Новости за 07.07.2023

Азербайжанда сот армян аскерлери Арутян Овакимян менен Карен Казарянды 11,5 жылга эркинен ажыратты. 7-июлда Сумгаит шаарындагы сот аларды "Азербайжанда теракт уюштурууга даярданган, диверсия кылууга аракеттенген" деген айыптар боюнча күнөөлүү деп тапты. Армян тараптын билдирүүсүнө караганда, чек арадагы жоокерлерге суу жана азык-түлүк ташып бараткан аскерлерди май айында азербайжандык диверсанттар уурдап кетишкен. Буга чейин Арменияда эки азербайжандык аскер кесилген. Гусейн Ахундов Капан айылынын... Читать дальше...

Пакистан боюнча бардык мусулмандар 7-июлда, жума намаздан кийин митингге чыгып, "Ыйык Куран күнүн" белгилешти. Буга чейин өлкөнүн премьер-министри Шахбаз Шариф Стокгольмдо ыйык Куран китебинин өрттөлүшүнө нааразылык билдирип, Швецияга каршы митингдерге чыгууга чакырган. "Куранга келгенде улут бир. Бүгүн биз бүтүндөй өлкө боюнча жума намаздан кийин "Ыйык Куран күнү" деген аталыштагы нааразылык митингдерге чыгабыз", - деп жазды ал Твиттерге.   Баш калаа Исламабадда Курандын көчүрмөлөрүн кармаган адамдар Жогорку Соттун алдына чыгышты... Читать дальше...

Ош шаарында уюшкан кылмыштуу топтун “Казак” аттуу каймана ысымы бар мүчөсү Умар Маратов жана анын үч шериги "25 жаштагы кызды зордуктаганы" маалым болду. Бул тууралуу кыздын жакындары “Азаттыкка” 7-июлда билдирди. Алар Ош облустук ички иштер башкармалыгына арыз жазганын, бирок шектүүлөргө карата териштирүү иштери кечеңдеп жатканын айтты. Алар кызды алгач сабап, андан кийин Оштогу “Шанхай Сити” мейманканасында зордуктаганын айтышууда. Ош облустук милициясы бул иш 26-июнда каттоого алынганын... Читать дальше...

Абай Жумаевдин жашы 50гө чукулдады. Ал жыйырма жылдай маңзат колдонгон. Өзүнүн айтымында, героин сайынган. Мындан төрт жыл мурда метадон терапиясы менен дарылана баштаган. Абай учурда кароолчу болуп иштейт. Ал жаштыгы маңзат кучагында өткөнүнө өкүнөт, мындан аркы жашоосун бейкапар өткөрүүнү самайт. Ушул тапта Кыргызстанда баңгизатка байланган 7672 адам республикалык наркология борборунда каттоодо турат. Расмий эмес маалыматтар боюнча өлкөдө маңзат колдонгондордун саны 25 миңден ашуун экени айтылып келет.

Орусиянын Самара облусундагы "Промсинтез" заводунда 7-июлдун таңында болгон жардыруудан алты киши мерт болду. Эки адам жараат алды. Бул тууралуу Орусиянын ТАСС агенттиги тиешелүү кызматтарга таянып кабарлады. Маалыматка караганда, жарылуу техникалык түтүктөрдү оңдоп-түзөө маалында болгон. Заводдун жетекчилиги журналисттерге маалымат берүүдөн баш тартты. "Промсинтез" заводу Чапаевск шаарында жайгашкан. Анын сайтында жазылгандай, ишкана Орусия менен КМШ аймагындагы өндүрүштө колдонулчу жардыруучу... Читать дальше...

Иордан дарыясынын Батыш жээгинде 7-июлда Израилдин куралдуу күчтөрү менен кагылышууда эки палестиналык мерт болду. Бул тууралуу Израилдин ички иштер агенттигинин башчысы Шин Бет билдирди. Анын айтымында мерт болгондор ушул жумада полиция машинесин аткылаганы үчүн издөөдө жүргөн. Окуя Наблус шаарынын борборунда болгон. Маалыматты Палестинанын Саламаттык сактоо министрлиги ырастап, набыт болгондордун тек-жайын жарыялады. 3-июлда Израил Женин калаасындагы качкындар лагеринин аймагында палестиналык согушкерлерге каршы ири операция баштаган. Читать дальше...

Бишкекте Кыргызстандын, Казакстандын, Өзбекстандын жана Монголиянын ЖМК ишин жөнгө салуу үстүндө иштеген органдарынын өкүлдөрү кызматташтык меморандумуна кол коюшту. Бул документ эмне үчүн зарыл? Европадагы коопсуздук жана кызматташтык уюмунун (ЕККУ) Бишкекте өткөн ЖМКлар боюнча борборазиялык 24-конференциясында бул уюмдун медиалардын эркиндиги боюнча өкүлү Тереза Рибейру менен маектештик. Ал "Азаттыкка" меморандум, чөлкөмдөгү сөз эркиндигинин абалы жана Кыргыз Республикасынын расмий өкүлдөрү менен жолугушуулары тууралуу айтып берди. Читать дальше...

Улуттук коопсуздук мамлекеттик комитетинин басма сөз кызматы кримтөбөл Камчы Көлбаевдин уюшкан кылмыштуу тобунун мүчөсү Н.С.Т. опузалап акча талап кылууга шектелип кармалганын 7-июлда билдирди. Маалыматта шектүү 2021-жылы сентябрда бир жаранга күч колдонуп, анын “Мерседес S500” үлгүсүндөгү унаасын жана 17 миң АКШ долларын тартып алганы айтылат. Кармалган жаран Ички иштер министрлигинин каттоосунда Камчы Көлбаевдин уюшкан кылмыштуу тобунун активдүү мүчөсү катары каттоодо турат, буга чейин бир нече жолу соттолгон. Читать дальше...

6-июлдун кечинде Италиянын Милан шаарындагы карылар үйүндө тутанган өрттөн алты киши мерт болду. Сексенден көп адам жабыркады, үчөөнүн абалы оор. Бул тууралуу шаар мэри Жузеппе Сала 7-июлда билдирди. Өрт калаанын Корветто районунда жайгашкан имараттын биринчи кабатында тутанган. Өрт өчүрүүчүлөр тилсиз жоонун жайылышын токтотушканы менен уулуу заттар тарап кеткен. Жабыркагандардын көбү түтүнгө ууланган. Учурда өрт эмнеден тутанганын иликтөө жүрүп жатат. Маалыматка караганда, имаратта өрт башталган... Читать дальше...

Уурдалып, өлтүрүлгөн Айзада Канатбекованын өлүмүнө айыпталып жаткан мурдагы милиция башчысынын ишин караган судья алмашты. Бул тууралуу бүгүн 7-июлда “Азаттык” радиосуна жабыркаган тараптын адвокаты Бакытбек Автандил уулу билдирди. Жактоочунун айтымында, Бишкек шаардык ички иштер башкармалыгынын мурдагы жетекчиси Бакыт Матмусаевге карата иш Кылмыш-жаза кодексинин “Шалаакылык” беренеси менен козголуп, Биринчи Май райондук сотуна өткөрүлүп берилген, алгачкы соттук отурум эки апта мурда өттү: “Ишти Бердимуратов деген судья карай баштаган. Читать дальше...

Тажикстандагы "Диалог" илимий-маданий борборунун мурдагы башчысы Эмсал Кожду Дүйшөмбү шаарынан Түркияга уурдап кетишкенин "Озоди" радиосу Bold басылмасына жана Стокгольм эркиндик борборуна таянып жазды. Bold басылмасынын маалыматына караганда, Эмсал Кожду Түркияда террордук деп саналган Фетхуллах Гүлендин уюмуна тиешеси бар деген кине менен кармап кеткен. Кождун аялы Фируза Худойдодованын айтымында, 2-июнда үч белгисиз адам Эмсалды иштеп жаткан жеринен күч менен чыгарып, кара машинеге салып кеткен. Читать дальше...

Министрлер кабинетинин төрагасы Акылбек Жапаров Санкт-Петербург шарындагы сапары алкагында "Газпром" компаниясынын башчысы Алексей Миллер менен жолукту. Өкмөттүн басма сөз кызматынын билдиришинче, анда газ менен камсыздоо жаатында эки-өлкөнүн алака-катышы талкууланды. “Кыргызстан менен “Газпром” компаниясынын ортосундагы ар тараптуу кызматташтык тереңдеп, ырааттуу өнүгүү жолу менен бара жатат”, - деген Жапаров. Маалыматта "Миллер өз кезегинде Кыргызстан “Газпром” компаниясынын ишенимдүү өнөктөшү экенин белгилегени" жазылган. Читать дальше...

Ош облусундагы Кара-Суу базарында соода кылгандар президент Жапаровго жолугууну талап кылып, өкмөт үйүнүн алдына чогулушту. Жыйырмадай соодагер базардын жерин Мамлекеттик мүлк фонду талашып жатканына нааразы. Алардын айтымында, базардын жери өкмөттүн 1996-жылдагы 626-токтому менен Керектөөчүлөр коомунун облустук союзуна өтүп, 1997-жылы ал жер үлүшчүлөргө сатылган. “1998-жылы өкмөттүн топтому менен жерлер менчикке таратылган. 2001-жылдары кызыл китептер бериле баштаган. Арабызда менчикке чыгарып, жерди сатып алгандар бар. Читать дальше...

Акыркы бир жылда Түркиядан Кыргызстанга жүк ташуу эселеп кымбаттаганы байкалууда. Фирмалардын жетекчилери буга бажы тарифтеринин баасы көтөрүлгөнү себеп болгонун, айрымдары ич ара атаандаштыктан улам ушундай кырдаал жаралганын жүйө келтиришет. Кыргызстандык ишкерлер жүк ташуу кызматынын акысы кымбаттагандан бери соодасы жүрүшпөй калганын айтышууда. Толкун Курманбаева көп жылдардан бери Түркиядан Кыргызстанга дүңүнөн соода кылат. Ал соңку айларда учак карго төлөмдөрүнүн кымбатташы товарлардын баасына таасирин тийгизип жатканын айтты... Читать дальше...

7-июлда түнкүсүн Чүй, Ош, Ысык-Көл, Нарын облустарынын айрым жерлеринде, Жалал-Абад облусунун тоо этектеринде жана тоолуу райондорунда, Талас, Баткен облустарынын тоолуу райондорунда өткүн өтүп, күн күркүрөшү мүмкүн. Күндүз Чүй, Талас, Ош, Баткен, Ысык-Көл, Нарын облустарынын көпчүлүк аймактарында, Жалал-Абад облусунун тоо этектеринде жана тоолуу райондорунда өткүн өтүп, күн күркүрөшү күтүлөт. Батыштан соккон шамалдын ылдамдыгы секундасына 4-9 метрден күндүз Ысык-Көл, Нарын облустарынын айрым жерлерде 15-20 метрге жетет. Читать дальше...

Адам укугу жана эркиндиги жаатында алектенген бир катар эл аралык уюмдар Кыргызстандын бийлигине кайрылып, Кемпир-Абад маселесине байланыштуу кармалгандардын ишин эл аралык жана жергиликтүү мыйзамдардын, милдеттенмелердин негизинде калыс жана ачык иликтөөнү камсыз кылууга чакырышты. “Биз ишти тергөөчү жабык деп жарыялап койгонуна, коомчулукка жана жалпыга маалымдоо каражаттарына тергөөнүн жүрүшүнө байкоо жүргүзүүгө мүмкүнчүлүк берилбегенине өтө тынчсызданып жатабыз. Ишти карап жаткан Биринчи Май... Читать дальше...

Иликтөөчү журналист Болот Темировдун адвокаттары ага карата буга чейинки инстанциялардагы соттун чечимдерине карата кассациялык арыз менен Жогорку Сотко кайрылды. Бул тууралуу “Азаттыкка” анын жактоочуларынын бири Бакытбек Автандил 7-июлда билдирди. Кассациялык арызда Болот Темировго карата Свердлов райондук жана Бишкек шаардык сотторунун чечимдерин жокко чыгаруу өтүнүчү келтирилген. Болот Темиров былтыр 23-ноябрдын кечинде “Манас” аба майданынан күч менен Бишкек – Москва каттамына отургузулган... Читать дальше...

7-июлда Бишкекте Кыргызстан, Казакстан, Монголия, Өзбекстан жана Тажикстанда иш алып барган медиа уюмдар MediaNetwork CA тармагын түзүү боюнча меморандум кабыл алышты. Меморандумда бул уюм журналисттик стандарттардын жана кесиптик этикалык нормалардын сакталышын жактап, кесипкөй медиалардын калыптанышына салым кошору жазылган. Меморандумга Кыргызстандан ЖМКларга даттанууларды териштирүү боюнча комиссиясынын төрайымы Тамара Валиева, Монголиянын медиа боюнча кеңешинин жетекчиси Гунжидмаа Гондор,... Читать дальше...

Видеосу интернетте тарап жаткан мамлекеттик нотариуска чара көрүлөрүн бүгүн 7-июлда “Азаттык” радиосуна Юстиция министрлигинен билдиришти. Мекеменин басма сөз кызматынын маалыматына караганда, ага катуу сөгүш жарыялоо боюнча буйрук даярдалууда.   “Видео тасмада чагылдырылган фактылар аныкталып, Жалал-Абад облусундагы юстиция башкармалыгынын Тартип комиссиясына киргизилген. Жагдайлар текшерилип, жыйынтыгында Ала-Бука районунун мамлекеттик нотариусуна каттуу сөгүш берүү жөнүндө тиешелүү буйрук даярдалып жатат”... Читать дальше...

Жогорку Сот соңку учурда журналисттер "иликтөөгө" жамынып алып сот органдарына кысым кылган учурлар көбөйгөнүн билдирди. Басма сөз кызматы тараткан маалыматта, өзүн эркин журналист, эксперт деп атаган  Али Эргешевдин видео материалы мисал катары алынган. "Автор өзү жарыялаган видеодо маалымат алуу укугу бар экенин айтып, соттун кызматкерлерине акаарат, кадыр-баркына шек келтирип, жаалданып, сот төрагасынын иш бөлмөсүнө кирип барууга аракет кылган. Ал жаңжалды атайын козуткусу келген. Конституцияда... Читать дальше...

Баткен облусунун 38 миңдей калк жашаган Үч-Коргон айыл аймагынын жашоочулары жарым миллион (500 миң) сомдой каражат топтоп, ашар жолу менен ичүүчү суу маселесин чечүүдө. Жергиликтүү бийлик уюштуруу иштерине гана колдоо көрсөтүүдө, калган жумуштар баары элдин өз демилгеси менен ишке ашып жатканын айыл аймактын башчысы Махмуд Токторов билдирди. Эл өз демилгеси менен топтогон каражатка суу куурларын сатып алып, казуу, кураштыруу жумуштарын ашар жолу менен жасап жатат. Кыргызстан боюнча 1014 айылда ичүүчү суу маселеси чечиле элек. Читать дальше...

Баткен мамлекеттик университетине абитуриенттерди кабыл алууда бюджеттик орундун босого баллы негизги тест - 100, предметтик тесттерге 60, келишим боюнча акы төлөнүүчү окутуунун бардык формалары үчүн негизги тест - 95, предметтик тесттерге- 60 болуп бекитилди. Аталган университеттен бул Билим берүү жана илим министрлигинин чечимине ылайык кабыл алынганын кабарлашты. Кыргызстанда ЖОЖдорго кабыл алууда босого балл 110 деп бекитилген. 2022-жылдын 14-17-сентябрь күндөрү чек арада болгон окуядан кийин жабыр тарткан жарандар эвакуацияланып... Читать дальше...

Адам өлүмүнө айыпталып жаткан аскер кызматкери жаза өтөөчү жайга (гауптвахта) камакка алынганын бүгүн 7-июлда “Азаттыкка” Башкы прокуратурадан билдиришти. Мекеменин расмий өкүлү Сирожиддин Камолидиновдун айтымында, Кылмыш-жаза кодексинин “Автомототранспорт каражаттарынын кыймылынын жана аларды эксплуатациялоонун коопсуздук эрежелерин бузуу” деген 312-беренесинин 4-бөлүгүнүн негизинде козголгон ишти Аскер прокуратурасы тергеп жатат. Аталган берененин 4-бөлүгүндө “алкоголду, баңги каражаттарды же... Читать дальше...

"Манас" эл аралык аба майданынын басма сөз катчысы Алия Курбанова "Ысык-Көл" аэропортундагы суу каптоо жөнгө салынганын "Азаттыкка" билдирди. Анын ырасташынча, 6-июлда мөндүр аралаш нөшөрлөп жамгыр жааганда жаандын саркынды суусу аккан түтүктөр  толуп калып, мындан улам аэропрттун күтүү залын суу каптаган. "Мүчүлүштүк жарым сааттын ичинде жөнгө салынды. Учурда аба майдан штаттык режимде иштеп жатат, каттамдар кармалган жок",-деди Курбанова. Мунун алдында социалдык тармактарда "Ысык-Көл" аба... Читать дальше...

Борбордук шайлоо комиссиясы (БШК) 6-июлдагы жыйынында Жогорку Кеңештин депутаттары Фарходбек Алимжанов (“Альянс”) менен Фархат Исмаиловду (“Ата-Журт – Кыргызстан” фракциясы) мандатынан ажыратты. Буга алардын жогорку билими тууралуу дипломду мыйзамсыз алганы негиз болду. Боршайкомдун жыйынында билим берүү жана илим министринин биринчи орун басары Уланбек Усеков маалымат берип, Фарходбек Алимжановго диплом 2016-жылы мыйзам бузуу менен берилгенин айтты. Ал мындай чечимди министрликте түзүлгөн комиссия чыгарганын билдирди. Читать дальше...