Тегеранда түтүндөн улам мектептер жабылды
Мындай чечим абанын булганышы тууралуу чукул жыйындан кийин 14-декабрда кабыл алынды. Мектептер 17-декабрга чейин жабылары кабарланды. Бийлик ошондой эле калаадагы жол кыймылына чектөөлөрдү киргизип, оор жүк ташуучу машинелерге Тегерандын ичинде жүрүүгө тыюу салынды.
Өткөн жылы Дүйнөлүк Банк жарыялаган баяндамага ылайык, Тегерандагы абанын булганышынын негизги себеби оор жүк ташуучу автоууналардан, мотоциклдерден, мунай иштетүүчү заводдордон чыккан түтүн эсептелет.
Айрым тургундар муну ирээти жок, ойлонулбай салынган курулуштан да көрүп жатышат.