Новости за 19.03.2023

Казакстанда 19-мартта өткөн парламенттик шайлоодон кийинки экзит-поллдун жыйынтыгы жарыяланды. Үч институттун экзит-поллуна ылайык, шайлоого катышкан жети партиянын кеминде бешөө парламентке өтүү үчүн зарыл болгон 5 пайыздык босого чекти багындырды. “Евразиялык интеграция институтунун” экзит-поллу көрсөткөндөй, бийликтеги “Аманат” партиясы жалпы добуштардын 53,46%, “Айыл” партиясы 10,52%, “Республика” партиясы 8,9%, "Ак жол" 7,87%, Казакстандын элдик партиясы 6,25%, ЖСДП - 5,31%, “Байтак” 3,22%... Читать дальше...

Казакстандын Борбордук шайлоо комиссиясынын алдын ала маалыматына ылайык, 19-мартта парламенттин төмөнкү палатасына жана жергиликтүү кеңештерге шайлоолорго жалпы добуш берүүчүлөрдүн 54,19 пайызы катышты. Жергиликтүү убакыт боюнча саат 21:00гө карата республиканын бардык аймактарында добушканалар жабылды. Костанай, Кызылордо облустарында шайлоочулардын 65-67 пайызы добуш берсе, бул көрсөткүч Алматы шаарында 25,8 пайызды гана түздү. Казакстанда жалпы 12 миллион шайлоочу бар. Көз карандысыз байкоочулар... Читать дальше...

Президенттик администрациянын маалыматтык саясат бөлүмүнүн башчысы Дайырбек Орунбеков Ысык-Көлдөгү аэропорттун тосмо дубалынын урап калганына байланыштуу 19-мартта түшүндүрмө таратты. Орунбеков Фейсбуктагы баракчасына жазган маалыматка караганда, аэропорттун айланасын короолоо боюнча “Кыргызстройсервис” ишканасы жеке подрядчы компания менен келишим түзгөн. 2023-жылдын 18-мартында катуу шамалдан улам бетондоо иштери толук бүтө элек тилкедеги дубал урап түшкөн. "Тосмо дубалдын кулап калышы боюнча... Читать дальше...

Пакистандын баш калаасы Исламабаддын полициясы 19-мартта мурдагы премьер-министр Имран Ханга, анын 17 жардамчысына жана жактоочусуна террорчулук сыяктуу бир нече мыйзам бузууга байланыштуу айып такты. Бир күн мурда Хандын тарапкерлери Исламабаддагы сот имаратынын алдында полиция менен кагылыша кеткен. Ал күнү мурдагы премьер-министр коррупцияга байланыштуу башка иш боюнча сотко келиши керек эле. Полиция Хандын жактоочуларын таратуу үчүн көздөн жаш агызуучу газ колдонгон. Митингчилер полиция кызматкерлерине таш ыргытып... Читать дальше...

Өзбекстандын Фергана облусу менен Тажикстандын Согд облусунун ортосунда "Андархон" аттуу чек ара базары курула турган болду. Бул эки коңшу өлкөнүн чек арасында Советтер Союзу ыдырагандан кийинки биринчи орток базар болорун "Азаттыктын" тажик кызматы жазды. Маалыматка ылайык, соода-логистикалык базар Фергана облусунун Бешарык районунда өзбекстандык бизнесмендердин колдоосу менен курулат жана аны эки мамлекеттин ишкерлери чогуу пайдаланат. 13-мартта Согд жана Фергана облустарынын жетекчилери бул базардын пайдубалын түптөө аземине катышты. Читать дальше...

Борбор Азиядагы Америка университетинин студенти өзүнүн дипломдук ишине "Кыргызстандагы деколониялык дискурс" темасын тандап алганы үчүн басымга кабылганын Твиттердеги баракчасына жазып чыкты. Студент тандап алган темасы үчүн мугалимдердин негизсиз сынына кабылганын жазган. Анын билдирүүсүндө, аталган окуу жайдын социология бөлүмүнүн деканы дипломдук ишти кабыл алуу үчүн Орусиядан кошумча үч инструктор чакырткан жана деколонизация терминин болушунча бейтарапташтырууну өтүнгөн. Студенттин мындай... Читать дальше...

Америкалык мушкер Жастин Гейжи таймаштын аралаш түрлөрү боюнча UFC уюмунун кезектеги мелдешинде (UFC 286) азербайжандык Рафаэл Физиевди жеңди. Беттеш 19-мартка караган түнү Лондон шаарындагы "О2" аренасында өттү. Бул күнү UFC 286 мелдешинде жалпы 15 таймаш болду. Жеңил орто салмакта (71-77 кг) теги ямайкалык британ мушкери Леон Эдвардс менен нигериялык Камару Усмандын беттеши башкы окуя болуп, бул таймашта Эдвардс жеңишке жетти. Экинчи башкы беттеш жеңил салмактагы (66-70 kg) спортчулар Жастин Гейжи менен Рафаэл Физиевдин ортосунда өтүп... Читать дальше...

Өмүр жашоо соңуна чыгып баратканда деле пенде баласына жанында кобурашканга, бири-бирине жөлөк болгонго бирөө керек. Жапарали Осмонкуловдун “Күн кызарып батканда” аңгемесинин сюжеттик негизин мына ушул ой түзөт.   Айылдан шаарга Жетимиштен ашкан адам жанынын тынчтыгын, ден соолугунун мыктылыгын гана тилеп, ар бир өткөн күнүнө өзгөчө ызаат менен мамиле кылат, таң эрте жарык күндү тосуп атканына топук кылып жашайт. Сулайман аксакал жетимишке чыкканда сырдакана кемпиринен ажырап, жесирдиктин оор түйшүгүнө кабыларын ойлогон эмес. Читать дальше...

19-мартта Казакстанда парламенттин төмөнкү палатасына (мажилис) жана жергиликтүү кеңештерге кезексиз шайлоо өтүп жаткан маалда Астанада бир нече активист кармалганын "Азаттыктын" казак кызматы жазды. Бир катар шаарларда жергиликтүү активисттер алардын үйлөрүн полиция жана белгисиз адамдар аңдып жүрүшкөнүн билдиришти. Казак оппозициясынын өкүлдөрү элди 19-мартта шайлоого каршы нааразылык акциясына чыгууга чакырган эле. Шайлоодон четтетилген жарандык активист Амангелди Жахинди Астанада беткап кийген белгисиз эки киши эч себепсиз кармап кетти. Читать дальше...

Жакында эле Түркия менен Сирия чектешкен Хатай провинциясында зилзалада каза болгон келин, бул өлкөдө иштеп жаткан кыргызстандыктардын коопсуздугу жана Түркиядагы миграция темасын козгоду. Расмий маалымат боюнча Түркияда иштеп, окуп жаткан кыргызстандыктардын саны 30 миңге жакын.

Нотр-Дам чиркөөсү темир арматура колдонулуп курулган алгачкы имарат экени аныкталды. Озон катмары Жердеги токойлордон чыккан өрттөн улам бузулушу мүмкүн. Климаттын жылышы менен жазында гүлдөр мөөнөтүнөн мурда гүлдөй баштады жана бул жалгыз өзгөрүү эмес. "Азаттыкта" илимдеги соңку жаңылыктардын топтому. Нотр-Дамдагы өрт анын сырын ачты Париж 8 университетинин окумуштуулары атактуу Нотр-Дам чиркөөсү темир арматура колдонулуп курулган алгачкы имарат экенин аныкташты. Бул жөнүндө Popular Science... Читать дальше...

Кыргызстанда жиу-житсу менен алектенген кыз-келиндердин катары калыңдап баратат. Спорттун бул түрү саламаттыкты чыңдоо менен бирге спортто ийгилик жараткысы келген кыз-келиндердин башын бир залга бириктирди. "Азаттык" жиу-житсуга кызыккан кыздар тууралуу баяндайт. Чакан залда машыккан чемпион кыздар  Бишкектеги эски имараттардын биринде жайгашкан бул чакан залда 10дөн ашык кыз жиу-житсу менен машыгып жатышат. Бул залды Жиу-житсу федерациясынын президенти Абдрахманхажи Муртазалиев ачкан. Мындагы... Читать дальше...

Кыргызстандын Коргоо министрлиги 18-мартта Индиянын аскерлери менен бирге өткөргөн машыгуу аяктаганын билдирди. Ага ылайык, “Канжар-Х” деп аталган машыгууга эки өлкөнүн атайын багыттагы аскер бөлүктөрү катышкан. “Машыгууда мыйзамсыз куралдуу түзүмдөрдү тоолуу шартта жок кылуу боюнча биргелешкен атайын тактикалык эпизоддорду көрсөтүштү. Биргелешкен машыгуунун планына ылайык, чабуул учурунда имараттын ичинде аман калуу техникасы боюнча практикалык сабактар өткөрүлдү”,- деп жазылган маалыматта. ... Читать дальше...

Жогорку Кеңештеги “Ишеним” фракциясынын 17-марттагы жыйынында депутат Чолпон Султанбекова Ооганстандагы кыргыздарды алып келүү маселесин көтөрдү. Ал Файзабад шаарында 65 памирлик кыргыз бир канча убактан бери паспорт алалбай, Кыргызстанга келе албай кыйналып жатканын билдирди. Эмгек, социалдык камсыздоо жана миграция министрлигин өкүлдөрү Тышкы иштер министрлиги менен биргеликте аларды алып келүү аракети уланып жатканын айтты. “Аларга паспорт алып берүү боюнча министрликтен 500 миң сом каралган болчу. Читать дальше...

Эмгек, социалдык камсыздоо жана миграция министрлиги Кыргызстанда жумушчу күчү жетишпей жатканын билдирди. Бул көйгөй шаарда да, элет жеринде да байкалууда. "Жумушчулар Англияга кетип калды" Кара-Суу районунун Папан айыл өкмөтүнүн тургуну Заир Нышанов үч гектар жерге тамчылатып сугаруу ыкмасы менен бак отургузган. Бир нече жылдан бери чогуу жүрүп, багбанчылык сырларын үйрөтүп койгон жардамчылары жакында Британияга айыл чарба иштерине кетип, жалгыз өзүнө оорчулук келип жатканын айтты. "Бак өтө деле чоң эмес. Читать дальше...

Улуттук коопсуздук комитетинин (УКМК) төрагасы Камчыбек Ташиев коррупцияга шек саналып кармалган бажы кызматкерлеринин арасында башкы прокурор Курманкул Зулушевдин кайниси да бар экенин бышыктады. Анын бул факт тууралуу комментарий берген видеосу социалдык тармактарга жарыяланды. Анда Зулушев экөөнүн ортосунда кандайдыр бир пикир келишпестик жоктугун белгилеген. “Мени менен Курманкул Зулушевдин ортосунда эч кандай пикир келишпестик жок. Биз мыйзам чегинде, өз милдеттерибиздин негизинде иш алып барып жатабыз. Читать дальше...

Казакстанда 19-мартта парламенттин төмөнкү палатасы - Мажилистин депутаттарын шайлоо башталды. Өлкөнүн президенти Касым-Жомарт Токаев Астана шаарында Окуучулар сарайындагы добушкана ачылары менен, саат 7ден өткөндө барып добуш берди жана анын эрте келери тууралуу журналисттерге маалымат берилген жок. Акордо тараткан кыска видеодо Токаев бюллетень алганы, бир өспүрүм менен сүйлөшүп, аны менен сүрөткө түшкөнү, добуш бергени гана тартылган. Кандайдыр бир билдирүү жасаган эмес. Токаев ушул жылдын башында... Читать дальше...