Новости за 18.12.2018

Улуттук коопсуздук боюнча мамлекеттик комитет (УКМК) "Кыргызстанга кирген ар бир кытай жаранынан бийлик адамдары 15 миң доллар өлчөмүндө пара алат" деген аудио жазуу жасалма экенин билдирди. Мындай тыянак экспертизанын тийиштүү жыйынтыгы менен чыгарылды. Атайын кызматтын басма сөз катчысы Рахат Сулайманов аны тараткандарды аныктоо иштери жүрүп жатканын "Азаттыкка" билдирди. - Мындай аракеттер Кылмыш-жаза кодексинин 299-беренеси - улут аралык, диний, расалык жана аймактык кастыкты козутуу катары каралып... Читать дальше...

Түркия Сирияда президенттик шайлоо өткөрүлүп, анда сириялык качкындар да добуш берүү укугуна ээ болушу керек деп эсептейт. Түркиянын тышкы иштер министри Мевлүт Чавушоглу Катар мамлекетинин борбору Дохада 16-декабрда өткөн саясий маселелерди талдаган XVIII эл аралык форумда ушул өңүттө баяндама жасады. - Ар бир адам - Сирияда жашап жаткандар да, менин өлкөмө жана башка мамлекеттерге соңку жети жыл ичинде бозгун болуп кеткендер да добуш берүү мүмкүнчүлүгүнө ээ болушу зарыл. Бул өтө ишеничтүү, таза... Читать дальше...

Кыргызстандын мыкты спортчуларын аныктоо өнөктүгү башталды. Быйыл өлкөнүн мыкты спортчулары 17 категорияда тандалат. Анын ичинде улуттук спорттун түрлөрүнөн "Мыкты спортчу", "Мыкты машыктыруучу", "Саяпкер" жана "Мыкты ат" багытында тандоо жүрөт. Олимпиадалык жана олимпиадалык эмес спорттун түрлөрү боюнча мыктылар өзүнчө тандалат. Мындан тышкары быйыл мыкты ТВ долбоор, спорттук баяндамачы жана журналисттер боюнча жыл мыктылары аныкталат. Кыргызстандыктар талапкерлер тууралуу topsport.kg сайтынан маалымат алып, добуш бере алат. Читать дальше...

Кыргызстандын мамлекеттик гимни кабыл алынганына 26 жыл толду. Өлкөнүн башкы символдук ураан ыры 1992-жылдын 18-декабрында Жогорку Кеңештин токтому менен бекитилген.   Cөзү - Жалил Садыков менен Шабданбек Кулуевдики, музыкасы -Насыр Давлесов менен Калый Молдобасановго таандык. Алгачкы варианты үч куплет, бир кайырмадан турат. 2013-жылы улуттук символиканы өзгөртүү боюнча түзүлгөн депутаттык комиссия гимндин экинчи куплетиндеги “бейкуттук” жана “досторуна даяр дилин берүүгө” деген мааниси талаш... Читать дальше...

Оогандык талиптер Бириккен Араб Эмираттарында АКШнын расмийлери менен жолугушканын маалымдады. 17-декабрдагы сүйлөшүү "Талибан" менен тынчтык келишимине жетүү максатын көздөй олуттуу кадам катары сыпатталууда. "Рейтер", "Ассошиэйтед пресс" өңдүү басылмалардын кабарына ылайык, "Талибандын" расмий өкүлү Забихулла Мужахед жолугушууга АКШдан тышкары Сауд Арабия менен Пакистандын өкүлдөрү да катышканын айткан.  Бирок Вашингтон бул жолугушууну тастыктаган да, четке каккан да жок.  Мурдараак АКШнын... Читать дальше...

Кыргыз өкмөтү Кыргызстандын аймагында жүргөн Кытай Эл Республикасынын жарандары тууралуу жалпыга маалымдоо каражаттарында жана социалдык тармактарда таркаган маалыматтарга байланыштуу билдирүү таратты. Мамлекеттик чек ара кызматынын маалыматына ылайык, 2018-жылы Кыргызстанга 35 миң 215 (2017-жылы 41 миң 307) Кытай жараны кирди. Ошол эле мезгилде бул аралыкта 34 миң 436 (2017-жылы 40 миң 690) кытай жараны чыгып кеткен. Өкмөт аппараты Тышкы иштер министрлигине таянып билдиргендей, быйыл 21 миң 17 Кытай жараны Кыргызстандын визасын алган. Читать дальше...

Кыргызстанда 141 мамлекеттик кызматкердин декларациясы Башкы прокуратурага жөнөтүлдү. Мамлекеттик салык кызматынын маалыматы боюнча, алар кирешеси боюнча декларацияда мүлкүн жашырып, жалган маалыматтарды берген.

Чаткалдын Терек-Сай айылында “милиция кызматкерине кол көтөрдү” деп айыпталып камакка алынган 13 тургун 17-декабрда Жалал-Абад облустук сотунун чечими менен үй камагына чыгарылды. Бул тууралуу облустук соттон “Азаттыкка” билдиришти. Терек-Сайдын 15 жашоочусу “милиция кызматкерине кол көтөрдү” деген айып менен 2-декабрда камалган. Алар өткөн айда Терек-Сайдагы алтын кенин иштеткен аймакта милициянын “Шумкар” атайын багытындагы кызматкерлерине кол көтөрүп, денесине залал келтиргени кабарланган. ... Читать дальше...

Өкмөттүн жаңы мүчөсү белгиленген тартипте дайындалганга чейин Жеңишбек Ногойбаев транспорт жана жолдор министринин милдетин аткаруучу кызматына дайындалды. Бул тууралуу өкмөттүн аппаратынан кабарлашты. Тиешелүү буйрукка премьер-министр Мухаммедкалый Абылгазиев кол койду.  Ногойбаев буга чейин ушул эле мекемеде министрдин орун басары кызматын аркалачу. Мурдагы Транспорт жана жолдор министри Жамшитбек Калилов 15-декабрда кызматтан кеткен. Анын алдында, 14-декабрда Коопсуздук кеңешинин жыйынында... Читать дальше...

Кыргыз мигранттын тагдырын сүрөттөгөн "Айка" көркөм фильми "Оскар" сыйлыгынын кыска барагына кирди. "Чет тилдеги мыкты тасма" категориясында "Айканы" кошкондо тогуз фильм бар. Бул тууралуу РИА-Новости уюштуруучуларга таянып маалымдады. "Айка" Казакстандын атынан сунушталган.  Америка киноакадемиясынын "Оскар" сыйлыгы жыл сайын февралда тапшырылат.  Талапкерлер сунушталгандан кийин алгач узун баракка кирет, тандалгандары кыска баракка жазылат. Арасынан жеңүүчүлөр аныкталат.  Орусиялык режиссер... Читать дальше...

Британия премьер-министри Тереза Мей 17-декабрда парламентте билдиргендей, өлкөнүн Евробиримдиктен чыгышы тууралуу макулдашуу январдын орто ченинде добушка коюлат. Парламентарийлер 7-январдан тартып документти кайра талкуулайт. Тереза Мей Брекзит боюнча кайра референдум өткөрүүгө каршы чыгууну уланта турганын кошумчалады. Анын айтымында референдум Британиянын ого бетер бөлүнүшүнө алып келет.  Брекзит келишиминде Британия Евробиримдиктен чыгып кеткенден кийин эки тараптын соода-экономикалык алакасы кандай уланаары... Читать дальше...

Кыргызстан парламентинин 80 жылдыгына арналган иш-чара 21-декабрда өтөт. Бул тууралуу Жогорку Кеңештин аппарат жетекчиси Саматбек Ибраев парламент радиосундагы маегинде билдирди.    Маалыматка караганда, мааракени өткөрүүгө бюджеттен акча каралган эмес. Иш-чара өнөктөштөрдүн жардамы менен өтөт. Анын алкагында жыйындар уюштурулат.  Ошондой эле парламент тарыхын чагылдырган китеп жарык көрөт.  Мааракеге "ТүркПА" уюмунун өкүлдөрү, бир катар элчиликтерден делегациялар келет.  Жогорку Кеңештин тарыхы 1939-жылдан башталат. Читать дальше...

Орусия тарабынан камакка алынган украин аскерлеринин укуктарын 34 адвокат коргойт. Адвокаттардын жарымы Крымдан, жарымы Москвадан. Алардын чыгымдарынын баарын Украина өкмөтү төлөп бере турганын Жогорку Раданын адам укуктары боюнча өкүлү Людмила Денисова билдирди. Анын айтымында, адвокаттар ушул жылдын аягына чейин камактагылардын баары менен жолугушууга тийиш. Быйыл 25-ноябрда Кара деңиз менен Азов деңизи кесилишкен Керч кысыгында Орусия  Украинанын үч кемесин, 24 деңиз аскерин күч менен кармап кетип... Читать дальше...

Ички иштер министрлиги Чаткалдын Терек-Сай айылынын камактагы тургундарын үй камагына чыгаруу үчүн сотко кепилдик берет. Бул тууралуу министр Кашкар Жунушалиев 17-декабрда Жалал-Абадда кармалгандардын жакындары менен жолугушкандан кийин билдирди. - Ата-энелери балдары катачылык кетиргенин моюнга алып, кечирим суроо менен ырайым кылууну өтүнүштү. Камактагы балдарды үй камагына чыгарып берүүнү суранышты. Алардын өтүнүчү мыйзам чегинде каралат, бирок биз да сотко балдардын бөгөт чарасын жасаган кылмыш... Читать дальше...

Кыргызстан менен Өзбекстандын чек ара аймактарындагы облус жетекчилеринин кезектеги кеңеши бүгүн, 18-декабрда Ош шаарында болот. Өкмөттүн басма сөз кызматы билдиргендей, жыйынга эки мамлекеттин премьер-министрлери Мухаммедкалый Абылгазиев менен Абдулла Арипов катышат. Эки мамлекеттин ортосундагы чек аранын узундугу 1378 чакырымга созулат. Анын 85 пайызы такталганы расмий айтылган. Буга чейин Өзбекстандын Тышкы иштер министрлиги сүйлөшүүдө эки тараптын кызыкчылыгын эске алуу менен Өзбекстандын... Читать дальше...

Бүгүнкү талкуулар 18-декабрь - Мигранттардын эл аралык күнүнө карата уюштурулуп жатат. БУУнун Башкы ассамблеясы 1990-жылы 18-декабрда мигранттар менен алардын үй-бүлөсүнүн укуктары тууралуу эл аралык конвенция кабыл алган. Он жылдан кийин, 2000-жылдын 4-декабрында БУУ Эл аралык мигрант күнүн негиздеген. Расмий маалыматка караганда, азыр ар кайсы чет мамлекеттерде иштеп жүргөн кыргызстандык мигранттардын саны 800 миңден ашат. Анын 650 миңдейи Орусияда. Иш жүзүндө Орусиядагы кыргызстандык мигранттар миллиондон ашканы айтылып келет. Читать дальше...