Новости за 09.11.2019

Кыргызстандык окуучу кыз Айдай Орозбекова ушул күндөрү Азербайжандын Баку шаарында өтүп жаткан кыздар (кадеттер) арасындагы грэпплинг боюнча дүйнө чемпионатында күмүш байге тагынды. Бул тууралуу спортчу кыздын апасы Чолпон Батракеева билдирди. Анын айтымында, Айдай 8-ноябрда грэпплингдин No Gi (кимоносуз) түрүнөн 56 килограммга чейинки салмакта таймашты. Айлампа тартибинде өткөн мелдеште ал алгач орусиялык Элина Василеваны, андан соң украиналык Алиса Каниюкту жеңди. Финалда орусиялык Дарья Лукьянчикова менен беттешип... Читать дальше...

Өкмөттүн Жалал-Абад облусундагы өкүлү Кыянбек Сатыбалдиев мурдагы президент Курманбек Бакиевдин ысымын көчөгө ыйгарган токтом артка кайтарыларын билдирди.  Ал жергиликтүү кеңештин депутаттары мыйзамсыз токтом чыгарып, бул тууралуу облустук бийликке кабар беришпегенин  "Азаттык" радиосуна айтты. - Токтом мыйзамсыз болгондугуна байланыштуу артка кайтарылат. Бакиевдин ысымын көчөгө ыйгаруу тууралуу маалымат, райондук жана облустук жетекчиликке өз убагында маалымдалган эмес. Мыйзамсыз кадамдарга баргандарга чара көрүлөт. Читать дальше...

Оюн Өзбекстандын баш калаасы Ташкент шаарында болуп, 2022-жылкы дүйнө чемпионатына даярдануунун алкагында өттү.

Кыргызстандын футбол боюнча курама командасы жолдоштук беттеште Өзбекстандын футболчуларынан 1:3 эсебинде утулду. Беттеш Ташкенттин «Пахтакор» стадионунда өттү. Эми 2022-жылдагы футбол боюнча дүйнөлүк чемпионаттын тандап алуу оюндарынын алкагында кыргызстандык футболчулар 14-ноябрда Жапония, 19-ноябрда Тажикстан менен беттешет. Оюндар Бишкектеги Дөлөн Өмүрзаков атындагы стадиондо өтөт. Буга чейин кыргызстандык футболчулар Тажикстанга 0-1 эсебинде утулуп, Мьянманы 7- 0, Монголияны 2-1 эсебинде уткан. Читать дальше...

Быйыл залкар дирижер, улуу композитор, кыргыз классикалык музыкасынын тарыхындагы корифейлердин бири Калый Молдобасановдун 90 жылдыгы белгиленип жатат.

Федосеев ушул жылдын сентябрь айында эле ММА турниринин алкагында беттеш өткөрмөк. Бирок анын каршылашы жаракат алып, мелдештин убактысы жылдырылган.

Sputnik апта сайын "Этикет" рубрикасынын алкагында коомчулук жүргөн ар кайсы жайларда жана жагдайларда өзүн-өзү татыктуу алып жүрүүнүн эрежелери менен тааныштырат.

Шарыпкул (Шакин) Эсенгулов кыргыз окурмандарына бир топ кара сөз, ыр жыйнактары аркылуу тааныш.

Бишкекте Абдылас Малдыбаев атындагы Кыргыз улуттук академиялык опера жана балет театрында президент Сооронбай Жээнбековдун катышуусунда концерт болуп жатат. «Жаңылануу эргүү берет өнөргө» деген аталыштагы концерт Опера жана балет театрын оңдоп-түзөөнүн бүтүшү жана 77-театралдык сезондун ачылышына байланыштуу өтүүдө. Аталган театрдын жетекчиси Керим Турапов маданият үйүн оңдоого 47 миллион сом жумшалганын айтты. Турапов буга чейин Опера жана балет театрындагы артисттердин бөлмөлөрү, сахнаны жарыктандыруу... Читать дальше...

«Кыргызгидромет» борбору кабарлагандай, 10-ноябрда Чүй, Талас, Ысык-Көл, Нарын облустарынын кээ бир райондорунда жаан, тоо этектеринде жана тоолуу райондорунда кар жаайт. Ош, Баткен, Жалал-Абад облустарында жаан-чачын болбойт. Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетет. Абанын температурасы: Чүйдө түнкүсүн -2…+3, күндүз 8…13; Таласта түнкүсүн -4…+1, күндүз 8…13; Баткенде, Ошто, Жалал-Абадда түнкүсүн -1…+4, күндүз 8…13; Ысык-Көлдө түнкүсүн -2…+3... Читать дальше...

«Султанабад» чек ара отрядына караштуу «Ишкобод» тозотуна кол салгандардын бешөөнүн тек-жайы аныкталды. Бул тууралуу «Азаттык» радиосунун тажик кызматы Тажикстандын күч органдарына жакын булагына таянып жазды.   Анын маалыматы боюнча, алардын баары Согди облусунда төрөлгөн. Бирөө өлтүрүлүп, тертөө камакта отурат. Алардын ичинен үчөө аял киши. Тажик бийлиги жана башка булактар азырынча бул маалыматтарды ырастай элек. «Азаттыктын» тажик кызматы Тажикстандын күч органдары жүргүзгөн операцияда Малохат Хайдарова... Читать дальше...

Бул күндөрү Берлин дубалынын кулатылышынын 30 жылдыгы белгиленип жатат. 1989-жылдын 9-ноябрында “Кансыз согуштун” символуна айланган Берлин дубалы бузулган.

Талантбек Салиев Улуттук коопсуздук боюнча мамлекеттик комитеттин (УКМК) төрагасынын биринчи орун басары болуп дайындалды. Тиешелүү буйрукка президент Сооронбай Жээнбеков бүгүн, 9-ноябрда кол койгоду. Өлкө башчынын басма сөз кызматы тараткан маалыматка ылайык, Талантбек Салиев 1975-жылы туулган, жогорку билимдүү. 1997-жылдан тартып улуттук коопсуздук органдарында түрдүү кызмат орундарда анын ичинде жетекчилик кызматтарда иштеп келген. (BTo)

Мелдеште кыргызстандык оюнчулар арабдарды 9:4 эсебинде утуп алды. Жакынкы күндөрү кыргызстандык спортчулар Люксембург, Босния жана Герцеговина курамалары менен беттешет.

Ирандын мамлекеттик телеканалдары 8-ноябрда болгон жер титирөөдөн жараат алгандар 300дөн 520 кишиге чейин жеткенин жарыялады. Маалымат боюнча жет титирөөдөн жабыр тарткандарды куткаруу иштери Ирандын түндүгүндөгү Чыгыш Азербайжан провинциясындагы Тарк аймагынын 80ден ашык айылында жүрдү. Кырсыктан беш адам мерт болуп, 28 киши ооруканага жаткарылды. Ирандын түндүгүндөгү Чыгыш Азербайжан провинциясында 8-ноябрда түнкү саат 2ден өткөндө күчү 5,9 баллга жеткен жер титирөө болгон. Нөшөрлөп жааган... Читать дальше...

Бүгүн, 9-ноябрда Казакстандын Нур-Султан жана Алматы шаарларында «Ойгон, Казакстан» кыймылынын активисттери өлкөдө саясий реформаны талап кылып митинг өткөрүштү. «Азаттыктын» казак кызматы нааразылык акциянын алдында полиция бир катар адамдарды кармап кетип, айрымдарына эскертүү бергенин кабарлады. Митингге «Парламенттик республика», «Мен сүйлөш үчүн уруксат алышым керек эмес» деген чакырыктар жазылган плакаттарды көтөрүп чыгышты. Казакстанда жаштардын «Ойгон, Казакстан» кыймылы быйыл июль айында түзүлгөн. Читать дальше...

Экологиялык жана техникалык коопсуздук боюнча мамлекеттик инспекция Бишкектеги жарылуу болгон «Антошка» ашканасынын ээсине ушул жылдын 27-февралында айып салынганын кабарлады. Мекеменин маалыматы боюнча, текшерүүдө аталган тез татым жайынын ээси инспекция мурун берген көрсөтмөлөрдү аткарбаганы үчүн Тартип бузуу кодексинин 293-беренесинин («Ыйгарым укуктуу органдын чечимдерин, аныктамаларын, тескемелерин же талаптарын аткаруу тартибин бузуу») негизинде айыпка жыгылып, ал толугу менен өндүрүлгөн. Читать дальше...

Жалал-Абад облусунун Ноокен районунун Рахманжан айылындагы көчөлөрдүн бирине Кыргызстандын мурдагы президенти Курманбек Бакиевдин аты берилди. Интернетте Бакиевдин сүрөтү тартылып «Бакиев Курманбек Салиевич атындагы көчө» деген такта жарыяланды. Бул социалдык тармактын колдонуучуларынын сынына кабылууда. Рахманжан айылынын башчысы Жакшылык Эгембердиев «Азаттыкка» айылдагы көчөлөрдүн бирине Курманбек Бакиевдин ысымы ыйгарылганын ырастап, буларды айтты. - Ат коюлганына үч-төрт күн болду. Айылдык кеңештин жыйынында мен жок болчумун. Читать дальше...

Кыргызстанда эл аралык стандарттарга төп келген соода-логистикалык борборлордун саны кайрадан кыскарды. Мурдараак алардын саны он бешке чейин жетсе, буюртмалардын жоктугунан улам бешөө жабылып калды.

Кыргызстанда өсмө оорусуна чалдыккан балдарга жардам берүү максатында коомдук жайларга коюлган кутучаларды уурдоого каршы акция башталды. Оорулуу балдардын тыйындап чогулган каражатын уурдоо эмнени белгиси?

Бишкектеги «Антошка» ашканасындагы бир адамдын өмүрүн алган жарылууга байланыштуу ашкананын ижарачысы кармалды. Бул тууралуу Бишкек шаардык ички иштер башкармалыгынын басма сөз кызматы билдирди. Шаардык милициясынын маалыматына караганда, кырсык Жазык кодексинин 261-беренеси («Өрт коопсуздугунун эрежелерин бузуу») менен иликтенип жатат. Тергөөнүн жүрүшүндө «Антошка» ашканасынын 56 жаштагы арендатору Бишкек шаардык ички иштер башкармалыгынын убактылуу кармоо жайына киргизилди. Азыркы учурда сотко... Читать дальше...

Коррупциялык схема түзгөн деп айыпталып, сот жообуна тартылган Насирбек Алмаматов кармала элек. Бул маалыматты «Азаттыкка» Бишкектин Октябрь райондук милициясынын басма сөз кызматынын инспектору Айбарчын Батырбекова ырастады. Анын маалыматы боюнча, учурда Алмаматовду издөө иштери Кыргызстандын аймагында жүрүп жатат. Автотранспортту каттоо жана айдоочулук күбөлүк берүү департаментинин Бишкек шаардык бөлүмүнүн мурдагы башчысы Насирбек Алмаматов Жогорку соттун 30-октябрдагы токтомуна ылайык кайра абакка камалышы керек болчу. Читать дальше...

Тажикстандын чек арасында болгон окуя коңшу мамлекеттерге, анын ичинде Кыргызстанга кандай белги болушу мүмкүн?

8-ноябрда Бишкектеги «Антошка» ашканасындагы жарылуудан жараат алгандардын алтоо Бишкектеги Травматология жана ортопедия илим-изилдөө борборунда, бирөө Балдардын Бишкек шаардык "Тез жардам" ооруканасында дарыланып жатат. Жарылуудан жараат алган дагы үч киши дарыгерлердин кароосунан кийин амбулатордук дарыланууга коё берилди. Саламаттык сактоо министрлиги тараткан маалымат боюнча, жарылуудан 26 жаштагы бир адамдын денесинин 30 пайызы, 30 жаштагы адамдын денесинин 25 пайызы, 17 жаштагынын денесинин 12 пайызы... Читать дальше...

Жол кыймыл коопсуздугун камсыздоо башкы башкармалыгы Бишкек шаары боюнча Патрулдук милицияга кызматкерлерди алуу үчүн сынактын үчүнчү баскычын жарыялады. Ички иштер министрлигинин (ИИМ) сайтындагы маалыматка караганда, сынакка катышууга документтер 14-ноябрга чейин кабыл алынат. Ага ылайык, катардагы кызматтарга 19 жаштан 30 жашка чейинки жарандар, офицердик кызмат орун үчүн 21 жаштан 35 жашка чейинки жарандар документ тапшырса болот. Андан тышкары эркектердин бою 170 сантиметрден, аялдардыкы 165 сантиметрден кем болбошу керек. Читать дальше...