинде чындыгында тиреш бар. Өзүңүздөр билесиздер, КСДП -  чыныгы демократиялык партия.   Зулпукаров партиянын ичинде кимдер тирешип жатканын тактаган жок. Ал КСДП фракциясынын лидери Иса Өмүркулов «Атамбаевсиз КСДП» деген чакырык менен жыйын өткөрүп жаткандарды кабыл алганы тууралуу сөз бар экенин кошумчалады. Бирок... Читать дальше...

Жогорку Кеңештеги КСДП фракциясынын депутаты Төрөбай Зулпукаров бул партияда өз ара тиреш бар экенин «Азаттыкка» билдирди: - Партия менен фракциянын ортосунда ажырым жок. Партиянын ичинде чындыгында тиреш бар. Өзүңүздөр билесиздер, КСДП -  чыныгы демократиялык партия.   Зулпукаров партиянын ичинде кимдер тирешип жатканын тактаган жок. КСДП фракциясынын лидери Иса Өмүркулов «Атамбаевсиз КСДП» деген чакырык менен жыйын өткөрүп жаткандарды кабыл алганы тууралуу сөз бар экенин кошумчалады. Бирок... Читать дальше...

Саясий мүнөздө соттолгондордун айрым жактоочулары ишти жаңы ачылган жагдайлар менен кароого жогорку бийликтен мүмкүнчүлүк берилбей жатканын белгилешти.

Кыргызстанда "Атамбаевсиз КСДП" деген чакырык менен төрт облуста -Ысык-Көл, Нарын, Чүй жана Талас дубандарында жыйындар уюштурулду. Бул тууралуу жыйынды уюштуруучулардын бири Сагынбек Абдрахманов "Азаттыкка" билдирди. Анын айтымында, ушул аптада "Атамбаевсиз КСДП" деген жыйындын катышуучуларын парламенттеги КСДП фракциясынын лидери Иса Өмүркулов кабыл алып, колдогон.   - "КСДПга жалаң уурулар, коррупционерлер келип алышты" деген сындуу катуу сөздөр айтылды, - дейт Абдрахманов. - Анан «ошолордон тазаланыш керек... Читать дальше...

Ички иштер министрлигине караштуу мекемеде 1 миллион 221 миң сомдук каржылык мыйзам бузуу аныкталды. Бул тууралуу министрликтин басма сөз кызматы жума күнү кабарлады. Атайын багыттагы “Шумкар” полкуна бөлүнгөн кара май боюнча көрсөткүчтөрдү бурмалап жазуунун натыйжасында анын 28 миң литрден ашууну эсептен чыгарылганы айтылууда. Текшерүүнү министрликтин ички иликтөөлөр кызматы жүргүзгөн. Кызматтык унаалардын спидометрлеринин көрсөткүчтөрүн бухгалтердик документтер менен салыштырылганда жогорудагыдай айырма аныкталган. Читать дальше...

Башкы прокурор Өткүрбек Жамшитов Бишкектин Свердлов райондук сотунун мурдагы төрайымы Элвира Жаркеевага карата кылмыш ишин козгоду. Бул тууралуу бүгүн Башкы прокуратуранын басма сөз кызматы кабарлады. Ал "кызмат абалынан кыянаттык менен пайдаланган жана мыйзамсыз чечим чыгарган" деп айыпталууда. Мекеменин маалыматына караганда, 2016-жылдын 15-августунда ал ири өлчөмдөгү акчаны өндүрүп алуу тууралуу мыйзамсыз толтурулган арызды канааттандырып, Кытай жаранынын кызыкчылыгын коргогон чечим чыгарган. Читать дальше...

Ташкентте “Кыргыз киносунун күндөрү” фестивалы уланууда. Алишер Навои атындагы Кино үйүндө өтүп жаткан маданий иш-чара эки өлкөнүн ортосундагы достук жана кызматташтык мамилелерин бекемдөө максатын көздөйт. Бейшемби күнү Эрнест Абдыжапаровдун “Саякбай” жана Садык Шер-Нияздын «Курманжан Датка» тасмалары көрсөтүлдү. Бүгүн 26-октябрдын кечинде Төлөмүш Океевдин “Кызыл алма” жана Мирлан Абдыкалыковдун «Сүтак» фильми өзбек көрөрмандарынын назарына тартууланат. (RK)

Сауд Арабияда мамлекеттик айыптоочу оппозициячыл журналист Жамал Хашогги атайлап өлтүрүлгөнүн билдирди.

Кочкордо жол кырсыгынан жети киши жабыркады. Өзгөчө кырдаалдар министрлигинин маалыматына караганда, окуя бүгүн таңга маал Бишкек-Нарын-Торугарт автоунаа жолунун 180-чакырымында (Сары-Чат тилкеси) болгон. “Audi S4” үлгүсүндөгү машине жолдон чыгып, оодарылып кеткен. Түрдүү жараат алган жети адамга биринчи медициналык жардам көрсөтүлүп, "Тез жардам" кызматына өткөрүлүп берилди. (RK)

Кыргызстанда 2017-жылы 22 миңден ашуун адамга соттук-медициналык экспертиза дайындалып, 4363 маркумдун сөөгү иликтөөдөн өткөн. Бирок калк арасында соттук- медициналык иликтөөнүн жыйынтыгына нааразы болгондор четтен чыгат.

БУУ Мьянмадагы мусулмандардын геноциди уланып жатканын билдирди.

Бишкекте Токтогул Сатылганов атындагы Кыргыз улуттук филармониясында Чыңгыз Айтматовдун 90 жылдыгына карата коюлган “Сур эчкинин каргышы” спектаклинин бет ачары болот. Ал жазуучунун “Кылым карытар бир күн”, “Кыямат” чыгармаларынын негизинде даярдалды. Койгон режиссеру Кыргызстандын Эл артисти Жамал Сейдакматова: - Ыр формасында жазылган, легендадан алынган Найман эненин жана Кожожаштын эки-үч гана монологу бар. Ал да "Манас" сыяктуу ыр түрүндө айтылат. Калганы бүт пластика менен ойнолот. Башка улуттар түшүнгөнү бизге да ылайыктуу. Читать дальше...